اقتباس:
المشاركة الأصلية كتبت بواسطة mehdi_mascara
عادي مشي حاجة ،
خليني نعطيك تجربتي البسيطة ممكن تستفيدي بيها ، لي يعرفوها بزاف إخوة و أخوات كانو معايا العام لي فات في نفس الوضع هذا ،
إنسان ما قريتش ، مكنتش نعرف كلمة ، بديت بداية العام تاعي عادي نقرا و متحمس لكني خسرت كلشي مع مرور الوقت ، ما جا يلحق ماي لقيت روحي إشتقاق تاع دالة من الدرجة الثانية و يا ربي يلا حليتها ،
المهم كل يوم نقول نقرا غدوة كل يوم كل يوم ،
صدقيني وصلت حتى لنهار السبت لي عليها غدوة الإمتحان تاع البكالوريا ، قلت آواه لازمني على الاقل نعرف واش رانا نقراو ، دخلت لليوتيوب شفت ملخص تاع عربية كانت حاطاته أستاذة ، جبت بيه 13 (لعبتها قافز خليت السوجي لي متأكد منه و رحت للسوجي الآخر باش نختبر نفسي خخخ) كان بمقدوري نجيب 16 عادي ، الإسلامية هي الوحيدة لي كنت نعرفها بسك كنت نتبع مع الاستاذة + شوية حفاظة
الرياضيات أيضا نفس الشي قريتها في ذاك النهار بطريقة مكثفة و دخلت بيها للباك و كنت خادم خدمة تاع أكثر من 14 ولا 15 ، مي جبت 10 الله غالب ، الإنجليزية و الفرنسية معنديش فيهم مشكل ،
نجو لمربط الفرس ، التاريخ و الجغرافيا ما نعرفش واش رانا نقرو فيهم ، شريت كتاب ب 40 الف و الله حفظت منه 3 مصطلحات و خليت الباقي معلاباليش حتى واش رانا نديرو ، كي جا الامتحان ،كان ثقاااااافة ، التاريخ و الجغرافيا ثقافة و كأني قاعد فالقهوة ، يعني بمجرد تعرفي شوية صوالح تاع ماريكان الجزاير حروب منا ملهيه اتضمنيها ، جبتها ب16 ،
قتلك هاذ الشي كامل باش تديري الثقة في نفسك ، راكي ما ناسية والو فقط القلق راه دايرلك هكا ، للعلم كنت محتاج في كثير من الاحيان انهم يقولولي كاش حاجة نسلك بيها أما و الله ما طلبت حتى واحد ، كلمة ما نقلتهاش ،،
المهم و الأهم في قاع هاذ الباك انك ما تتقلقيش ، ما تخلعيش روحك ، و الله ماراه حاجة كبيرة ، سيمانة التالية قريتها جبت 11 كون قريت شهر كون طلعت أكثر ، و لي قرا يجيب ،
الباك والو ، و ضك كي يفوت و تطلعي للجامعة و تتفكريه تعرفي مليح قيمته بلي ما يسوا ولا شيء ،
|
والله غير فرحححححححححححححت وطلعلي المورال مرسي بزاف ربي يعطيك وش تتمنى جزاك الله خيرا
هاو ليك مريومة ونتي من اول العام تقراي يعني قادرة غير تعاودي وش حفضتي رح تتفكري كلش هاداك غير مالستراس تاع الباك مي نهار لي يحط السوجي قدامك تتفكري كلشي
( تقرير عن مشاركة سيئة )، و الموجودة أسفل كل مشاركة .
2018-06-11, 00:10
القنطة حكمـــــــــــــــــــــــــــــــــتني
العرض العادي
