قرار مصيري ، محتاجة دعمكم ...

[~ هبة الله ~]

صح فطوركم جميعااا و صح سحوركم
ماجيتش باه نشكي من القراية و من الباك الحمد لله مازال عندي إرادة قوية للدراسة و طموح كبير في النجاح و عندي أهداف و أحلام راني نخدم كل شيء باه نحققها و لكن دائما الحظ معاكسني راني نعاني من مشكل يتعلق بالمستقبل تاعي و راه محطمني بزاااف
كما تعلمون من قبل راني السنة الثالثة تخصص قابلة أيا اليوم كنت مع دارنا نتناقشو في أمور القرايا و المستقبل مع خويا العام الجاي الباك و هنا انقلبت الأحداث فجأة مين نطقت أنا و قلتلهم أنا ان شاء الله نجيب الباك و ندير يا مدرسة عليا ولا المعهد الوطني للاتصالات و تكنولوجيات الاعلام و الاتصال تاع وهران و في 2 طالبين معدل فوق 15
نطق الأب العزيز و سألني وقرايتك كيفااه ؟ قلتله ادا قدرت نوفق تخصصين مدابيا بصح ادا وضعت في موقف لازم نختار أكيد نختار التخصص الجديد و هنا ما لم أتوقعه أبدا قالي من سابع المستحيلات باغية تضيعي 3 سنوات أنا مانسمحلكش و ديجا صايي ماتروحيش تفوتي الباك مين ولينا فهاد التخمام
و درك ما الحل ؟ و القراية و البرنامج و السهرات ؟؟ والله راني نكتب و نبكي حقا راني في حالة حرجة يا نفوت الباك و ندير تخصص لي تمنيته و أكيد نخيب ظن أبي و لا ندير وش قالي و نسمح في حلمي و أهدافي .....
محتاجة آرائكم ..... دعمكم ... دون نسيان دعواتكم لي
عذرااا للازعاج و لكن مكانش مكان نفضفض فيه همومي من غير هدا المكان لي نلقى فيه راحتي