تخلطتلي كامل

[مريم المتفائلة]

السلام عليكم







كيفاش نديرررر حرت نشوف فيديوها نوردين ولا نحل سلاسل مصصطفاي ولا الباكالوريا ولا التجريبية على 4 لي جبتها ولا مواد الاخرى حرت بزاااااف


رايكم

[~ هبة الله ~]

أنا شخصيا راني نحل البكالوريات السابقة و كي نحصل في حاجة نشوف فيديو نورالدين فيها ، ادا بقالي الوقت ننتقل لسلاسل مصطفاي ان شاء الله

[Aya Ya]

واش رايك تشاركيني فالموضوع اللي حطيتو وباذن الله رح نكملوا الرياضيات في اقررب وقت ممكن

[مريم المتفائلة]

حسناااااااااااااااا

[ورد الاوليف]

نورمال اختي مثلا 5 اك و5 تمارين وباذن الله محلولة ربي يوفقنا جميعاااااااااااااااا

[مريم المتفائلة]

...............................

[ritajou]

انا تاني راني نحل بكالوريات راني حابسة في 2012

[achiever.x]

حليييي البكالوريات psq هوما الرسمي اذا كفاك الوقت حلي شويا من مصطفاي
المواضيع التجريبية قرايهم برك و الا لقيتي كش فكرة شابة حلي هاداك التمرين
متتخلطلكش توكلي على الله برك موفققة

[المُعادلة الصّعبة]

سلام مريم
شوفي اسمعي نصيحتي وما تندميش بحول الله
بالنسبة لفيديوهات استاذ نورالدين ما يكفيش الوقت مابقاش بزاف
اذا حليتي من قبل سلاسل مصطفاي عاودي ارجعيلهم شوفيهم شفهيا اذا واجهك سؤال ما عرفتيلوش حاول فيه اذا مقدرتيش شوفي الحل تاع الاستاذ و سجليه عندك
ومنبعدا حلي البكالوريات
ناكدلك بلي لازم السلاسل قبل لي باك لانهم حتى هوما بنفس الاهميه يعلموك المنهجيه تاع الاجابة
سلاسل هذاك الاستاذ الحل فيها اهم من التمرين في ذاتو
لانو منهجيتو مفصلة ورااااااائعه
لازم تقراي الرياضيات بشكل يومي باش تتقدمي فيها
اما عن استاذ نورالدين ألجئي ليه في حالتين
الاولى هي كي تباشري في حل البكالوريات كي تحصلي ف عفسه روحيلو
الثانية هي:
في الحوايج تاع المناقشة البيانية بأنواعها الثلاثة ننصحك بيه

و في رسم منحنى دالة انطلاقا من منحنى دالة اخرى كيف كيف
وتركيب الدوال
ويلا بغيتي نحطلك الفيديوهات المهمه لي تحتاجيها نحطلك نورمال
ربي يوفقك حنونة

[unknown person 1]

نفس حالتي و مادامك ضعيفة فيها انا ننصحك بالفيديوهات على الاقل هو يحل و انت تحلي معاه رح تتعلمي افضل من انك تحلي وحدك

[islam.fcb]

سلام ختي
مدام مبقاش الوقت و بلاك راكي متأخرة ننصحك بالتالي
احكمي ملخص الدرس من كتاب المغني و المراجعة النهائية راجعيهم مليح واذا مفهمتيش حاجة شوفي ملخص نور الدين ام ساعات فيهم 45 دقيقة مايدوش الوقت
ثم روحي حلي 10 تمارين من مصطفاي من كل وحدة
ثم روحي حلي بكالوريات في كل وحدة مثلا الهندسة حلي غير تمارين الهندسة
وكي تكملي زيدي حلي المواضيع المقترحة لمصطفاي
و اذا حابة تزيدي افكار روحي حلي تمارين المراجعة النهائية كل وحدة حلي 10 فيهم
بالنسبة للدوال خليها هي الاخيرة و كي تبداي التمارين ابداي بالمراجعة النهائية بسك يشمل الدوال العددية وحدها و الاسية و اللوغارتمية مع بعض في مصطفاي تلقاي الاسية واللوغاريتمية و زيدي 10 تمارين في الدوال الاصلية مبعد روحي لتمارين الدوال exو ln تع مصطفاي و مبعد تطرقي للبكالوريات (10 تمايرن تكفي وتوفي في كل وحدة يعني ماتكثريش عليه و خيري التمارين لي تكون شاملة و مختلفة)
حاولي تبداي المراجعة
1 - الهندسة تهناي منها حلي 10 تمارين مصطفاي ثم البكالوريات
2- ثم الاعداد مركبية بنفس الطريقة
3 - المتتاليات
4- الدوال (عددية/ex/lnx/اصلية)
5- احتمالات حلي فيهم 10 تمارين
هكا تتهناي من حكاية المات

== > اذا حتجتي طريقة للمواد الاخرى شوفي هذا الموضوع "مشاركة رقم 12" ممكن يفيدك : https://www.djelfa.info/vb/showthread.php?t=2145679

بالتوفيق ان شاء الله

[bouss2013]

السلام عليكم

الى الاخت مريم المتفائلة لا تقلقي اكثري من الاستغفار حافظي على تركيزك لما االتهويل

اعتمدي على البكالوريا السابقة + مواضيع الاستاذ مصطفاي

[مريم المتفائلة]

المشاركة الأصلية كتبت بواسطة bouss2013

السلام عليكم

الى الاخت مريم المتفائلة لا تقلقي اكثري من الاستغفار حافظي على تركيزك لما االتهويل

اعتمدي على البكالوريا السابقة + مواضيع الاستاذ مصطفاي

أستغفر الله الغفور الرحيم وأتوب إليه


ردك في محله

[مريم المتفائلة]

شكرااااااااااااا ريان شكرا الاخ اسلام اشكر الجميع على المساندة

[Hou Da Lar]

تفرجي الاسئلة الشائعة تاع نور الدين في كل وحدة و منين تكملي روحي حلي بكالوريات خاصة بشعبتك فقط ادا كنتي متاخرة رح يكفوك هادو وراح تدي نقطة مليحة بيهم باسكو الاسئلة تاع الباك نفسها تتعاود و ادا معرفتيش كاش سؤال في البكالوريات روحي شوفي الاستاذ نور الدين و بالتوفيق انشاء الله