قصة جميلة
في يوم من ايام جويلية ان شاء الله تبدا تسمع يقولو بلي النتائج احتمال غدوة ولا بعد غدوة وكل ماتسمع يقولو بلي غدوة تحس بكرشك توجعوتحس فمك يبس وتحس بشعور وكأنك جيعانوانت لست بجائعتختلط عليك الشعورات ............اوك خلوني نكمل
في اليوم لي يقولو باه تخرج فيه النتائج ورانا في الصباح وتسمع يقولو النتائج وقيل مع 15:00نتاع لعشية في هذه اللحظة ينعدم منك الاحساس تولي متحسش بالسخانة والبرودة نورمال تبقى في الشمس وانت عطشان تنتظر
في اللحظة تولي الساعة 14:30 تولي كرشك توجع والوجع يهبط تدريجيا ورجليك يفشلو تثقال عليك الخطوة وتولي مادابيك تبقى قاعد متنوضش
وفي 15:00 تسمع الزغاريت ياحليـــــــــــــــــــــــــــــــــــــــــــــ ـلك
مع 15:03 تلقى برطابلك يصوني واحد من صحابك يعيطلك تولي خايف تهز عليه ولا متهزش ايا تهز عليه يقلك ألو راهي خرجت النتائج وانت صوتك خافت تقولو انت نجحت ولا والو يقلك ايه نجحت ومعدلي 12.16 تقولو مبروك عليك وتكوبي عليه بدون شعور....تولي مسكين في هذيك الحالة
يهجمو عليك داركم يقولولك راهم خرجو نتائج عطينا رقمك نتاع التسجيل تقولهم واااااااااااالو يقولولك متخافش نشوفولك حنا ولا شوف انت وحدك
تقولهم دوك نشوف انا يبدو داركم كامل يمشو من وراك وانت تمشي قدامهموقلبك يخبط يخبط يخبط منقدرش نوصفلك الشعور
تلقى الميكرو مفتوح تدخل لسيت وداركم وراك يشوفو تخرج النتيجة
وفجأة تروح الكونيكسيو ؟؟؟؟؟؟؟؟؟؟؟ يقولولك داركم وقيل مفيهاش هذا باين فال نتاع شر ومنبعد واحد من داركم يقلك راهي جات الكونيكسيو هيا هيا وانت تشوف فيه وعينيك شاخصة وفي هذيك اللحظة حتى كون يعطوك طريحة متردش الهدرة كون يخبطوك بالكف متهدرش من الخوف
ايا دوك راك كتبت رقمك وكليكيت اوك.........متكملوش معايا ذوي القلوب الضعيفة راني ننصحكم.
وتبدا تروشارشي ومنبعد تعاود يرجعلك السيت وكأنو السيت ثقيل زيد حاول
ايا تزيد تحاول وتشوف في خاوتك وداركم كامل عيونهم في السيت مساكن ان شاء الله متحشمهمش على حساب الشوفة يموتو كون متنجحش ربي يقدر الخير
والان كتبت رقمك للحظة الاخير وحسيت السيت خفيفة وتخــــــــــرج النتيـــــــــــــــــــــــــــــــــــــــــــــ ـــــــــــــــــــجة
النتيـــــــــــــــــــــــــــــــــــــــــــــ ــــــــــــــــــــجة
النتيـــــــــــــــــــــــــــــــــــــــــــــ ــــــــــــــــــــجة
ألف مبرووووووووووووووووووووووووووووووووك نـــــــــــــــــــــــــــــــــــــــــــــــــ ـــــــــــــــــاجح
في هذه اللحظة بالذات تنعدم كل الحواس نتاعك تولي ماكش بنادم تولي تضحك وتبكي وتعيط وتسكت يعنقوك داركم وماماك وباباك وتولي تجري حاب تخرج لشارع ومنبعد تعاود ترجع ماكش عارف لوين تروح والزغاريت دايرة حالة في داركم تولي انت تاني تزغرت وهذه فرصة تعلم فيها الزغاريت ههههههههههههههههههههههههههههههههههههههه
يـــــــــــــــــــــــارب لا تحرمنا من هذه اللحظة ومن فرحة النجاح أمييين ياارب ...متنسوش تعرضوني .
Bac2018.....................
..ننجحوا بإذن الله..
دعواااتكم
( تقرير عن مشاركة سيئة )، و الموجودة أسفل كل مشاركة .
2018-05-31, 14:12
في يوم من ايام جويلية ان شاء الله
العرض العادي
