لا اجد تفسيرا لما يحدث لي

[مشكلتي]

السلام عليكم
اسمحولي يا اعظاء منتدنا الغالي
اريد منكم حل او تفسير او دعوة
فقد سبق انني كتبت موضوع في هذا القسم
المهم انني خلاص اريد ان اضع حد لما يحصل لي
اتعبت اهلي معي بخصوص كرهي او تعبي الشديد للطب فهذا الامجال يوم بعد يوم يثبتلي انه لا يوجد فيه مستقبل في الجزائر والله يوم بعد يوم ازداظ اكتئابا خاصة وانا ارى مايحدث مع الاطباء والاهانة وظرب الطبيبات واظراب الاطباء المقيمين الذين يدرسون الاختصاص بعد 7 اشهر ولم يتحصلوا على شيء
والله لندمت لي كنت من النجباء وتعبت بعد 13 سنة من قبل وشقيت باش اجني الثمار وزيد انه الطب متعب كثيرا جرب بات غير ليلة واحدة مع طالب طب وتشوف
زد على ذالك مهما درست والله لا خرجا لا دخلا لا صحابات لا حياء اجتماعية ومع ذالك نتائجي في الامتحانت دائما اقل من العشرة والله لكرهت قالك ازرع تحصد انا نحوس على حاجة تشجعني وراني العارفا صح في الراس بصح ثاني والله اصبت بالاكتئاب كرهت موقفي دائما ضعيف امام اهلي حتى ثقة غي نفسي منعدمة ندمت ندمت الى حد الموت والله مرات ربي يغفرلي ندعي انه اذا شاافلي خير نموت خير لي
خاصة كي نشوف لي كانوا يقراو معيا عادي لباك ب 10 ولا 11 راهم تخرجوا من الجامعة وكسروش راسهم ياسر وبالنسبة للبنات منهم لي تخطبت لي راها توجد خلاف موضوع العمل لانني اصلا راني نقرا ومقتنعة امباعد ان شاء الله ان شاء الله يارب يكونلي خير ونقعد في البيت
لاكن مع قريناتي لحد الان لم يطرق بابنا و منعرفش الخطبة كي دايرة مراتش ثاني يحكمني قلق واكتئاب حابة نعيش في حدود الحلال التام ونجرب شعور طفلة تلبس وتزها في دارهم وبين اهلها في اي مناسبة كانت وشعور انكي مرغوبة ويريدونا خطبتكي ويدكي
منكذبش عليكم هاذ الامر ثاني اثر عليا في قرايتي
والله هل انا طبيعية ماهو تفسير حالاتي
ادعولي لعلكم اقرب مني درجة الى الله
ان شاء الله ربي يغفرلي على الحالة لي راني فيها وربي يغفرلي على الحالة الي اهلي يئسوا مني اريد ان استرجع شعور النجاح والرغبة في الامور الخير اشعر اني جسد بلا روح استغفر الله
يارب سامحني وليت اتمنى البكاء لان البكاء راحة وهذي نعمة خفية ومن شدة الخيبات التي تحصل لي عيناي جفت من البكاء
اسمحولي ديروني كي ختكم والله معرفت واش ندير راني ضايعة راني في حلقة تدور وتدور
استغفر الله واتوب اليه