____²²²²²²²موضوع للنقاش²²²²²²²___

[طالبة لها هدف]

بونجوغ اازوووول صباح الخير صباح الهمة و النشاط
راني شفت بلي واحد ما طرح هذا الموضوع _ستنيتكم بزاف تطرحوه مي والو_
الوغ تطوعت و قلت نطرحوا على الاقل الواحد تعود عندوا فكرة على الموضوع _شوية خبرة في المجال_
ضرك بقالنا اسبوع على رمضان _الشهر الكريم_ #Don't woory
و اكيد رح نكونوا نقراو فيه الليل مع النهار
يعني حبيت كل وحدة يطرح فكرة طريقتوا في الدراسة في الشهر الفضيل
باسكو انا على قد ما خممت كل مرة نطلع بفكرة جديدة
_اليكم الخط_

[طالبة لها هدف]

.............................................

[المُعادلة الصّعبة]

سلام
انا بالنسبة ليا نقرا الوقت لي نقدر نقرا فيه
مثلا انا فيا طبيعة كي نكون جيعانه ما نقدر نقرا حتى حرف
لازم ناكل وتشبع معدتي باش نقدر نرفد في مخي
ايا نولي خفاشه نرقد فالنهار وننوض فالليل نقرا ههههههه
نقصر برك انا قلت نقرا وقت القايلة وبعد الفطور ونسهر
والصباح ما ننوضش بكري _كيشغل جبت الجديد_
معلاباليش راني غير نخلط انا ما خممتش لرمضان صراحة
قلت خلي يدخل نشوف الحالة كيفاش ونقرر

[زهرة وسط أشواك]

لم أفكر في هذا الموضوع
سأبدأ التخطيط لهذا الآن
ماذا عنك أختي ؟

[jë suîs comçà]

بالنسبة لياااااااااااااا
راني نخمم انو نبدا الدراسة من وقت الظهيرة للعصر منبعد نعاون ماما شوية في الفطووور اذا بقالي الوقت قبل آذان المغرب اني نخطف روحي نضرب طلة على الكرارس
بعد الفطور انا من محبي السكاتشات مستحيل نسمح في واحد فيهم هههههههههههه المهم حتان 23 و نبدا القرايا الى غاية 5 أو 6
و نرقد حتان 12 او 11 باه نكتسب شوية طاقة
ساعة هاذي هكذا نخمم و منعرف
مي أمنوني كي صمت لول بارح نقرا شوية و نريح 10 دقائق
معنباليش يأثر فينا هكا كامل او انا برك

[رونق الصبح]

السلام عليكم
عساكم بخير
نسيبة تحسنت على آخر فترة تركته فيها ؟
أنا سأدرس من وقت السحور إلى العاشرة ليلا ثم أذهب للنوم و هكذا .. أظنه يناسبني
عادة الصيام لا يؤثر في كثيرا
بالتوفيق

[رونق الصبح]

فكرة : لا وقت لنجرب و نبحث عن نظام جديد في شهر رمضان .. جربو أن تصوموا غدا الخميس للأجر و حتى تكتشفوا النظام الذي يساعدكم ..

[المُعادلة الصّعبة]

اهلا رونق كيفاش راكي ؟ هذي غيبة ان شاء الله تكوني مليحة
مافهمتش كيفاش من وقت السحور ل10 تاع الليل ؟
يعني تجيبيها ليلة كامله ونهار كامل حتى لل10 ؟
ولا قصدك من 10 الى وقت السحور

[المُعادلة الصّعبة]

انا جربت صمت الايامات لي فاتوا بصح توصل العشية وقت 5 و 6 نذبل ونفشل نحب غير ناكل لاني ما نقدرش نقرا وانا جيعانة
تبانلي الوقت لي يناسبني هو لي بعد الفطور حتى السهره لاني نسهر بزاف في رمضان

[رونق الصبح]

أهلا ريان
الحمد لله و أنت ؟
من بعد وقت السحور إلى العاشرة ليلا .. النهار
الأعوام السابقة كنت أسهر ليلا
لكن هذا العام لا يمكنني .. لأنه في الليل تعود الحياة للناس ، البيت و الجيران و التلفاز ووو

[jë suîs comçà]

المشاركة الأصلية كتبت بواسطة رونق الصبح

السلام عليكم
عساكم بخير
نسيبة تحسنت على آخر فترة تركته فيها ؟
أنا سأدرس من وقت السحور إلى العاشرة ليلا ثم أذهب للنوم و هكذا .. أظنه يناسبني
عادة الصيام لا يؤثر في كثيرا
بالتوفيق

اهلاااااااا رونق
نعم تحسنت و الحمد لله
ماذا عنكي؟؟؟

[طالبة لها هدف]

مغسي خياتي لي طرحتو فكرتكم
انا على روحي رح ندير الحاجة لي تساعدني
رح نولي نقرى من 10 ليلا حتان لل 1 تع الليل ملبعد نرقد نوض 3 يعني نرقد ساعتين نرتاح فيهم كيما نوض على 3 نقرى لل 11 تع الصباح ما نزيدش ملبعد نرقد كيما 3 ولا 4 نوض نديرها حفيظو هذاك الوقت لغاية اذان المغرب _درت صفقة مع الوالدة بلي ما ندير والو رمضان هذا سيرتو و اختي الكبيرة معانا في الدار_
دولي رايكم

[jë suîs comçà]

المشاركة الأصلية كتبت بواسطة طالبة لها هدف

مغسي خياتي لي طرحتو فكرتكم
انا على روحي رح ندير الحاجة لي تساعدني
رح نولي نقرى من 10 ليلا حتان لل 1 تع الليل ملبعد نرقد نوض 3 يعني نرقد ساعتين نرتاح فيهم كيما نوض على 3 نقرى لل 11 تع الصباح ما نزيدش ملبعد نرقد كيما 3 ولا 4 نوض نديرها حفيظو هذاك الوقت لغاية اذان المغرب _درت صفقة مع الوالدة بلي ما ندير والو رمضان هذا سيرتو و اختي الكبيرة معانا في الدار_
دولي رايكم

مممممممم مام انا قاتلي مديري والو
بصح منقدرش نشوفها تخدم الشغل وحدها لازم نعاونها
علالابالي تحاوزني هههههههه

[〆 بٰٰاولو 乄]

انااا
في نهار راقد وفي ليل نقرا
بوون كوغاج ^^

[Hou Da Lar]

انا عن نفسي نموت على رقاد في رمضان هههه منوضش حتى يبقى لاذان نص ساعة
المهم غادي نولي نبدا المراجعة من مورا فطور حتى 10 تاع صباح و في نهار نقعد راقدة و بلاك اساتذة تاع لي كور يولو يقارونا تاني في نهار
ربي يوفقنا انشاء الله و نفرحو والدينا