السلام عليكم
انا امراة بلغت اليوم35سنة من عمرها اكبر اخوتي اشتغل اطار في ادارة وظروفي المادية جيدة ولكن لااستطيع ان ابني سعادتي بالمال الذي أملك غير انني إدخره خوفا من المستقبل المجهول.
لدي المال ولا استطيع السفر لاني امرأة ولازم لي محرم .
ابي رجل كبير في السن واهتماماته غير اهتماماتي ولا يمكننا السفر سويا ، فكيف لي ان اسافر مع ابي تركيا او تونس او اي بلد ونجلس في مطعم او على البحر او اي جولة كلها شباب وازواج يتغازلون مثلا او اي مواقف محرجة لا يصلح لاب ان يكون مع ابنته.
كيف لي ان اشتري حاجيات خاصة واتبضع وابي معي ...أمثلة بسيطة لايصال فكرة صعوبة السفر مع والدي الذي لا يستهويه امور الشباب والجولات المنظمة.
اخوتي تزوجوا وكل واحد لاتي بعيلته وحتى ان سافرو يروحو مع اصحابهم ولا زوجاتهم.
لا استطيع استغلال مالي في أمور عديدة التي تشعر المرأة بالسعادة لا أملك بيتا ولا أطفال ولا عائلة ....
مالي اصرفه هدايا على عائلتي واولاد اخوتي واخواتي .
اشتريت ذهب اللي تخبيه العروسة منذ 10سنوات املكه ولا اتزين به لاني لم اتزوج وكل سنة اخرج عليه الزكاة.
لا استطيع لباس الكراكو ولا الفرقاني ولا البلوزة لاني لم اتزوج.
لا استطيع اصلا الاستمتاع بالحياة كاي امراة في سني لاني لم اتزوح.
اخواتي البنات والاولاد تزوجوا وعندهم اطفال.
كل قريباتي الاصغر مني ب 10سنوات او اكثر تزوجن أحضر عرس هذه وخطبة هذيك ونعاون ونشري الهدايا وأقسم بالله نفرحلهم من قلبي ونخرج معاهم نجهزلهم ونشريلهم ليهم كل ما يعجبني انا وكأنني أحقق أحلامي عن طريقهم.
حلم الامومة يمزقني يقتلني حلم لم يجف لساني بالدعاء .
اسكن وحدي مع امي وابي وافكر 24ساعة في مصري لو فقدتهم.
كل مكان نروح ليه ونشوف ازواج مع اولادهم تغيضني عمري.
كل زميلاتي في الشغل متزوجات وعندهم اولاد واللي في سني بزاف اللي عندهم اولاد رايحيين يجوزو البيام.
خبيت كيما اي بنت جهاز وكل مرة نشري ونتفائل الى ان انتهى بيا المطاف قسمت كل جهازي لانه فات وقته .
ادعيت بزاااااف هذه سنين راني ندعي
رقيت شحال من مرة.
ما نحبسش من الاستغفار ليل ونهار
كل ليلة نبكي في بلاصتي وتغيضني عمري ونخاف من المستقبل.
تذبحني نظرة الشفقة من عماتي وخالاتي اللي عندهم الكل احفاد.
قلبي موجوع ويتقطع نحكيلكم ونبكي والله العظيم ونشهد ربي على كلامي ان قلبي طيب بزااااف ونحب كامل الناس تفرح وانا كنت سبب في عدة زيجات ونحب كامل الازواج فرحانين والبنات ونحب نفرح الناس ولكن فاقدة لهذه السعادة.
الوحدة قتلتني ملامح وجهي اتغيرت وجه شاحب هالات سوداء بشرة جافة تعب نفسي ملازمني ليل نهار اكتئاب ولما نحب نتصل باي صديقة او قريبة او زميلة باش نبدل جو ونخرجوا يعتذرن ويقولولي راكي عارفة الدراري والدار احنا ما عندناش الوقت ماشي كيما انتي حرة ....علابالي بلي عندهم الحق لكن الكلام يجرح ...مرة بنت عمتي كنا كيما الخواتات ومنين تزوجت تبدلت ورجعت ما تجاوبنيش حتى في تلفون ، قلت عمتي واش بيها بنتك ما تجاوبش، قاتلي بنتي دركا عندها راجل ودار ومسؤوليات ماهيش libre كيما بكري ....
اللي حسيته لا يعبر....
الفراغ العاطفي قاتلني والوحدة شعور ما يعلم بيه غير اللي مجربه.
يا اخوتي في الله ادعولي ربي يفرج همي ويسعد قلبي ويعطيني على حساب قلبي.
الله يجعله في ميزان حسناتكم.
سمحولي طولت عليكم حبيت نفرغ لوكان ظ، بالمية من شعور الالم اللي نعيشه
دعواتكم اخوتي
( تقرير عن مشاركة سيئة )، و الموجودة أسفل كل مشاركة .
2018-05-04, 14:23
موجوع قلبي اخوتي
العرض المتطور
