مساعدة في اختيار الشعبة

[ﻓرَۑدَ]

السلام عليكم

احتاج مساعدة في اختيار اين من الشعبة علوم تجريبية او رياضيات

نتائجي في الرياضيات بين 15-17 اما العلوم والفيزياء 17-19

والكل نصحني بالذهاب الي شعبة علوم لان الرياضيات صعبة فقط للاذكياء من 18 وفوق


من فضلكم هل من مساعدة

[فاصلة]

اتبع قلبك شوف انت شا تبغي هذا أهم شيء ومن بعد طموحك شاهو بعد البكالوريا لانك اذا كنت تبغي الشعبة لي تقراها تنجح فيها
بالتوفيق ان شاء الله

[المداينية26]

أخي ,, واش راك حاب في الجامعة؟
خير على حساب التخصص يلي راك حابو
مثلا اذا كنت تحب الطب فإن معدل قبول الطب في شعبة علوم تجريبية هو 15,88
أما في شبعة الرياضيات هو 16,19,,, و مثلا مدرسة عليا للإعلام الآلي شعبة رياضيات : 16,41 و شعبة علوم تجريبية :17,36,,,
{ هاذو معدلات قبول بكالوريا 2017}
يعني على حساب واش حاب نتا في الجامعة,,, و هاذيك تع معدلات 18 فما فوق في شعبة الرياضيات و الله غير راهم يكذبو عليك
قرات معايات وحدة العام الماضي في السنة الأولى ثانوي الفصل الأول 9 الفصل الثاني 10 الفصل الثالث 9 و دخلت راطراباج باش طلعت للسنة الثانية ثانوي و خيرت شعبة رياضي الفصل الأول 14,50 الفصل الثاني 15,30 !!
الميزة يلي كاينة في شعبة الرياضي هو العدد القليل في ثانويتنا مثلا كاين 5 في القسم فقط,, و تارمينال 6 ! و حنا علوم تجريبية 25 في القسم و القسم الآخر 23,,
الأساتذة ما يتعبوش معاهم و كي ما يفهموش يعاودولهم و الفوضى ماكاش و كي يكون العدد قليل تسما يستوعبو أحسن الدروس ,, و الرياضي يلزلمها شوية la base في الفيزياء{ معامل 6} و الرياضيات { معامل 7}و باقي المواد الأخرى معامل 2 حتى العلوم,, يعني الرياضيات و الفيزياء هوما الصح يا يهبطوك يا يطلعوك,, بصح علوم تجريبية مادة العلوم معامل 6 و الفيزياء 5 و الرياضيات 5,, يعني إذا راحتلك في العلوم تقدر تعوضها في الفيزياء و الرياضيات ,,,
المهم خويا ربي يوفقك ان شاء الله
و ننصحك تصلي صلاة استخارة خاصة في هذه الأيام المباركة ,,
و شكرا

[Mohamed Y]

أخي كيما قالولك المـيزة تاع شعبة الرياضيات العدد القليل
في ثانويتنا 13تلميذ في شعبة رياضيات
44تلميذ في ثعبة علوم تجريبية

أخي أنصحك بصلاة الاستخارة
بالتوفيق

[ندوشةة]

السلام عليكم
جمعة مباركة ..
أنا رايي تخير شعبة العلوم الطبيعية ،
يكذبو عليك لي يقولولك يقدرولها غير معدلات 18 فما فوق
نعرف وحدة كانت تدي 18 فالسنة الاولى اما فالثانية شعبة رياضيات ولات 16 .. 15
اذا كنت متمكن من مادة الرياضيات كثيرا ليس قليلا فقط ستتفوق في شعبة الرياضيات
اما ميزة شعبة العلوم انك كون طيح في مادة الرياضيات مثلا تقدر تعوض بالفيزياء و العلوم عكس شعبة الرياضيات كون طيح فالرياضيات يهبطلك المعدل و أيضا رياضيات السنة الاولى مختلفة تماااااماااا عن رياضيات السنة الثانية يعني لا تحكم على نقاطك في السنة الاولى
و هناك اظن وحدة زايدة فالفيزياء بالنسبة لشعبة الرياضيات 2 ثانوي
يعني باختصار أنصحك بشعبة العلوم
و الاختيار لك في النهاية .
بالتوفيق

[amina.77]

بالنسبة للعلوم
وعلى حساب مايقولو الاساتدة احسن من اررياضيات

[امـــة اللـــه]

اولا انصحك بصلاة الاستخارة
ثانيا شوف لارادتك وبالنسبة للاقسام علوم مكتظة فيها على الاقل 42 ماشي كيما قسم الرياضي على الاكثر 16
انا وحدة من الناس خلعوني من الرياضيات وكي قريتها ساهلة ماهلة
ونعرف اخرين قراو علوم والله كانو يديو في 16 هبطو ل12 و 13
في شعبة رياضيات صح بلاك تتعب بصح تدي نتيجة فهامة وقانون يطبق
ماشي كيما العلوم تتعب تتعب وعاللخر يقولولك لازم تعبير علمي
ربي يسهلك ..

[أَحمــد]

وعليكم السلام ورحمة الله
من خلال معدلاتك .. شعبة العلوم التجريبية تناسبك جدا
وستتفوق فيها بإذن الله

[اسراء المعراج]

شوف نتا ووش تحب ونتا وحدك اللي تعرف ااقدرات تاعك في المواد وبالنسبة ليا شعبة العلوم اصعب من الرياضيات خطراش صحاباتي كل طلعو كيما دارو هادي الشعبة تسما لازم تبازي على المات والفيزيك برك ماشي كيما شعبة العلوم

وشوف نتا ووش يساعدك ربي يوفقك