الزواج أم الدراسة و تحقيق الطموحات؟

[مشكلتي]

السلام عليكم ورحمة الله وبركاته
سأطرح مشكلتي مباشرة و أرجوا أن تفيدوني
انا فتاة عمري24 ندرس فالجامعة سنة اخيرة في طور الليسانس ، متفوقة في دراستي كثيرا و لدي طموحات كثيرة في إكمال الدراسة وصولا الى الدكتوراه و ايضا العمل كمدرسة في الجامعة
بالنسبة للزواج مثلي مثل كل البنات تقدمولي بزاف شباب خاصة فالآونة الاخيرة و لكن كل مرة نرفض لسبب أو لآخر مرة نكمل قرايت مرة لانو الشاب مش قابل نكمل نقرا و امور بزاف مش حابة نحسبهم
ودك تقدملي خاطب انا ماقدرتش نتقبلو شكلا عكس احلامي تماما و ماتقولوليش الشكل مايهمش اني عارفة مي مانقدر ش نتخيل نفسي كزوجة ليه مهما حاولت ندخلو في راسي ماقديتش
و تاني شروطو ماقدرتش نهضمهم ممنوع الخروج بدوني او احد من اهلي عادي الامر مقبول ممنوع يكونو عندك صديقات صعيبة بزاف و تاني انا مانحبش نتقرب من اهلك او نعرفهم نبقى غريب و منين تحبيي تروحي عند اهلك نوصلك عند الباب ونروح
داري وحدي و لي تحبيها نجيبها عندك والتحواس معايا و ممنوع تخرجي غير لدار باباك او تقضي وانا معاك
مرفوض تتصفحي الانثرنث لاي سبب كان و الفيسبوك مانحكوش حسيت كي شغل يحكي على وحش

انا الامور لي قلتلكم عليهم كلهم قالهملي فالرؤية الشرعية ودك راني حايرة نقبل او نرفض
خايفة نرفض و اهلي كلهم حابيينني نتزوج لانو قالولي تقدمولك بزاف و من الممكن ماعادش يتقدمولك و من جهة اخرى شروطو بزاف صعيبة كي شغل راني في سجن و ايضا بالنسبة لدراستي راني متفوقة و غايضتني نسمح فيها
تعيشو ديروني بنتكم او ختكم و عاونوني لوجه ربي

[ابو سليمان10]

النساء الان ترغب قي الدراسة و العمل ثم ترغب في ان ياتي شاب مثالي ليتزوجها و هي في سن 28 و هذا مستحيل...لما البنت تتجاوز 25 بالنسبة لي و لكثيرين غيري هي في طريق اعتزال اللعب في سوق الزواج

[طموح التميز]

السلام عليكم و رحمة الله و بركاته

بغضّ النظر عن دراستك و طموحاتك ، حسبما كتبت لنا يبدو أن الخاطب لم يعجبك لاهو لا الشروط تاعو ، و راكي تخمي باه تقبلي غير باه تتزوجي و خوفا أنك إذا رفضتي مايتقدمولكش خطاب آخرين .. و هذا خطأ بالنسبة لي .. و يبقى مجرد رأي .. و قبل كل شيء صلّي الاستخارة أختي ، و ربّي يكتبلك الخير إن شاء الله و يرزقك زوج صالح يناسبك

[ريحآنة الوفآء]

على الاقل تحصلي على الليسانس
اضمني شهادة في حياتك ماتعرفي على الزمان واش مخبيلك
و صلي صلاة الاستخارة افضل شيء
و ماتتسرعيش الزواج ليس لعبة

[قدور بن عاشور]

هذا السيد ماعجبكش و ما تتخيليش نفسك معه و حابة ترمي روحك!!!!!!
الشرع يقول صاحب الدين، ونحن لا نعرف مدى تدينه، لكن في كل الأحوال ماعجبكش خلاص خليه يشوف من جهة أخرى.
لا تترددي في إبداء رأيك و ماتخليش داركم يضغطو عليك لأنها حياتك أنت.

[عثمان الجزائري.]

ذكرتيني بنفسي عندما وصلت لمرحلة السؤال عن الفتاة إن كانت تحب الدراسة و يقولولي إيه راهي excellente نقلهم Move to Next ما نضيع وقتي ما نشرط عليها تحبس, الغريب أن البعض يتذمر من الرجال الذين يضعون شرط عدم العمل مع أنهم يمثلون الأقلية بل هم في طور الإنقراض يعني من 1000 راجل تلقى على أكثر تقدير 100 يرفضون عمل الزوجة (مجرد تخمين من الواقع و ليست إحصائيات دقيقة) نعرف الكثير يبحث عن المرأة العاملة و الذين تلقبونهم أنتم يا معشر النساء (بالسقاطين)...و بالكلام على الشكل و الجمال لو كان الرجل هو من وضع هذا المشكل لكانت إجابات النساء أن معشر الرجال يحبون الجمال و هي حقيقة منطقية لا غبار عليها...يا أختي مثل هذه المواضيع لا يفتيك فيها أحد، أنت و قناعاتك و لتعلمي أن من يذكرك بحالات الطلاق التي حصلت أين خرجت الزوجة صفر اليدين قولي لهم الضامن ربي و لا أحد يضمن لا وظيفته و لا أي شيئ آخر...

[احمد العنبلي 14]

في مجتمعنا هناك مشكل وسوء فهم او تقدير للامور
واش فيها لما البنت تتزوج ومع ذلك تكمل دراستها
اليس تتوظف وتتزوج
فلم المجتمع يفرض على البنت احد من الاثنين فلم لا الاثنين معا
خاصة من جاءنا ورضينا خلقه او راينها تصلح وذات خلق يعني جاملتها فلم تضييع الفرص
مجتمع غريب

[toulay]

السلام عليكم
انا تاني الخاطب هذا معجبنيش طول
واش الشروط هاذو تقولي سجن ممنوع نتقرب من اهلك ومنعرف واش وان شاء الله برك قالك لازم تعتبر اهلي هوما عائلتك الثانية اذا قالك هكذا معناها راهو انسان اناني
وهاذي تاع الانترنت واش فيها لو شفتي كاش وصفة تاع طبخ
والاهم من كل هذا معجبكش الشكل ويكذب عليك ليقولك يا اختي الشكل يلعب دور كبير كيفاش ربي يعيشك تعيش تحت سقف واحد مع واحد مشي مقتنعة بيه وهذا الشخص عندو حقوق عليك
من الاحسن تكمل قرايتك ومكتوبك جاي جاي ان شاء الله
هيا ركز في قرايتك و au suivant
عل كل صلي استخارة
بالتوفيق

[kacimo.samy]

السلام عليكم و رحمة الله و بركاته

ربي يعينك وفكري جيدا

[زبدة ذايبة]

ماكاين حتى طموح أمام أن تكوني أم

هذه هي الشهادة الحقيقية التي يجب أن تسعي للحصول عليها

ماعندك ماديري بالدكتوراه وبالشهادات العالية


نجاحك في بيتك

تكفيك شهادة الليسانس


لو كان ماكاين حتى واحد تقدملك للزواج ممكن تكملي قرايتك عوض الانتظار الذي لاينتهي

وبعدها المستوى اللي يوفقك رب العالمين توصلي ليه يكون زيادة خير لك

لكن ترفضي الخاطب الصالح من أجل الدراسة تكوني غلطتي

هذ السن اللي راكي فيها هي أنسب وقت للزواج

وبعدها تبقالك الحسرة فقط

شهادات عالية بدون أمومة لامعنى لها

تكبري تلقاي روحك وحدك

عرفت الكثيرات بشهادات عالية جدا وقد خطت التجاعيد على وجوههن آثارا لايمكن أن تمحى

بقين وحيدات على كبر سنهن وكثرة أموالهن ومناصبهن العالية

لذا

مهما بلغ تفكيرك في النجاح لن يكون بمقدار حصولك على شهادة أمومة

إزرعي طموجك في أبنائك

لأنك بنجاحهم ستنجحين


وبالنسبة لهذا الرجل الذي تقدم إليك

إذا كنت لاتريدنه فلاتحملي نفسك مالاتطيقين

إستخيري

ولاتضيعي فرصة خاطب صالح يتقدم إليك

رب يهنيك ويهديك

[عسجدة]

بارك الله فيك


سلام

[صفاءdz]

المشاركة الأصلية كتبت بواسطة مشكلتي

السلام عليكم ورحمة الله وبركاته
سأطرح مشكلتي مباشرة و أرجوا أن تفيدوني
انا فتاة عمري24 ندرس فالجامعة سنة اخيرة في طور الليسانس ، متفوقة في دراستي كثيرا و لدي طموحات كثيرة في إكمال الدراسة وصولا الى الدكتوراه و ايضا العمل كمدرسة في الجامعة
بالنسبة للزواج مثلي مثل كل البنات تقدمولي بزاف شباب خاصة فالآونة الاخيرة و لكن كل مرة نرفض لسبب أو لآخر مرة نكمل قرايت مرة لانو الشاب مش قابل نكمل نقرا و امور بزاف مش حابة نحسبهم
ودك تقدملي خاطب انا ماقدرتش نتقبلو شكلا عكس احلامي تماما و ماتقولوليش الشكل مايهمش اني عارفة مي مانقدر ش نتخيل نفسي كزوجة ليه مهما حاولت ندخلو في راسي ماقديتش
و تاني شروطو ماقدرتش نهضمهم ممنوع الخروج بدوني او احد من اهلي عادي الامر مقبول ممنوع يكونو عندك صديقات صعيبة بزاف و تاني انا مانحبش نتقرب من اهلك او نعرفهم نبقى غريب و منين تحبيي تروحي عند اهلك نوصلك عند الباب ونروح
داري وحدي و لي تحبيها نجيبها عندك والتحواس معايا و ممنوع تخرجي غير لدار باباك او تقضي وانا معاك
مرفوض تتصفحي الانثرنث لاي سبب كان و الفيسبوك مانحكوش حسيت كي شغل يحكي على وحش

انا الامور لي قلتلكم عليهم كلهم قالهملي فالرؤية الشرعية ودك راني حايرة نقبل او نرفض
خايفة نرفض و اهلي كلهم حابيينني نتزوج لانو قالولي تقدمولك بزاف و من الممكن ماعادش يتقدمولك و من جهة اخرى شروطو بزاف صعيبة كي شغل راني في سجن و ايضا بالنسبة لدراستي راني متفوقة و غايضتني نسمح فيها
تعيشو ديروني بنتكم او ختكم و عاونوني لوجه ربي

صدقيني هذا الراجل صريح وحطك في أمر الواقع
ومحطش قناع النفاق وحط النقاط على الحروف
وياما بنات خدعهوم الخطابة بوعود كذبة ومن بعد كي
تزوجو إنصدمو لعقلية أزواجهم وطريقة
تفكيرهم هذا الراجل صريح وباش نقلك
أقبلي ولا متقبليش القرار يرجعلك لأنو

هاذي حياتك أنت أما أنصحك أن تصلي
صلاة الاستخارة وربي يقدم لي فيه
الخير ان شاء الله

[هـــدوء]

أتساءل ما الذي يتوفر عليه هذا الخطيب من صفات مذهلة حتى يشترط مثل هته الشروط
فهل هو ذلك الوسيم المتدين المثقف الثري ....؟؟
هذا الخطيب لازم يتعلم معنى الخطبة أولا
كيفاه يروح لدار الناس و يحط شروطو و يأمر و ينهي!
راه طالب مش مطلوب يعني لازم يعرض صفاتو الهائلة و يطرح الصفات لي حابها في خطيبته
و يحل باب للنقاش و التفاهم و يحاول يقنعكم برايو.
هذا كوم و حقيقة أنو مش حاب علاقة مع أهلك كوم آخر!
كيفاش نهار حب يخطب نورمال يدخل من الباب ونهار يتزوج خلاص مايعرفهم ما يعرفوه.ماهذا الجنون؟
الصهر حامي العرض و لو فيه نصيب يعني أهلك يأتمنوه عليك كيفاش يتجرأ يطرح فكرة التملص منهم بالطريقة هاذي؟؟
أما شرط الصديقات و تصفح النت بلغوا مني مبلغا ....لأنو هاذوا من البديهيات أو المسلمات من غير المعقول يدخل فيهم !!!
من حقك في الزواج تخيري لي حبيتي و لي ترضاه نفسك
لأنو عبد تكملي معاه حياتك .ماتخمي في سنك و لا في رأي اهلك و لا في رأي المجتمع المجنون تاعنا.
أما طموحاتك راهم جزء من شخصيتك واحد ماعندو حق يدخل فيهم
بغيتي تقراي بغيتي تبطلي انت حرة
المهم ما تخلي حتى إنسان يمد لنفسو الحق أنو يحددلك وش لازم تكوني و لا وش ديري غير بش تكوني معاه أو بش ترضي فئة من الناس أو أو....
و من المهم جدا أنك تفهمي حقوقك كامرأة و كزوجة بش واحد ما ينصب روحو حاكم عليك.

[محمد جديدي التبسي]

انت باينة رافضة لهذا الشخص شكلا ومضمونا
عادي ارفضي الزواج مش بالغصب
انت في سن مازال يقدر يجيك من يقبل بدراستك وعملك وكل شيء
ربي يبعثلو زوجة ملتزمة تتوافق مع تفكيره

[رندة.]

اذا راكي شايفة أنو ماتقدريش تتزوجي بيه وتعيشي معاه بالشروط إلي فرضها عليك، من حقك ترفضي. أما اذا كان قابل للنقاش والمحاورة في بعض النقاط زيدي خممي. لكن الحاجة الأهم أنك ماارتحتيش لشكله على هذا ماقدرتيش تستسيغي شروطه.
عموما صلي صلاة الاستخارة وربي يقدرلك إلي فيه الخير ان شاء الله