غلطتي ياصاحبي أني وفيت
--------------------------------------------------------------------------------
غلطتي ياصاحبي اني وفيت
والوفا في هالزمن غلطة زمان
كنت أحسب ان الهوى لامن هويت
يجبرك توفي لو هالكون خان
للأسف قلبي وأنا فيك ابتليت
وانت للتجريح أطلقت العنان
روح دور مثل حبي لو بغيت
ماتلاقي مثل حبي بأي مكان
غلطتك انك تعديت ونسيت
ان لي عزه ولي ألفين شان
خل غيري ينفعك دامك رضيت
وأنا متأكد بترجعلي مهان
والله ماسامح ولو عندي بكيت
ولو تقول انك رهن هذا البنان
بفرح بجرحك وأقولك مادريت
الزمن دوار وكل له أوان
( تقرير عن مشاركة سيئة )، و الموجودة أسفل كل مشاركة .
2007-10-07, 22:23
غلطتي ياصاحبي أني وفيت
العرض الشجري