يا سالبه قلبي

[عزالدين]

يا سالبه قلبي

--------------------------------------------------------------------------------

من يعشق الحاضر نسى كل ماضيه
وانا كرهت الحاضر باسباب ماضي

***
ويل قلبي لا زعل منهو يرضيه
لا صار ذبحه عن الأحباب عادي

***
قبل رمضان بيوم والقلب يطريه
بان القمر وازداد والشوق زادي

***
في ليلة(ن) ضلمى ودمعي اخفيه
اجلس اراقب هالنجوم وانادي

***
الشوف عذبني وهو بالصوت يكفيه
لا وا عذابي كيف يذبح فؤادي

***
يا سالبه قلبي من اليوم رديه
ردي خفوقي واخذي علم(ن) وكادي

***
إن كان قلبك يعرف الحب ضميه
وضمي ضلوعي وخلي الجو هادي

***
وان كان قلبك ما عرف حبي هاتيه
هاتي الفؤاد الي لا نطق قال وادي

***
الله من صدر(ن) شكى ونة(ن) فيه
لا طاب له مدوى ولا الطب فادي

***
الي صحيبه ما لقى حضن يدفيه
ما غير صبر(ن) لا قسى الوقت زادي