أصابع الشفلور بالجبن

[سوسن تسنيم]

السلام عليكم
يا هلا يا هلا مرحبا فيكم
اليوم قررت نحطلكم مقبلة ثانية بالشفلور بما انني لاحظت بلي مكانتش تفاعل مع الوصفة الاولى تاع الشفلور و لي كانت عبارة عن بيتزا بالشفلور
نتمنى الوصفة هاذي تنال اعجابكم و تفرحو بها اهلكم و وليداتكم




نبداو على بركة الله

نأخذ كمية من الشفلور يكون طايب فالماء و الملح و نخليه يقطر مليح بعد ذلك نهرسوه بالفرشيطة مليييييح مليح
نضيفلو فلفل اسود و كركم و زنجبيل و كمون و 2 سنات ثوم او ثوم بودرة و نزيدلو معدنوس مقطع رقيق
و نضيفلو ايضا كمية من الشابلور ( الخبز مرحي محمص ) حسب كمية الشفلور من نصف كأس الى كأس
نجمع الكل مليح بالاصابع و بعد ذلك نبدأ في التشكيل و هذا بوضع اليد في الماء لكي لا يلتصق الخليط و نضع
القليل من الجبن في الوسط و نشكل اصابع و نحطهم فالفرينة لكي يحافظو على الشكل ثم بعد ذلك في البيض ثم في الشابلور و نقليهم في زيت ساخنة على نار متوسطة و مرة على مرة قلبهم باش ياخدو اللون الذهبي .
شهية طيبة