/ الحفظ /

~QUeen Of Darkness ~ · 2018-02-18, 00:27

السلام عليكم و رحمة الله و بركاته
بخصوص مواد الحفظ، من يملك برنامجا جيداً يتبعه هته الايام ،any اقتراحات حول تقسيم الوقت بين الحفظ و المواد العلمية ؟
waiting for your suggestions,thanks family !

~ قدس ~ · 2018-02-18, 00:37

انا قررت نخلي السمانة هاذي للفيزيا والاجتماعيات يعني الفيزيا راني روطاار بزااف وثاني الاجتماعياات واش قدرت نحفظ ونحل في الفايدة في الليل كامل فيزيك نرقد صبااح من خمسة حتى تسعة تاع صباح ولا العشرة ونحفظ الاجتماعيات حتى لليل وين يجي وقت الفيزيا على الاقل نسبة 65% نكون حافظتها اما الاسلامية مش مقلقتني والفلسفة ثاني سمانة لي بعدها مع الرياضياات طبعا اذا خرجت عليا القراية هكذاا.. متأكدة هذي الطريقة الوحيدة.. لاني جربت كل الطرق ولم ينفعني شي

queen of heart · 2018-02-18, 00:39

والله انا تاني نفس المشكل اذا قريت المواد العلمية مانقراش الأدبية والعكس مانقدرش نوفق بيناتهم قاع

~ قدس ~ · 2018-02-18, 00:46

ووي شفتي العام خلااص وحنا ما لقيناش راسنا من رجليناا. لاازم في اقرب وقت نلقو طريقة مناسبة.. نتمنى انو الليالي البيضاء تفيدني..

pérah tova · 2018-02-18, 02:11

ابداو تحفطوا من الان
والله والله غير تندموا في الاخير
وخاصة مقالات فلسفية
و في الشهر الاخير يخرجوا مقترحات تتخلطلكم
لازم كل يوم حفظ حتى قبل اسبوع من الباك تحبسوااا لاززم
كل يووووووووم مادة حفظ

jieona · 2018-02-18, 13:51

انا بديت و راني دائما نوض على 5 تع صباح
من 5 للـ 7 نحفظ درس تاريخ مع شوي مصطلحات و تواريخ
و في المساء المواد العلمية
اذا وفقني ربي و شديت روحي محبستش في الحفظ راني تاريخ نكملها في اسبوع
و جغرافيا في اسبوع و ممبعد نبدأ شريعة
ان شاء الله يا ربي نقعد منضبطة

أمـــــــــِينَــــة♡ · 2018-02-18, 14:31

انا كملت مع دروش و مصطلحات تاع الوحدتين فجغرافيا و التاريخ
بصح جاتني صعوبة في حفظ الشخصيات تاع وحدة 2 تخلطولي اون بليس التواريخ حفظت و نسيت كينديرلهم؟

queen of heart · 2018-02-18, 14:47

اقتباس:

المشاركة الأصلية كتبت بواسطة pérah tova

ابداو تحفطوا من الان
والله والله غير تندموا في الاخير
وخاصة مقالات فلسفية
و في الشهر الاخير يخرجوا مقترحات تتخلطلكم
لازم كل يوم حفظ حتى قبل اسبوع من الباك تحبسوااا لاززم
كل يووووووووم مادة حفظ

هههههههههههه كيما راكي تحفظ نتي بعد حبيبتي
شفتي سبحان الله كملتي لبروقرام زوج خطرات وراكي تراجعي درك تالمون كل نهار تحفظي درس هههههههههههههههههه

pérah tova · 2018-02-18, 18:09

اقتباس:

المشاركة الأصلية كتبت بواسطة queen of heart

هههههههههههه كيما راكي تحفظ نتي بعد حبيبتي
شفتي سبحان الله كملتي لبروقرام زوج خطرات وراكي تراجعي درك تالمون كل نهار تحفظي درس هههههههههههههههههه

bsh ani hafdda wesh tndbii

طالبة لها هدف · 2018-02-18, 18:16

والله انا مش مقيدة روحي ببرنامج نهار نلقاها مافحتلي على لحفيظة نحكها غير حفيظة نجيبها نهار كامل مع 4 ولا 5 دروس
مي منيش نحفظ غير مين ذاك شغل نفهم روحي هكاك تترسخلي المعلومة حتى وننسى الحفظ مي نبقى فاهمة و قادرة نجاوب

رونق الصبح · 2018-02-18, 18:30

السلام عليكم
ساعتين حفظ أظنهما كافيتان يوميا - مداومة - مهما كانت تقنية حفظك و سرعته
و باقي الوقت للمواد العلمية
و لك اختيار الوقت المناسب له سواء في الصباح الباكر أو ليلا أو غيره
وفقك الله