مشكلة متعلقة بالهاتف.

[مشكلتي]

السلام عليكم أما بعد

من اسبوع حصل معي مشكل و رايكم مهم جدا بالنسبة لي
ما رأيكم عندما يتصل بكم شخص مهما كان المهم شخص تعرفوه و لكن ما تردوش في وقتها ، و كي تشوفوالاتصال تعاودلو ، هو (او هي ) يقفل الاتصال ثم يعاود مباشرة كونه هو المتصل الاصلي . فما رأيكم فيه ؟ هل تدخل في اطار اللباقة (لا يريد الاستغلالل)ام ضعف الشخصية ؟
وهل تفعل مثل هذا امر يعني تقفلو وتعاودو الاتصال ؟

ملاحظة :العلاقة بين الشخصين ليست في اطار الحبيبين و انما العلاقة عادية ( رجل مع رجل او بنت مع بنت او بنت مع رجل... المهم ليست في اطار الحب)

رأيكم يهمني جدااا

امر جد عادي

انا نديرها و السبب اني كي نتصل انا و يعاودولي نقول بلاك يحتاجو les unités و انا نروح نخسرهم فيهم
مالا نقطع و نعاودلهم

[الأصيــل]

يمكن هو تفهم الأمر فاعتقد انك مشغول في اول مرة .. وبالتالي في المرة الثانية اراد ان يوصل لك رسالة انه هو من يحتاجك ومن يريدك في امر ما .. بمعنى هو صاحب الشأن في المكالمة هذا احتمال ..
احتمال آخر أنه ليس استغلالي وسيخسر ثمن المكالمة عوضا عنك
الاحتمال الثالث أنه انسان مهتم بك وبالتالي يريد أن يبرهن لك بمعااودة الإتصال بك عوض الاستقبال منك
الاحتمال الرابع انه انسان نرجسي ويرفض ان يحملك ثمن المكالمة بل هو صاحب الشان ولذا هو من يتصل وليس أنت
الاحتمال الخامس هو تعبير منه عن غضب نتيجة عددمم ردك في أول اتصال فلذا لا يريد منك اتصالا بل هو من يتصل حتى لا تعيدها مرة ثانية
الاحتمال السادس اراها قوة شخصية وليست ضعف لأنه يتحكم في قراره والدليل أنه قرر عدم الاستقبال بل اغلق الهاتف ثم عاود الاتصال مباشرة
الاحتمال السابع في مثل هاته الحالات كان عليك مراسلته برسالة توضح سبب عدم استقبالك اتصاله حتى يتفهم الأمر وأن لا تتركه معلق
اختر اي واحدة من الإحتمالات وإذا اردت المزيد فأنا في الخدمة ..ربي يوفقك

[خالد عنابي]

طبيعة العلاقة والمعرفة بينكما وطبيعة المكالمة هي العوامل الاهم في تفسير هذا السولك فالاحتمالات عديدة


احتمال يكون اراد تحمل تكلفة المكالمة ودعم تحميلك لها



احتمال اراد او يوصل رسالة انه محتاجك في امر ما وبالتالي هو من يتصل ( من يحتاج الاخر يتصل به )



احتمال هو شخص مسيطر ويحب امتلاك زمام المبادرة


احتمال اراد ان يظهر الاهتمام

[nihal03]

الاحتمال الاول و التاني معقولان اما الثالث و الرابع فلا اعتقد

[sohaibdz]

التوسويس مداير حالة -_-
انا كيما نعود ماكتيفي ولا عندي الكريدي بزاف لي يعيطلي نكوبي عليه و نعاودلو و جامي واحد قالي علاه ولا كيفاه
وتاني صحابي لي عندهم لالين دايمن يكوبيو علياو يعاودو يعيطولي

[redeye]

أنا أتحدث 24/24 مجانا مع كل الارقام ومن بعد نخلص فاتورة. الناس اللي نعرفهم نكوبي عليهم ونعاودلهم والناس اللي يتحدثوا مجانا مثلي نرد عليهم نورمال
إذا كان عندك مشكل اسأل الشخص لماذا يفعل هذا وستعرف

[أم أماني أريج]

واضح أنها لباقة يا اختي أنا شخصيا أفعلها إذا كنت محتاجة خدمة من شخص و علاش نزيد عليه فمن اللباقة نعاودلو من رصيدي الخاص .

[mohamed nadim]

كاين واحد صاحبي
دايما كي نعيطلو
يقطع و يعاودلي
خطرش هو عندو تاع الباطل

شيء عادي لا ضعف شخصية لا قوة شخصية

[ابو سليمان10]

تحدث معنا جميعا...احينا افعل ذلك و احينا يفعل ذلك من اتصل بي
لما افعل ذلك افعله لباقة...خاصة ان كنت انوي ان اتحدث لعدة دقائق في امر قد يطول...و احيانا activation

[Hanan salim]

من باب الزوء مافيها شي

[محمد جديدي التبسي]

انا اللي نسحقو نبيبيلو يعاودلي نفلكسي مرة فالشهر فما بالك اذا هو يحتاجني
هذا شيء عادي ما تكبريهش.

[سجل أنا جزائري]

عادي جدا و خاصة اذا الشخص احتجني و علابالو بلي يطول في الهدرة فمن اللباقة يكوبي و يعاود هو

و ايضا ندريها باش نخسر الشخص على حساب شغلي

و كاين احتمال ثاني انو الشخص يهدر باطل علابها يكوبي
فهذا تعامل عادي

انا الحاجة الي يجني غريبة انو شخص هو الي عندو شغل و يطول في الهدر و شخص الاخر وهو الي يخسر في الوحدات

[النجمة القطبية]

يا اختي هدا منطق باه نتكلم على راحتي مثلا لما نتصل بزميلة او صديقة كيفاه نكلفها وانا اللي نحتاجها او حتى ادا اتصلت نسقسي على الصحة فقط
من باب اللباقة وباش ندي الاجر كامل ادا كان صلة رحم
هدا مبدا وداخل في الاحترام واللباقة وداخل في ادب المعاملات بين الناس
وانا اللي حيرني اعتقادك انه ضعف شخصية !
يعني انتي تشوفي مثلا اني نحتاج خدمة من انسانة ونزيد نكلفها دراهم ونطول بالهدرا هدي عندك انتي قوة شخصية مثلا هدا يسموه استغلال

[toulay]

وعليكم السلام ورحمة الله وبركاته
اولا حبيت نقولك يعني بصراحة هاذي مشي خلاص مشكلة انت برك كبرتيها
انا وحدة من الناس موالفة نديرها نعيط مين يرفدوش ومبعد يشوفوا الاتصال تاعي يعاودولي نقطع عليهم ونعاود ولا نرفد عليهم نقولهم درك نعيط
عادي خلاص
و en plus ماعندها حتى علاقة بضعف الشخصية
بالتوفيق