اشعر بالضياع

[المُعادلة الصّعبة]

اشعر بالضياع والشتات
مشني لاقيه روحي ومانيش فاهمة عليا
حاسه بشعور التيه
هذا من بداية الفصل الثاني يعني هذا الاسبوع صايره لا مُبالية و كأنو الامل بدا ينقص
كأني ما عنديش الباك حايره في روحي كيفاش تبدلت فجأة
متاخره و نشوف في الوقت يجري وكمية برود قلب اعترتني فجأة


وشبيها ريان ؟؟؟
والله ماني فاهمتني حتى التعبير راح ما عرفتش نعبر على حالتي exactly
شكرا لكل من مر من هنا و تقدروا تخليوا كلمة لعلها تكون هي السبب في نقطة التحول
لنا الله




والسلام

[سمية 61]

بالظبط ما أشعر به أنا الآن تيه كثير ..ضياع الوقت..قلة دراسة ....انا أشعر بنفسي كأني في دوامة وصراع مع الوقت
أحتاج حقا تحفيز من أحد لمواصلة ما ابتدأت به والوفاء بالعهد الذي قطعته على نفسي لا ادري ماذا سأقول لك سوى ربي يقويك ويعينك ويفقك أختي

[narimandz]

والله انا ثاني اختي رانا في نفس الحالة مي مالزمش نقابو هاك خطراش هاد هو وقت لي لازم صح نتعبوا رواحنا فيه ونقارو ونقاروا مليح ملييييييح
كل ماتحسي روحك بديتي تتكاسلي وتقولي اه هديك ومبعد نحلها ومبعد نفهمها راهي ساهلة تفكري لحظة نتيجة تاع البكلوريا تفكري صوت زغروتة تاع يماك والفرحة تاع بابك
ونشاء الله ياربي نكون من ناجحين

[رونق الصبح]

السلام عليكم
كلمة على السريع :
وحدك تستطعين احداث نقلة من وضعك هذا نحو الأحسن ..
عودي لمشاركاتك السابقة .. ستجدين الريانة الطموحة تنتظرك هناك

[salim 97]

انا كنت اكثر من حالتك العام الماضي

ماني فاهم والو ولا حافظ حاجة طول المورال طايح

راقد نايض ماكل كونيكسيو فايسبوك العطلة انتاع جانفي راحت هكداك مستفدت فيها والو

وكنت نغير كي نلقى جماعة مرفيزيا والنشاط في المنتدى

عزمت نقرا غير على جال نفرح والديا وبديت بشوي بشوي و الحمد لله نجحت ومنسساش فرحت الباك طول حياتي

وغدا عندي كنطروول في الجامعة دعواتكم

مع اني مرفيزيتش العادة محبتش تننح مي قالك الدعوة من عند 40 غريب مستجابة هههه

بون كوراج ايتها الطموحة

و بالتوفيق للجميع

[~ شُـمــــــوخٌ ~]

صراحة كانني صاحبة الموضوع
نكون قاعدة نتفكر وش لازمني ندير ولا تفكر الباك شغل عادي
وصراحة كنت نتحفز كي نشوف الاعضاء يحطو تحدياتهم ويسهرو و التحفيز
مي دك نقص النشاط وانا كذلك المصدر الوحيد لي كنت نحغز منو بدا يتلاشى
ربي يقدر الخير

[سُـــمَـــيَّـــه]

واشبييييك ريونة ماعرفتكش هاكا وين راهي ريان الطموحة القوية الشجاعة اللي حاجة ماتوقفها
افطني افطني باقي 4 شهور و كلشي يتحقق كلللشي كنتي حابة تديريه ديريه في العطلة مين ترتاحي و يكون ضميرك مرتاااااح
wake up darling

[believe in ur DreamS]

Same Here ....

[المُعادلة الصّعبة]

يا انا يا الرياضيات اليوم
ضرك نشوفوا شكون لي يخرج الفحل في الاخير
راهي لاعبتها عليا اليامات هاذي و انا نقلق من واحد يلعبها عليا 😡
علابالي تحمست بزياده 😂 وهذا هو المطلوب
يا انا يا هي ضرك ننعتلها الشطاره 😈

نقدر نقدر وشي التمسخير تاعي هاذا نقعد حاطه يديا على خدي والوقت فايتني الناس راها تجري وانا وش نستنا الفرج يجيني على طبق من ذهب ؟ نحلم
والله تمسخير لي راني فيه والله تمسخيييير راني بانية في راسي الف بناية ومانيش نخدمليهم منين يجيوني منين
سوف نرى باذن الله 💪

[سُـــمَـــيَّـــه]

المشاركة الأصلية كتبت بواسطة الريانة الطموحة

يا انا يا الرياضيات اليوم
ضرك نشوفوا شكون لي يخرج الفحل في الاخير
راهي لاعبتها عليا اليامات هاذي و انا نقلق من واحد يلعبها عليا 😡
علابالي تحمست بزياده 😂 وهذا هو المطلوب
يا انا يا هي ضرك ننعتلها الشطاره 😈

نقدر نقدر وشي التمسخير تاعي هاذا نقعد حاطه يديا على خدي والوقت فايتني الناس راها تجري وانا وش نستنا الفرج يجيني على طبق من ذهب ؟ نحلم
والله تمسخير لي راني فيه والله تمسخيييير راني بانية في راسي الف بناية ومانيش نخدمليهم منين يجيوني منين
سوف نرى باذن الله 💪

أنا خفت في بلاصة الرياضيات خخخخخ

[queen of heart]

wlh t9ol 3lya ana li ktabt sujet
ndir prgrm w jamais khdamt bih n9ol ndir hak w hak enfin mandir waooooooooooo wlh c trop

[ملاك]

اريد ان اصدقك القول لقد ترددتكثيرا قبل ان اكتب ليس تفاديا لنصحك بل لاني كنت مع تمرين علوم بالوقت ههه لكني تركته واتيت اليك بعدماتذكرت انني اشتاق للقائكم كثيرا
في قصر المتفوقين فلا تبخلو علي بذلك اتمنى ان يجمعنا الله هنالك فليكن همنا السعي لا الوصول
الوصول هو مشيئة الله وقدره لكن بما اننا نملك كل الظروف للسعي نحو اهدافنا فلا بد لنا ان لا نقف مكتوفي الايدي
لان هذالا يزيد طين سوى بلة
كي تضيق بيك خلاص اتفكري لحظة لي يكون فيها عايلتك كامل دايرين بيك وانت تكتبي في رقم التسجيل نتاعك الارقام التي تظهر ستحدث الفرق الجوهري في حياتك صدقيني
احيانا قد يغير ترتيب ارقام مصير انسان من الم يذهب عيشته الى امل يحييه وبسعادة

[!~•عًــ سُــيّــدٍ ــلــيّ •~!]

خلاص نصحوك ماعندي مانزيدك على واش قالولك { في الحقيقة ماعندي حتى حاجة نقولها مانعرفش هههه }
+ شوفي واحد الموضوع هاهي كتباتو some one نورمالمون يفيدك

[طيف الملاك¤اماني¤]

توقفوا لحظة من كتب هذا الموضوع
من هي من هي لا ليست ريان
هاذيك تضيع لا مستحيل تحطها في متاهة الامازون الاميكية تخرجلك منها
نتي ياريان لي تقولي حلمي ووووو
وين راح ظربتيه في 2000000 حيط
يزيك بلا تذمر راكي قوية راكي دايما تشجعينا
هاذي حالة عااااابرة وتفوت امسحي الغبار عن عينيك
وقولي انا ريان التي لا اهزم

[المُعادلة الصّعبة]

راني نحاول نخرج من هذيك الحالة وصراحة هي لي خلاتني نزيد ننطلق اكثر ونزيد فالوتيره و نخرج من الحلقة المُفرغه اللي كنت ندور فيها
راني نحاول نتجاوزها وباذن الله نقدر
شكرا لكل من مر من هنا ربي يحفظكم كل واحد خلالي كلمة هو فعلاً خلى اثر تاعها فيا وشجعني
فـ شُكــرًا