ماهي مخاطر عدم اتباع مخطط رخصة البناء

[naymar]

السلام عليكم

خاوتي عندي أرض مساحتها 120 م جاري بالخطأ دا منها 6 متر مربع كي بنا وفوق هذا الشيئ كامل قالولي بلي لازمني نخلي مساحة تقدر ب 30 بالمئة من مساحة الارض يعني 36 غير مبني باش يقبلولي رخصة البناء بفففففففففففف
يعني 6 متر اللي داها الجار + 36 متر يجب الا تبنى + 12 متر من أجل السلم = 54 متر مربع .
شاري 120 متر باش نبني F2 في 65 متر والله حرااااااااااااااام الباطيما اللي راني ساكن فيها مساحتها أكبر وحاس بالضيق
والله القانون تاع 30 بالمئة كان في السابق كي كانو يمدو الاراضي فوق 300 متر بالصح باش يطبق نفس القانون على الاراضي الصغيرة هذا امر لايقبله العقل .
انا درك ناوي ندير مخطط باش نفوت رخصة البناء بالصح في أرض الواقع حاب نبنيها كامل , وحبيت نعرف مخاطر عدم اتباع مخطط رخصة البناء .
اذا رايحة تجيني في غرامة معليهش بالصح راني خايف من الهدم +خايف مانقدرش نستغلها تجاريا في المستقبل بسبب عدم حصولي على شهادة المطابقة .