مواد الحفظ

Yoshiro · 2018-01-10, 18:06

سلام واشراكم خاوتي ان شاء الله تكونوا لباس .. المهم خاوتي راني نعاني الباك قرب و انا ما قدرت نحفظ والو من المواد الادبية , انا نجي نحفظ ما نقدرش ما عدتش قادر نستوعب الحفظ كيما قبل و راني حاير واش ندير باه نقدر نحفظ ... و ثاني مشكة النسيان المهم لي يعرف كيفاه يعاون بطريقة مليحة للحفظ يطرحها علينا نستفادو منها كامل .. و شكرااا

سُـــمَـــيَّـــه · 2018-01-10, 18:10

أنا ارتحت من الحفظ من نهار اللي اكتشفت بلي نقدر نحفظ بالطريقة لي نبغيها
ثلا أنا نبغي الرسم ألوغ نرسم كلشي نرسم الشخصيات و المصطلحات و التعاريف و تجيك ساهلة و مين نرسم نستوعب و نفهم على شاه راه يهدر الدرس أما الطريقة الزاوجة هي أنك تلخص كلشي , احفظ بالشوية و عاود كلشي حفظته بالشوية و الطريقة الثالثة و هي المفضلة و هي تغني الدرس باللحن هههه علابالي تضحك مي و الله هادو ليام رانا نحفظو الغنية خير ملي نحفظو دروسنا
انا هادو الطرق تاوعي و ربي يسهل

Yoshiro · 2018-01-10, 18:15

مشكورة الاخت .. المشكل انا ما نحبش الرسم , اما التلخيص يريحلك ياسر نقاط نحب نحفظها كامل و لا ما نحفظهاش , اما الثالثة انا لغنا ما نسمعوش حتى نحفظ بيه كامل

المُعادلة الصّعبة · 2018-01-10, 18:16

انا طريقتي في الحفظ هي نربط الكلمات والعبارات بأشياء اخرى ملموسه وتهمني انا كشخص
مثلا انا عندي موضوع معين في مخيلتي وكي نقرا الدرس نلقى كلمات يشبهوا ولا عندهم صله بهاذاك الموضوع ايا نتفكرها
نعطيك مثال وماتضحكش عليا ههه
مثلا عندي صحبتي سموها خلود وهي والدة في 25 جانفي
المهم لقيت بلي منظمة الكوميكون 25 جانفي 1949
وحنا عندنا كلمة "كوميك" معناها ميكي ولا رسوم متحركة
انا باش نحفظ التاريخ تاع منظمة الكوميكون نقول خلود كوميك ونقول ولدت في 1949 مالقري هي والدة في 2000 كيفي بصح باش نقربها لمنظمة الكوميكون
تخيل حفظتها العام لي فات ف الدوزيام لحد الان حافظتها
ومثلا كلمة هكا تلفت انتباهي نربطها بحاجه ساهله ونعرفها
هكا ماتخليش الحفظة صعيبه وتربطها باشياء تعرفها انت وماتبقاش مجرد كتيبه جامده لازم عليك تدخلها في راسك كيما راهي
وحاول تفهم على واش يحكي الدرس اقراه قراءة شاملة واعرف العناوين واعرف على واه يهدر ومنبعد ابدا احفظ بالعنصر هاذي ثاني تساعدني شخصيا
المهم انت شوف لي تناسبك وديرها ايًا كانت الطريقه ماتخليش الحفظ ثقيل
بالتوفيق

Yoshiro · 2018-01-10, 18:27

راني مع كتاب محمودي عادل نفتحو نشوف نشوف فيه و نغلقو , التواريخ ساهلين ليه ليه نحفظهم المشكل في المصطلحات و الشخصيات و الدروس نقدر نحفظهم غير ورقة و ستيلو الحاجة على الاقل 3 مرات ,و هكا تديلي الوقت ياسر

المُعادلة الصّعبة · 2018-01-10, 18:31

اقتباس:

المشاركة الأصلية كتبت بواسطة yoshiro

راني مع كتاب محمودي عادل نفتحو نشوف نشوف فيه و نغلقو , التواريخ ساهلين ليه ليه نحفظهم المشكل في المصطلحات و الشخصيات و الدروس نقدر نحفظهم غير ورقة و ستيلو الحاجة على الاقل 3 مرات ,و هكا تديلي الوقت ياسر

نورمال كل واحد وخفوفيتو فالحفاظة خليها تدي الوقت على روحها المهم نتا تحفظ وتترسخلك
كي تحفظ المرة الاولى مليح وتحسها ترسخت اي تفوت فتره وتحس روحك نسيتي بصح لا راهي تبقى عالقه في ذهنك بمجرد تعاود تقراها تجيك البقيه وحدها
احفظ بالكتيبه والصوت ف نفس الوقت ==فعاله جداااا
لانو الامتحان راك رح تجاوب بالكتيبه مش شفويًا
الحاجه لي تحفظها اكتبها ورددها في نفس الوقت بالصوت
ثاني هاذي ساعدتني بزاف

queen of heart · 2018-01-10, 18:50

ana nsajel soti w nb9a nsme3 fih w n3awed
ana hifdi sam3i

سُـــمَـــيَّـــه · 2018-01-10, 18:54

خويا مايليقش تضغط على روحك تقدر تفهم و تعبر بطريقتك الخاصة الشخصيات احفظ أهم منجزاتهم و مشاريعهم و المصطلحات اعرف على شاه يهدرو و ساهلة تعاود تعبر عليهم المشكل عندك ماعندكش قاعدة تاع التعبير علاه تجيك صعيبة تعبر من عندك يليق يا تحفظها يا متحفظهاش و الوقت ماباقيش بزاف لااازم عليك تعاون روحك بالتلخيص المهم تدخل للباك و في راسك حاجة
ماتخافش كلشي يسهل

هاجر سوسو · 2018-01-10, 19:15

والله غير نفس المشكل ما علاباليش واش راو صاريلي ما قدرش نحفظ كامل والله
راني ضايعة مع الإضرابات و الوقت راهو يجريييي وانا ما درت والو
والله المستعان

Yoshiro · 2018-01-10, 20:29

نحفظ ورقة وستيلو و خلاص ... ربي يوفقنا كامل

abir sweet · 2018-01-10, 20:38

حاولي تقراي الدرس قبل ماتبداي تحفظي وحاولي تستعملي الوان ونظمي الحاجة لي حفظتيها ديري عليها علامة وحطي خريطة صماء قدامك بش كي توصلي للاحلاف والمقرات تحدديهم من الكراس واذا عندك مصطلحات حطيهم قدامك واي مصطلح صادفك ولا شخصية ديريلها علامة واقرايها بش تفهميها مليح اما النسيان حتى انا ننسا مي لازم نراجعو