مخططاتكم للدراسة و المراجعة , بعد انتهاء الاختبارات ...

[Mr.R]

أهلا السلام عليكم خاوتي

ان شاء الله تكونوا لاباس بخير

رأيت أن اغلبكم راهو باغي يدير بروقرام تع مراجعة من ضروك

مباشرة بعد انتهاء الاختبارات , حفظ الدروس , اتمام النقائص , اعادة حل التمارين

ربما يوجد من لا يريد الذهاب للمدرسة هذي السمانة

و العطلة راح ديروها لاعادة دروس الفصل الأول

ولا توجدوا دروس الفصل الزاوج

باغي نعرف واش راح ديروا :d بالاك مام أنا ندير مخطط

ونبدا نريفيزي من قبل عطلة

متشوق لردودكم

[!~•عًــ سُــيّــدٍ ــلــيّ •~!]

خوك خادم برنامج من بداية السنة بصح ماطبقو ولا يوم ههههههه
ان شاء الله من غدوة نبدا فيه في الليل نصورو هههههه

[Ghada ella]

ههههه انا تاني راني نخمم نجيب ورقة ونبدأ نقول واش ندير مبعد نقلق نحبس ههههههه ملقيتش باه نبدا

[sweet mimi]

هههههه راهي مخلطة ندير برناامج ممباعد نقطعو نزيد ندير وحدوخر وكيفكيف ههه

[Mr.R]

Mdr
فصل كامل فوته غير زعاقة لازم شوية جد ولا جدية ولا معلاباليش وش يقولولها
متأكد بلي كاين أعضاء وحدوخرين راهم موجدين

[mohamed.2000]

والله معلابالي واش راح ندير
المهم عندي منهار الخميس وانا في راحة ان شاء الله غدا ساقف وابجا من جديد

[شمس الأمنيات]

كاين برنامج وردي ملون معلق على الحائط
من ديسمبر ------>15 ماي
اذا اردت نصوورولك ؟
العطلة للميكانيك + الاتصال العصبي +احتمالات جزء من المتتاليات

[سارة بسمة نادية]

معرفتش كيفاه ندير برنامج معرفتش حتى كيفاش نبدا
هل يوجد مخطط مليح جدول اي حاجة عاونونا بيها

[Mr.R]

وي بسمة مادابيك
اظن انا رح ناخذ المواد تع حفظ و قاع بشوية بشوية نعاود الحفظ و نحفظ صوالح لي محفظتهم تقريبا قاع تاريخ بالمصطلحات و قاع
اختبارات دخلت فهامة فاغلب المواد ,, تسما نحفظ شوية ب شوية نبدا بمادة حتى نكملها
و ممبعد نروح للمادة لخرى ,, اذا دروس منيش مكملهم نلهالهم
و نشوف منا الى العطلة نورمالمو نكون منقص شوية ضغط ايا و نزيد نكمل قاع دروس فصل أول
يعني لازم قبل مندخل فصل2 نكون متمكن من الفصل1 في جميييع الدروس و في جميييع المواد
هذا هو الهدف
اذا كملت بكري نبدا نحضر شوية دروس فصل 2 فيزيك و مات
زعما نصرب طلة على شروحات فيوتيب و حلول التمارين كالعادة ههه

[مريم المتفائلة]

اخي لم اقرر بعد هه اخذت راحة في هاتين اليومين سأنطلق من غد

[*افكار*]

السلام عليكم اخي mr.r -لا اعرف اسمك اعذرني -
انا سأراجع فيما تبقى المواد العلمية مع معرفة اخطائي من خلال تصحيح الاختبارات
العطلة للتقدم في الحفظ وفي بعض الوحدات

[aya.ayouya1998]

برنامج باهي ياسر

[Miss Princess]

taa Cha rani mDécidia Ndir wela
Nebda f 3 ème trimestre
-__-
iDa l9iit Kach prgrm Artiste 3andkom Ndireh
Bn Courage

[طالبة لها هدف]

هاذي الساعة في بالي الحفظ و اللغات اما العطلة رح نخليها للمواد العلمية

[Mr.R]

جميل ربي يوفقكم
أنا ثاني هذو يومين بعد تماما عن دراسة
اسمي هو عزالدين