السلام عليكم ورحمه الله وبركاته
اخوتي في الله اريد ان تقراؤو مشكلتي فانا بحاجة إلى نصاءحكم والله جد مربكة ومش عارفة روحي وين راني دائما نجري بلاما نوصل ونكون مقتنعة بنتاءجي
انا ربة بيت عندي بنتين وولد بعد الولادة في الصيف لي فات صابني الكثير من الفشل والخمول ...
راحتلي ديك النفخة وديك النشاط عدت ديما مكتسبة ومتشاءمة بعد العديد من أحداث محزنة لي صراتلي فيك اليوم العيد مات زوج أخت زوجي كانت كالصافعة في وجهي لحمي اكل تشكل عدت بالحمى في الليل ... ديما تصرالي مواقف محزنة و ودائما مخربطة وخاصة في منزلي دائما غير مرتب حتى الطبخ عاد غير بنين حتى راجلي عاد ياكل مع صحابو ويظل عندهم وانا في دوامة الحزن والكآبة وزاد مات خالي عندو اسبوعين زاد الطين بلة
انا مش رافضة هاد الشي علبالي هادي حاجة ربي ولكني انا بقيت في دوامة لم استطيع اخرج منها حسيت روحي مربوطة وزوجي لا مبالاة معي حاطني راني غير قاعدة متديري في والو وانا ترضع وتربي ووووو المشاغل كثيرة مع قلبي مش هاني مش مرتاحة
وخاصة زوجي أصبحت لا اتحمله بسبب معاملته معي حتى يولي بصح قعدتلي في قلبي مقدرتش ننسى وهو يهين فيا ياسر وانا إنسانة جد عاقلة وحشامة ة ديما نحملها في روحي ونسكت وهو مافهمنيش يعرف غير يجرحني
تعرفو أمس كانو جاوني صحباتي يباركولي امالا جا قالي ديريلي قهوة نضت وهو بني مديتهولو قتلو دوك نجي اتقيا عليه. قالي شدي عليا شدي اصلا موالفة نسربي وحدي قدام صحباتي وعادة صحباتي يعرفهم مليح يعني يهدر معاهم عادي وانا احشمت كي قاللي هم
واليوم نضت متأخرة لانو ابني بايت ينوض كي فطنت معولة نطيب الروز مع اللحم وكانت قعدتلي الماكلة من لبارح معجبتوش وناض يسب وانا راني بدراهمي ومتتمسخرش بيا وقادر نروح ناكل مع صاحبي ووووقادر نتزوج وساعات الحال وووووو
جرحني ياسر الله يتركن خاوتي انصحوني لم افهم نفسي وكيف احل مشكلتي
داءما مرتبكة ومتاخرة في كل شي وزوجي لا يرحم بكلام الجارح
( تقرير عن مشاركة سيئة )، و الموجودة أسفل كل مشاركة .
2017-12-02, 21:22
انصحوني فانا في فشل متواصل
العرض الشجري