هل أبوح بسرها لأخيها

oussama19 ESS · 2017-09-21, 15:38

السلام عليكم و رحمة الله و بركاته ....أريد أن أستشير اصحاب الحكمة او اي واحد يقدر يفيدني ...
بسم الله .....ان عندي 18 سنة ... كي كنت نقرا السنة الثانية ثانوي كانت تقرى معايا طفلة ...نعرفها مليح تسكن قدامنا و نعرف الاب و الاخ تاعها و خوها كبير 22 سنة ..المهم نعرفهم مليح خوها كان يخدم معايا .....الطفلة هادي كيما تعرفو حالة البنات تاوعنا فالثانوية ...كانت مرتبطة معا واحد ( كانت تمشي معا واحد ) حوالي عامين السنة الاولى و الثانية . وكانت خلاطة بزاف . التيليفون .. الفيسبوك .. الخرجات ..بزاف صوالح ..المهم ديما نهدر معاها و نقولها اخطيك و منا وكون يسمع بويك ولا خوك ..ديما ننصح فيها ..( سما كي عدت نعرف عايلتها برك ) حتى وصلت لدرجة قريب نحوس نرتبط معاها ( قلت انا نمشي معاها انا خير ..خير من تمشي معا واحد و كشما يصرا ...يعني كنت غالط بصح هاذاك ما قدرت ندير ) المهم كي طلعنا للسنة الثالثة بدلت الثانوية و ارتبطت معا شاب واحد اخر ..انا قلت ما نزيدش نحوس عليها مره..

المشكلة في هاذوك السنوات تاع الثانوية ..جامي هدر معايا خوها عليها و لا يقولي واش كانت دير ...حتى هاد العام كي روحت نسجل ..روحت معا خوها هوا لي سجللها .المهم نعتلو كيفاه و كي خلصنا جينا مراوحين ...

قالي "" ختي ياخي كانت عاقلة فالثانوية "" انا ارتبكت و قلتلو وي كانت عاقلة زاد قالي "" كشما تسمع عليها و لا كشما كانت دير قولي ..ديرني ني خوك..والله مانسمحلك لا خبيت عليا""

و هاد العام هيا تقرا فالجامعة ..سما علابالي كون تكمل هكدا علابالي تروح حياتها

الان يا اخوتي يا اخواتي ..دلوني للقرار الصائب .
.( انا علابالي بكلش بواش كانت دير ) هل نهدر معاه و نقولو و ش كانت دير مع العلم انو صاحبي و بويو يعرفني سما ندير فيهم خير

ولا ما نهدرلو والو و نسكت و خلاص

افيدوني ارجوكم

مراد سابقا10 · 2017-09-21, 16:00

شوف نقولك في قضايا الشرف متهدرش ومكان ما دخلك

ربي مازال ساترها لعوتش تتوب واذا مشافهاش ربي رايح توب رايح يفضحها عيااو الناس قبلها وتفضحوا في مواقف لا يتصورها احد

kacimo.samy · 2017-09-21, 16:02

السلام عليكم
عن نفسي لن اخبره

zineb_saib · 2017-09-21, 16:43

من ستر مؤمنا ستره الله

صفاء الروح · 2017-09-21, 17:10

معندو مداك خويا كان يرتكب خوها فيها جريمة وتصبح انت المذنب
خليها ان الله يمهل ولايهمل يجي نهار ويفضحها

سَامِيَة · 2017-09-21, 18:04

السلام عليكم

هي صح من ستر شخصا ستره الله
يوم القيامة وبإمكان الواحد أن يهديه
الله ويتوب وكأنه لم يحدث شيئ
لكن أن تحس وكأنك تخون صديقك أو
جارك الذي وثق فيك والذي تعتبر
عرضه من عرضك ولا تستطيع فعل
شيئ حقيقة إحساس صعب....

ادعيلها بالهداية والسترة
أنا احترت في مكانك أخي

جَمِيلَة · 2017-09-21, 19:09

السلام عليكم ورحمة الله وبركاته
مرحبا أخي أسامة
أجيب مباشرة عن سؤالك:
لا تخبر أهلها بشيء لأن هذا سيأزم الأمر أكثر قد تفضحها وينتشر الخبر في كل مكان، وهذا سيؤذي عائلتها أيضا وتصير سيرتهم على كل لسان،
المؤمن لا يفضح أخاه.
فقط ادع لها بالهداية ولا تنجرف وراء الغلط وتحاول أن تصاحبها أنت لانك لست محرما لها، ألا تخشى على نفسك من الفتنة.
وتذكر أنك ستخون العشرة بهذا العمل فأخوها صديقك وربما انت تعرف جميع أفراد عائلتها،
فمن حق الجيرة والأخوة التي بينك وبينهم أن لا تتدخل بأي شكل كان، ربما يكون قد جاملك بذلك الكلام ليتقرب منك أكثر ويبين لك بأنك مثل أخيه الحقيقي، لكن لو أخذته على محمل الجد وتكلمت في أخته قد تكون ردة فعله مغايرة لما تتوقع وربما ستخسره.
لا تكن انت من يبادر بالفضح لان الاولى الستر ومن ستر مؤمنا ستره الله يوم القيامة.
أسأل الله لنا ولها الهداية إلى طريق الحق
قضايا العرض هذه خطيرة لا ينبغي الخوض فيها أبدا
بارك الله فيك
تحياتي

kacimo.samy · 2017-09-21, 19:12

بارك الله فيك اخت جميلة
على هذا الرد الكافي والوافي

جَمِيلَة · 2017-09-21, 19:24

اقتباس:

المشاركة الأصلية كتبت بواسطة kacimo.samy

بارك الله فيك اخت جميلة
على هذا الرد الكافي والوافي

السلام عليكم ورحمة الله وبركاته
وفيك بارك الله أخي قاسم
شكرا جزيلا لك
جزاك الله خيرا
تحياتي

mokhtaro · 2017-09-21, 20:12

موقف صعب جدا ولكن ارجح راي الاخوه لانه ليس لديك بينة انها مازالت على نفس الطريق
لكن ما انصحك به ان قررت إخفاء الامر فانسه واحذر ان تخبره مستقبلا هو او غيره بانك كنت تعلم مهما كان الثمن ومهما حصل
لانه ان حدث امر لا قدر الله و علم انك كنت تعلم ولم تخبره فستكون مشكله كبيره

انا اقول هذا عن تجربه ربما ليس نفس الحاله لكن مشابهة
صديق لي كان مقبل على خطبة فتاه فسال صديقا اخر عنها فاخفى عنه كونها لديها صديق
فقام هذا الصديق بالخطبه وكل الإجراءات وبالصدفه اكتشف الامر بنفسه وساله ثانية فاخبره انه كان يعلم ولم يخبره بنيه عدم افساد الامر
هنا كادت صداقتهما ان تنتهي للابد

سهيلة2013 · 2017-09-21, 20:17

قوله يراقب اخنه وحده

oussama19 ESS · 2017-09-21, 22:08

بارك الله فيك الاخت جميلة ....

oussama19 ESS · 2017-09-21, 22:09

وتحاول أن تصاحبها أنت[/size][/font][/b] لانك لست محرما لها، ألا تخشى على نفسك من الفتنة.

ما فهمتهاش هادي

رندة. · 2017-09-21, 23:40

ان شاء الله ربي يهديها

جَمِيلَة · 2017-09-22, 02:59

اقتباس:

المشاركة الأصلية كتبت بواسطة oussama19 ESS

وتحاول أن تصاحبها أنت لانك لست محرما لها، ألا تخشى على نفسك من الفتنة.

ما فهمتهاش هادي

مرحبا أخي أسامة
معنى هذا الكلام أنك أجنبي عن تلك الفتاة ولا ينبغي عليك
أن تتكلم معها باسم الصداقة او لانكما جيران أو تتصرف وكانك اخوها الحقيقي
هناك حدودلا يجب أن تتخطاها حتى لا تقع انت كذلك فيما وقعت فيه هي
فمثل هاته التصرفات غالبا ما تكون من خطوات الشيطان التي تؤدي إلى ما لا يحمد عقباه
فهو يقوم بالتلبيس عليك ويظهر لك الأفعال الممنوعة على أنها أفعال خيّرة ومقبولة
لكن في الحقيقة أنت كذلك ينطبق عليك ما قلته عن هؤلاء الذين تتحدث عنهم وتغضب منهم، جميعكم لا يحق
لكم مصاحبة تلك الفتاة والسير معها في الطريق أو الكلام معها من غير ضرورة قصوى
والله أعلم
أتمنى أنك فهمتني إن كان لا يمكنني الشرح أكثر