تابع مشكلة زوجي

[مشكلتي]

السلام عليم رايحة نشرحلك بالتفصيل زوجي يحوس خوه يعيش غندتا للابد يعني اقالي امي مريضة وومدنغرف واش يقدر ربي ويعني كاين باباه وخاوتوا وشكرا

[النجمة القطبية]

راح نحاول نجاوبك رغم ان مشكلتك غير مفهومة
المهم هل اخو زوجك هدا عامل او يدرس او يتابع تكوين بمعنى مشغول بشئ ما
وهل هو انسان متربي وملتزم الى حد ما لانه ان كان كدلك سيعرف لوحده ان للبيت الزوجي حرمة وسيكون وجوده امر ايجابي التاثير على الاولاد والاهم سيكون التعامل معه اسهل
اما ان كان ميخدم ميقرا وفارغ شغل لا صلاة لا هم يحزنون مثل كثيير من مراهقي هدا الزمان فهدا خطر تدخليه بيتك وتخليه يختلط باولادك والله اعلم واش يقدر يعمل خصوصا في ظل غياب الوالدين
وان كنت ارى ان زوجك يريد ان يحضر اخوه حتى يكون تحت ناظريه ويصوبه للطريق خصوصا في هدا السن الحرج بدليل انو قالك امي كبيرة ومريضة يعني ميقدروش عليه اما زوجك فهو اقدر على امر تربيته وتصوبيه
المهم ادرسي الامر من كل جوانبه ان كان الولد يصلح وفيه الخير عاونوه واجركم على الله وادا جاء عندكم افرضي نظام خاص في البيت حتى يكون لك اوقات خاصة بكم انتى وزوجك واماكن خاصة بكم لا يدخلها احد كغرفتك الخاصة لان حق الزوج اوجب عليك من حق اخوه
اما ان شفتي انه من المستحيل ان تفرضي نظام محدد في البيت بسبب الحساسيات وان نظام بيتك وتربية اولادك ستفسد كلها بوجود هدا الولد فهنا يحق لك مناقشة زوجك
انتى ادرى منا بوضع هدا الولد اخت فكوني موضوعية في نقاشك ولا ترفضي لمجرد فكرة انوا راح يزيد عليك الشغل ويتعبك الرفض يكون لسبب وجيه
موفقة

[زبدة ذايبة]

إذا كنت إمرأة عاقلة

تقدري تأثري عليه ويكون صالح

إعتبريه وليدك لكبير

حدود الشرع واحد مايقدر يهدر فيها

الأمور فيها واضحة ولاغبار عليها

لكن نقولك

ماتسبقيش للشر

وماتخليش زوجك ياخذ عليك نظرة سيئة وسلبية

وتفتحي على نفسك باب شر يهدرو عليك الناس (الأقارب)

بأنك إنسانة شريرة ماقدرتيش تراعي الظروف

زوجك يبان خير منك (بالنسبة ليهم)

ويبدى فيك القيل والقال

والباب اللي كان مغلوق تروحي تفتحيه بيديك وفي الأخير ماتسلكيش لا من راجلك ولا من الأهل تاعو


خليه حتى يجي لعندك

رايحة تعرفيه بنفسك

إذا كان صالح راح يكون في كتافك وتلقايه من بعد

وماراحش يسببلك الإزعاج

وإذا كان غير ذلك هو وحدو مايقعدش عندك

وإذا ظهر أي شيء منه أو أنك ماتقدريش تتحملي المسؤولية تاعو هذاك النهار أهدري مع زوجك

وأعطيلوا الأسباب

لكن تبداي تهدري قبل ما يجي ما راهيش رايحة تفرى

زوجك رايح يفرضو عليك رغما عنك تحبي ولا تكرهي

بالتالي روحي معاه بخطوات ثابتة

بلا ما تتقلقي ، ولا ديري مشكلة

ممكن هذا خوه مايحملش يبقى عندكم في الدار

خاصة لو كان يكون موالف بالحرية

في بعض المرات الأيام يكون في طياتها وفي جعبتها الكثير لتخبرنا به

لذا لا تتسرعي واصبري

لعل الله يحدث بعد ذلك أمرا

[* الحلم سكر *]

ديري استخارة اذا ما فيهش الخير يبعدو عليك ربي سبحانه بلا ما تحسي و بلا ما تتدخلي انتي -عن تجربة- و موفقة

[محمد جديدي التبسي]

البعض ينصحك هنا وكأنه يظن ان فتى 15 سنة مثل جيل الثمانينات وما قبلها الان راه جيل مختلف 12 سنة تشوف منو العجب
كما ان من تجاوز الثلاثين يرى في سن 15 سنة طفل صغير ما أدراكم ان صاحبة المشكلة في العشرينات يعني صغيرة لا يمكن تقبل هذا الأمر وأن تكون هي قدوة له أصلا هي باين تريد حلا للتخلص منه ولا يقترب من بيتها الا ضيفا. وبما ان له والدين واخوة فلا مسؤولية للاخ على أخيه ومش لازم يحرجك من الناحية الشرعية هذا بالغ يعرف كلش وفايق بكلش يعني لا يصلح ان يدخل لبيتك الا ضيفا وحكاية راهي كي اختو قديمة كثير في زمن البراءة وليس في زمن الخبث والخبائث والمخدرات وزنا المحرم والافات الاجتماعية المفزعة.
لازم تتكلمي مع زوجك من زاوية الدين وليس من باب انه راح يتعبك في الاكل والغسيل لانو هذا ليس مشكلة بتاتا فما تحضرينه انت وزوجك يكفي لاربعة افراد واكثر رانا نعرفو التبذير كاين في اغلب الاسر الجزائرية.

[ابو سليمان10]

هذا زمن قطيعة الرحم...و الرحم القريبة الاخوة و الاباء

[sohaibdz]

زوجك هو رب الدار و يدير واش يحب و انت عليك بالسمع و الطاعة

[abdou30]

الله يهديه