حبيت نقدملكم مجموعة من النصائح بلاك تفيدكم 👍

〆 بٰٰاولو 乄 · 2017-11-02, 12:30

- اول حاجة الباك مهما كانت الشعبة تاعك ساهل و ماراحش يخرج على اطار واش قريتو
- الباك 70 % من الاسئلة مكررة يكفيك انك تحل الباكالوريات السابقة تدي مليح
- عن تجربة شخصية كي تشوفو واحد داير برنامج يقولك ديت بيه 16 ماشي بالضرورة ادا طبقتو نتا تدي 16 لانو كل واحد و القدرات تاعو و كل واحد و المواد لي ضعيف ولا مليح فيهم
- الاستيقاظ باكرا مفيد بزااف بصح كل واحد و على حساب مايقدر ماتقولوش مانقدروش انا شهر تاع سبتمبر كنت نوض نطفي تيليفون و نكمل رقادي خخ في افريل وليت نوض قبل مايصوني قضية توالف برك
- جانب مهم في التحضير للباك و مهم بقدر الدراسة هو الراحة . لازم جسمك يرتاح و نتا ثان ادا شفت روحك نصف ساعة في الفايس بوك يوميا تريحك و تخليك تقرا مليح ماتحرمش روحك منها بصح ماتمرقوهاش بزااف
- مهما كانت الشعبة تاعك مواضيع الباك من 2008 حتى 2017 لازم تكون شايفهم و تحل ما امكن منهم و تشوف الحل لانو منهجية الاجابة راهي تلعب دور كبير
- ادا شفتو بلي طريقة المراجعة لي طبقتوها ماهيش تفيدكم بدلوها و على هدا لازم تبداو من الشهر الاول باش يكون عندكم وقت
- ماتطيحوش في فخ اهمال المواد الثانوية لانو قادر تهبطلك المعدل و ماتديش الباك ولا ماتديرش تخصص لي راك حابو لا قدر الله
- تفكر بلي لي جابو 19 و 18 ماعندهم حتى حاجة زيادا عليك غير شوي جهد برك
- في ما يخص الناس لي تجوز للمرة الثانية او اكثر سواء ماجبتوهش او جبتوه و ماعجبتكمش العلامة كل حاجة فيها خير مالازمش يعجزو
- و اهم حاجة التوفيق من عند ربي ان شاء الله تكونو قاع ناجحين

بوون كوغاج 😇💚👌...

same_one · 2017-11-02, 12:43

انصائحك في محلها اخي ميدو
شكرا لك كثيـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــرا
و كيما قلت ما تهملوش المواد الثانوية عندها دور كبير صراحة
ان شاء الله كل واحد منا يحققلوا ربي امنيتوا
و ينجحنا
ان كان التوفيق من عند الله فأتمنى ان يوفقك الله =)

!~•عًــ سُــيّــدٍ ــلــيّ •~! · 2017-11-02, 12:49

مشكور خويا

〆 بٰٰاولو 乄 · 2017-11-02, 13:00

اقتباس:

المشاركة الأصلية كتبت بواسطة !~•عًــ سُــيّــدٍ ــلــيّ •~!

مشكور خويا

العفوووووو (^_^)

+++

3.1 هههههه 😛😛😛😛

〆 بٰٰاولو 乄 · 2017-11-02, 13:01

اقتباس:

المشاركة الأصلية كتبت بواسطة same_one

انصائحك في محلها اخي ميدو
شكرا لك كثيـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــرا
و كيما قلت ما تهملوش المواد الثانوية عندها دور كبير صراحة
ان شاء الله كل واحد منا يحققلوا ربي امنيتوا
و ينجحنا
ان كان التوفيق من عند الله فأتمنى ان يوفقك الله =)

العفووو اختي هاجر

ان شاء الله ياربي (^_^)