|
|
|
|||||||
| قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
|
|
أدوات الموضوع | انواع عرض الموضوع |
2016-07-28, 03:21
|
رقم المشاركة : 1 | ||||
|
رمضان وعيد فطر 2016
البسملة1
مساء الخيرات والليرات على أحلى عضوات بطبوطات  جبت طياباتي نتاع رمضان والعيد حتى أنا نعاند   كي العادة ديما نحب نبداكم بحاجة حلوة .. هذي الشهدة أول مرة نجربها مع أنو من ثلاث سنين وهي في راسي وندمت اني ماجربتهاش من قبل من أروع مايكون فعلا تحمر الوجه قدام الضياف خفيفة وساهلة وبنينة تقققققققتل  جرررررررررربوها يا بنات   حطيتلكم صورة البيبرون نتاع زكازيكو باش تفهمو باللي تتشرب مع الحليب خخخخخخخخخخخخخخخ  المرة الجاية نصغر الكرات أكثر باش جي أجمل ، أنا هنا درت غير كاس فرينة وشوية عايلتي صغيرة  شوفو من داخل خفييييفة والعسل كي شرباتو العجينة زادها بنننننننننة أنا خلطت العسل مع لا جولي ممممممممممم الريحة تقتل  وحشيتها زبيب وسكر بني وقرفة  هذي وصفة دجاج محمر بالموطارد تهبل هزيتها من النت حتى البطاطا رقدتها في التتبيلة وحمرت كلش مع بعض في الفرن مممممممممم  طاجين الحلو نتاع ماما طبعا على أصولو بنة لا يعلى عليها  قوارب الباذنجان دارتهم أختي المتزوجة وبعثتنا  سلطة الفراولة درنا بيها حالة العام هذا  بطاطا الاجبان وصفة اسمهان عمرتها فراميج أسمهان غير في التفرميج ماتغلبينيش هههههههههه  المحشي نتاع ماما على اصولو مممممممممممممم  هذي بيتزا درتها بالهوت دوغ ماعجبنيش مافيه حتى طعم تقولو كاشير   جلبانة ماما هذي في عرضة لحسو الصحون دارتها بلحم خروف ودجاج ضحكنا عليها قلنالها هذا قرنون بالجلبانة هههههه  ولسهرات رمضان العام هذا درنا حالة بالحلقوم انواع أشكال كخخخ فهمتو لاه رجعت انا دبدوبة ؟        بيتزا الكامومبار طلبوها لاااااازم بهذا الشكل يدللوا عليا   هذا اسكالوب بصوص الموطارد والليمون مممممم حااااااامض الوصفة هزيتها من النت طعم جديد ومختلف على واش تعودت أول مرة نجرب الاسكالوب بنكهة الليمون جي خفيفة مقارنة بصوص الكرام فراش  الروطي نتاع ماما حبيبتي  هذي وصفة جديدة نتاع مطلوع جربتها سمعت البنات معايا في الخدمة كسرت وذنيا و..... المهم ، جربتها يا لالي يا دلالي نحسب فيها تخرج كيلة صغيرة خرجو ست قرصات الوحدة قد الطاجين واش نقوللكم درتها في السهرة نتاع رمضان حتان أذن الفجر وأنا نطيب شوفو العجين المهم جا خفيف بصح هو فيه الفرينة وسميد والطريقة جديدة يخمر بسرعة ماما ماتحبش الفرينة في المطلوع على هذي درتو غير زوج مرات  هذا أبن طبق درناه في رمضان فخذ دجاج محشي ومحمر بصوص الجبن ممممممممممممم والله جا عسل يا بنات  هذي شوربة الأحرش ممممممم درتها بلحم الخروف للفطور يامامي نهار درتها والله كليت كليت ماقدرتش نحبش بصح بعد الفطور عييت نتحرك عمرتها هههههه  هذا الفطور نتاع نصفية رمضان داراتو ماما كامل وحدها   سلطة الفواكه من إعداد إختي هي تحب هذو الطوايش انا خاطيني ههههههه  هذي وصفة جبن كريمي جربتها جاتني عادي ماشي الطعم اللي نحوس عليه    قراتان جربتو من الفايس بطاطا ومحشي فرماج ولحم مفروم   هذا اسكالوب رولي محشي جبن في صوص لاكرام فراش داراتو أختي مممممممممم داراتو روعة   كبدة عجل مشرملة سخفت عليها أختي درتهالها   قاليت التفاح بالعجين المورق ممممممممممممممم تهبل تعرفوني نموت عليها Galette de pommes   مورقات بالمرقاز والكامومبار والسلق والشيدار مممممممم طارت في السماء  هذو فخذ دجاج بصوص الليمون والثوم رووووووووووووووعة أيضا الوصفة من النت لذيدة ممممممم  شارلوت من إعداد اختي المتزوجة   هذا عسل أم انس درتو باللون العسلي ماما قاتلي نحبو أصفر عاودتو على زهري راكو تشوفو كل واحد يدلل عليا وحدو : واحد خليلو الكامومبار طراف كبار فوق البيتزا وواحد بدليلو لون العسل وواحد ديريلو الشرمولة وواحد مايحبش القريوش ديريلو الخشخاش قلتلهم لقيتو اللي يطبلكم بديتو تشرطو    اسكالوب محشي بالجبن ومع بطاطا بصوص الجبن لذيذ   قراتان البطاطا بالسلق واللحم المفروم حطيتلكم الوصفة أصلا تعرفوها  روطي الدجاج الشهير نتاع ماما  طاجين القرنون داراتو ماما   بطاطا كوشة المسروقة خخخخخخخخخ   شارلوت بالفراز دارتها اختي المتزوجة وبعتهالنا  هذي الكفتة دارتها ماما مممممممممممم تهبل لاخاطر ماما تقلي اللحم يجي ممممممممم يهبل    تحلية بكريمة الجبن والنيستلي وصوص التوفي عجبتهم بزااااااااف قالولي خير من الباتيسري نتاع برا سرقتها آآآآآه هزيتها من النت    بيتزا بالأجبان وصوص الثوم    هذا من احلى السرقات اللي سرقتهم في حياتي ... مادلان بجوز الهند والليمون ,, نقوللكم خفيف هذي نورمال بصح البنة نتاع رووووووووووعة هايل والله احسن مادلان ذقتو لليوم رووووووعة طعم الليمون فيه حقة ماتضحكوش على حبة جوز الهند هذيك جاتني هدية  وهذا من داخل فاااااااااااااارغ ماتتقلقوش على الوصفة هذي نحطهالكم بالسيف عليكم ههههههههه وجربوها ثاني بالسيف والله جاتني حمى السرقة والتجريب ... هذو رغايف بالتونة ممممممممم بنان يهبلو وحفاف عجينتهم سميد وفرينة خفت منهم بصح جاو خفااااف خلاص وبنان يهبلو والله حتى اللي قعد الغدوة سخنوه وكلاوه طاروا بيه حبيت نقوللكم باللي لقيت سراقة هايلة نتاع وصفات راني نسرق فيها خخخخخخخخخ مسكينة ماعلابالهاش وتباعا للسرقة سرقت هذي أحسن وصفة نتاع بان كايك من اللي جربتهم كامل وجاتني زاكية زوج بيضات دارولي 12 حبة ماشي كبار بصح خفااااف بزاف ومثقبين كي نحط العسل تشربو ويدخل في الثقوب هذا وين قنعت الحمد لله هايلين في الخفة كيما حبيت والسر انو المواد الجافة قليلة في الوصفة والسوائل والخميرة أكثر على هذي خفاف هذا رولي سامبل درتو العشية اليوم ( جربت وصفة من النت ) درتو من داخل مدهون بمعجون الفراولة وحشيتو بلاكرام فراش وزينتو غير بالسكر ناعم مايحبوش في دارنا بزاف لاكرام وحتى انا درتو ليه ليه عجبهم بزاف كي عاد خفيف جا بنين بصح خفيف بزاف نحوس على وصفة تكون فيها الكيك ثقيل شوية ماشي خفيف ديما الرولي نتاع جي عجينتو مثقبة بزاف مايجيش باهي كي يتقطع  حلويات عيد الفطر حلوة التاج دارتها اختي المتزوجة وحشاتها بحلقوم نكهة ليمون جات تهبل فيه نكهة الليمون في العجين والحشوة  هذا قاطو الكورني ثاني داراتو اختي  هذا مقروط سوريا وصفة بشرى جا يذوب في الفم بصح زدت فيه شوية فرينة باش يتلم وطبعا محشي لوز بالقشرة روووووووعة نال إعجاب جماهيري عريض  كي طاب هبطت شوية النقشة نتاعو هي أصلا هذي النقشة نتاع مشكلة بثح خالتي قاتلي المرة الجاية جربي بيتيه باش يحكم السكل نتاعو ... تكلحت  هذا قريوش عين الجمل درتو وصراحة يندب يندب خدمتو ساهلة اما قليانو يندب يتقلى بالحبة الوحدة وعلى نار هادئة يجي مورق وفارغ وخفيف بزاف كي تاكليه كلي كليتي الريح   هذا صابلي بالنيسكافي وصفتي أنا ماتتصوروش هبل عليه الغاشي من العيد وجيب ماكانش اللي ماقاليش أكتبيلي الوصفة ريحة النيكافي تضرب منو من البعيد هذاك ماشي قلاصاج منمر نونون درتو بالشوكولا البيضاء والسوداء خخخخخخخخ   نعلم في أختي البقلاوة نتاع الفيلو نسيت نصورها بعد الطياب  غريبية جوز الهند والليمون الوصفة من المنتدى نسيت صاحبتها بصح لعشاق النواد كوكو تحفة بالليمون مممممممممم  هذي أختي المتزوجة عاندت عليا كي عجبها صابلي النيسكافي داراتو وعاونتها فيه  وهذو لي دوم أو حلوة بومبي المهم جا يذوب في الفم وبنين لاخاطر حشيتو مادلان مستورد مرحي بنين يهبل بصح ماهوش أفار خلاص في الصيف ذابتلي الشوكولا نتاعو خلاص هذا يليق غير في الشتاء   هذي بقلاوة تيركواز تعرفوها من تحت عجينة فيلو ومن فوق قطايف والحشوة لوز بالقشرة   جات تتقرررررررررررررمش قاتلي ماما هذي ماشي بقلاوة  هذو les carrés hongrois بنان وخفاف العجينة كي تاكلوها للي مايعرفوش تشبه في الجينواز خفيف بزاف ويعقب في صوص شوكولا ثم في النواد كوكو هايل خفيف بزاف ديما يخلاص هو الأول  هذا قاطو نيستلي داراتو أختي المتزوجة  غريبية الكاوكاو دارتها اختي المتزوجة الوصفة ياخي حطيتهالكم في المنتدى تعرفوها جات تهبل عجبتني خاصة أنو عندي بزاف مادرتهاش  هذا الخشخاش ليلة العيد على 12نتاع الليل درتو لبابا هذا مايحب هذي اول تجربة ليا واش قلتو فيها ؟    هذا صابلي الليمون تعرفوه جا ممممممممممم حامض يهبل  عرايش تعرفوهم ثاني بالعجينة السحرية وقلاصاج طري كي العادة  على بالي والفتو مع الأخير هذي كسوة زكازيكو تكسى ثلاث كسوات هذي برك اللي صورت شراتهالو ماما جا يا عمري يهبل فيها  هذي قبل مانحيولو القطوشة خخخخخ طفيلة نتاعنا قولو ماشاء الله   وهذي بالكسوة الثانية نهار العيد حبي ولى راجل كي حفف شعرو  راهو مشى عندو شهر بصح راسو يظل يبومبي كل يوم مسكين أتمنى تكونو شبعتو تقرعيج تحياتي ........... أنا لهلوبة
|
||||
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض الشجري