خطة للباك .. فوتو ..

~ قدس ~ · 2017-09-08, 18:16

السلام عليكم ..

كيف حالكم ..

جئتكم بالخطة القاضية عن الباك ههههه نتمسخر ..

يعني تو كنت نتحادث مع خويا وجبنا سيرة الباك .. وأعطاني خطط إعتبرتها قيمة جيدا ..

مثلا نخليكم مع الخطة :

اولا البااك هدف كبير كي شغل داار يااخي .. حنا نحولو نديروه مثلا كل يووم ساك نتاع اسمنت .. طبعا في شهرين تلمد 60 ساك اسمنت وووو يااخي في 6 شهر يكون كلش وااجد وتكون دار قادر تستقر فيها ..

لذلك ..

الحكمة رقم واحد .. من لا شيء نصنع شي ..

ثانيا يعني تكون عندي ثقافة نجيب نقطة سمحا .. مش نقصد عن الباك لا وانما عن الفصوول .. هي لي تبين مثلا نقاط الدوال نقاط .... الخ .. يعني من ادق التفااصيل نجيبوو نقااط ..

الحكمة الثانية .. نتيجة الاشيء ..

نبدا في الشرح أكثر ..

مثلا الرياضيات كل يوم 5 تمارين يااخي في شهر دير 150 تمرين تكون متمكن في الدوال تكون أحسن واحد فيها أحسن واحد تجيب نقااط يعني انت لولا ..

مثلا الفيزياء كيف كيف ماكالاه نشرح مام العلوم كيفها ..

مثلا الاجتماعيات كل يوم 5 مصطلحات في الصباح .. نقدر نكمل الوحدة لولا مام الدروس مام كلش ..

مثلا اللغات كل يوم طريقي لليسي نحفظ خمس اسماء .. وغدوة خمس افعال في شهر دير 300 طبعا خاصة بالمحاول تلك الكلمات يعني متمكن منها ..

وهكذا باقي الموااد من صغيرة إلى كبيرة ..

نورمالمو هذا هو ..

اسمحولي كتبت بالدارجة ..

اما حبيت توصل الفكرة ليكم ..

كاش خطط جهنمية قصدي جميلة حطوها نستفادو ..

sousi.dz · 2017-09-08, 18:19

وااااو رائع
عجبتني فكرة 5 تمارين كل يوم في الرياضيات باذن الولى نطبقها
شكراااا بارك الله فيك

طالبة لها هدف · 2017-09-08, 18:20

ههههههههه بصحتكم الدار و الاسمنت حبوبتي
مام انا نخمم هكا
من لا شيء نصنع كل شيء
موفقة حبيبتي ساخبرك بخططي حالما اجدها

mohamed.2000 · 2017-09-08, 18:21

فكرة هايلة
وتبسطلك كلش

!~•عًــ سُــيّــدٍ ــلــيّ •~! · 2017-09-08, 18:23

مشكورة اختي
نوافقك في كلش
لقدرت ندير برنامج ونلتازم بيه سمانة راني درت انجاز

~ قدس ~ · 2017-09-08, 18:25

اقتباس:

المشاركة الأصلية كتبت بواسطة sousi.dz

وااااو رائع
عجبتني فكرة 5 تمارين كل يوم في الرياضيات باذن الولى نطبقها
شكراااا بارك الله فيك

وفيك باارك ..

ربي يوفقك ..

~ قدس ~ · 2017-09-08, 18:26

اقتباس:

المشاركة الأصلية كتبت بواسطة المثقفة الصغيرة

ههههههههه بصحتكم الدار و الاسمنت حبوبتي
مام انا نخمم هكا
من لا شيء نصنع كل شيء
موفقة حبيبتي ساخبرك بخططي حالما اجدها

يسلمك لوونة هههه ارواحي زورينا في الدار ..

حسنا في الانتظار ..

~ قدس ~ · 2017-09-08, 18:27

اقتباس:

المشاركة الأصلية كتبت بواسطة mohamed.2000

فكرة هايلة
وتبسطلك كلش

ووي سهلها تسهاال ..

صعبها تصعااب ..

ربي يوفقك ..

!~•عًــ سُــيّــدٍ ــلــيّ •~! · 2017-09-08, 18:29

اقتباس:

المشاركة الأصلية كتبت بواسطة ~ ساجده لله ~

ووي سهلها تسهاال ..

صعبها تصعااب ..

ربي يوفقك ..

صعبها تصعاب
سهلها تبقى صعيبة ههههه

~ قدس ~ · 2017-09-08, 18:30

اقتباس:

المشاركة الأصلية كتبت بواسطة !~•عًــ سُــيّــدٍ ــلــيّ •~!

مشكورة اختي
نوافقك في كلش
لقدرت ندير برنامج ونلتازم بيه سمانة راني درت انجاز

مرحباا هاذي غيبة واش اخبارك ..

يعني اذا كنت صعب تتقيد ببرنامج .. اسبوعي او اكثر ..

عليك بالتحدي اليومي ..

لكل يوم يومه ..

مثلا قول اليوم خمس مصطلحات الصباح خمس تمارين فيزياء ورياضيات .. كي نجي باش نغمض عيني كلمات من اللغات ..... الخ قاادر تولي داير برنامج شهري .. المهم في البداية والاستمرارية يعني كي تمل وتكره من لقرايا .. خمم مثلا انك جبت 16.16 والتخصص لي حابو يدير 16.17 ..بااش تواصل تقرا ..
وربي يوفقك ..

~ قدس ~ · 2017-09-08, 18:31

اقتباس:

المشاركة الأصلية كتبت بواسطة !~•عًــ سُــيّــدٍ ــلــيّ •~!

صعبها تصعاب
سهلها تبقى صعيبة ههههه

هههه كي شغل اقنعتني اما والله بسيطة بقدر ما تحمله الكلمة ..

same_one · 2017-09-08, 18:31

هههههه والله موضوع رائع اعجبني
و حيلتك في كتابة الموضوع جميلة شكرا
نعم كما قلتي من ولا شيئ نصنع شيئ
و طريقتك اعجبتني خاصة فيما يخص الرياضيات
اما بخصوص الخطط الجهنمية اضن انه عندي القليل منها
سأفيدكم بها قريبا ان شاء الله
سأجربها اولا ان لا تساعدني لا داعي لوضعها

!~•عًــ سُــيّــدٍ ــلــيّ •~! · 2017-09-08, 18:32

اقتباس:

المشاركة الأصلية كتبت بواسطة ~ ساجده لله ~

مرحباا هاذي غيبة واش اخبارك ..

يعني اذا كنت صعب تتقيد ببرنامج .. اسبوعي او اكثر ..

عليك بالتحدي اليومي ..

لكل يوم يومه ..

مثلا قول اليوم خمس مصطلحات الصباح خمس تمارين فيزياء ورياضيات .. كي نجي باش نغمض عيني كلمات من اللغات ..... الخ قاادر تولي داير برنامج شهري .. المهم في البداية والاستمرارية يعني كي تمل وتكره من لقرايا .. خمم مثلا انك جبت 16.16 والتخصص لي حابو يدير 16.17 ..بااش تواصل تقرا ..
وربي يوفقك ..

نقولو لباس
وينا تحدي يومي زعما نعاقب روحي ولا
لقلت ندير حاجة ومدرتهاش عادي ماهيش رح تاثر فيا
نسقسيك من المعدالات كامل علاه خيرتي 16.16هههه

~ قدس ~ · 2017-09-08, 18:36

اقتباس:

المشاركة الأصلية كتبت بواسطة same_one

هههههه والله موضوع رائع اعجبني
و حيلتك في كتابة الموضوع جميلة شكرا
نعم كما قلتي من ولا شيئ نصنع شيئ
و طريقتك اعجبتني خاصة فيما يخص الرياضيات
اما بخصوص الخطط الجهنمية اضن انه عندي القليل منها
سأفيدكم بها قريبا ان شاء الله
سأجربها اولا ان لا تساعدني لا داعي لوضعها

هههه أنت أجمل ..

حسنا إنني أنتظر في الخطط .. أكيد تسااعد ..

!~•عًــ سُــيّــدٍ ــلــيّ •~! · 2017-09-08, 18:38

نسقسيك ختي وشمن شعبة نتي يخي تقني ولا لالا
علابالك غبت مدة لقيت ناس جدد وتخلطت