يمتلكنــــــــي خوف من الفيزيــــــــاء . انصحوني lol

[zimou-girl]

إني محطمة تمامـــا ..
صار يمتلكني خوف من مادة الفيزياء..
صرت كلما افتح الكتاب أو الكراس أتعرق ..
عرفت مأخرا أنني أخافها..

و حقيقة طالما كانت علاماتي في مادة الفيزياء رديـــئة . أفتقد التركيزو الثقة بالنفس -ولكن في هذه المادة فقط -
جميع المواد عادية بالنسبة لي .. أعرف بالتدقيق من منها يعتمد على الفهم و من يعتمد على الحفظ

ارتاح لجميع المواد . أجواب عليها بارتياح وهدوء لي ثقة عالية بنفسي .
أما الفيزياء. فحينما امسك بورقة الاسئلة ينتابني الهلع .. ابدا في التعرق.. و ثقتي بنفسي تنزل إلى أدنى مستوى .

فذاكرتي ترجع للوراء . إلى اني لم اعتن يوما بالمادة -فانا اكرهها جدا-
اكره المخابر - اكره التجارب المملة -
لا أجد فيها مغزى. سوى القوانين القواننن...

فيأتيني صوت نابع من نفسي أنني من المستحيل أن أحرز المعدل في مادة الفيزيــاء
.مستحححححيل

كان خوفا طفيفا أما الآن. و موعد bac على الابواب صار رهابي منها أكثر
---
أنا خائفة . ماذا سأفعل
جدووووا لي حلا lol

[zimou-girl]

---- خاص لمحبي مادة الفيزياء -----

كيف لي أن أحب هذه المادة ؟؟؟
كيف لي أن امسك بورقة الاسئلة دون خوف ’’؟؟؟
كيف لي أن اراجعها بهـــــــــــــــدوء و انضباط ؟؟؟

كيف حتى أحببتم المادة ؟ كيف لي التخلص من هذه العقدة ؟؟؟؟؟؟؟؟؟؟؟؟؟؟؟؟

[zimou-girl]

قد أجرينا اليوم فرضا سريعا ... أعلم أنني لن أحرز المعدل
هل من حل لأزمتــــــــــــــــــي رجاءاااا

[intello]

السلام عليكم

انا اعشق الفزياء و الرياضيات و عندي نقاط جيدة الحمد لله و رغم ذلك احيانا مين نبغي نقرا الفزياء نكره ايا نبدا نستغفر حتي نستجمع افكاري و النتيجة تكون الحمد لله الفهم + النقطة الممتازة و انزعي فكرة الخوف من بالك مادامكي تخافي منها ماغاديش تفهميها
و كوني متاكدة بلا الفزياء مايكونش التطور و لا الانترنيت لي راكي تخدمي فيهاا جات غي هاكة صدفة لووول
بارك الله فيك ووفقك الي ما يحبه و يرضاه

[ريح المطر]

حنونتي حاولي تبعدي على هذي الافكار مرايحاش تخليك تتعلمي الفيزياء
ولله غير الفيزياء ساهلة بزاف كون تركزي غير شويا عليها رايح تحسي بسهولتها وديري في بالك المعامل تاعها عندنا في الباك 6
اتمنا لكي النجاح في الباك

[بودا2]

salut ma chére ben écoute moi je te comprend trés bien moi aussi je me sen trés faible en physique mais je te conseil de bien suivre le prof pendants le cours et essayé de travaillé par exemple faire les exos du livre et donné au prof pour qu'il te les corrige ... dit toi que tu vas avoir une bonne note en psychologie on dit que la pensée positive aide la personne mais bon je sais que la physique est difficile mais n'oublie pas que ta le bac ... bonne chance c'est la seul chose que je te souhaite

[احلام07]

عزيزتي حاولي ان تستعيد ثقتك بنفسك واقتربي من الله باالصلاة والدعاء واقنعي نفسك بان المادة سهلة وحاولي تحبيها ونشااله ميكون غير الخير

[abir2022]

ختي كل ما تحلي تمارين اكتر تزداد الثقة في نفسك اكثر .حمّي حلول الكتاب المدرسي من لمنتدى وحاولي تحليهم وحدك
+ حبي الادة والا اكرهيها لايهم لمهم قرايها ديمة وخلاص...ياربي نديو الباك ...

[zimou-girl]

merci pour vous ... trés bon conseilles

[bilal05]

أختي نعطيك نصيحة مهمة ديريها في بالك لازم تفكري دايما بطريقة إيجابية و ديري ثقة في نفسك راني فوت الباك من قبل و نجحت فيه والله نقولك الفيزياء راه أسهل مادة ركزي فقط وربي يوفقك و تروحي للجامعة إنشاء الله

[همسة الجزائر]

اختى انا وانتى عندنا نفس المشكل


ولكن المشكل ليس في انك لا تستوعبي الدروس


انتى تقولي الفيزيا صعيبة ومانفهمهاش خلاص مابقاتش تدخل في راسك

حتى لوكان تروحي تحلي تمارين ولا تحاولي تفهمي يكون في داخلك شعور بلي ماراكيش فاهمة ولا ما تخدميش فالاختبارات



انصحك ثقي بنفسك و ولازم كي تخدمي اخدمي وحدك بلا ماتقارني مع واحد اخر



عاودى راجعي واش قريتي بشوية برك وحلي تمارين ولي ماتفهميهش سقسي عليه وماتحشميش


ماتخافي ماوالو الفيزيا ساهلة واشنو قضية تركيز وثقة بالنفس لا اكثر


وشوفي المواضيع تاع البكالوريا العام اللي فات واللي قبلو تلقاى ماكانش حاجة تخوف



ربي يوفقك وينجحنا كامل

[manouch]

اختي لكان بقيتي تخمي هكا رح تبقاي دايما تخافي من الفيزياء اتعاملي معها عادي حضريها وتبعي مع الاستاد وحلي تمارين والباقي على ربي وان شاء الله متخافي ماولو

[مريم1992]

ما تخافيش اختي العزيزة حتى انا كنت كيفك خايفة من الفيزياء وكنت خايفا منها بصح باءرادة كل شيئ الان على مايرام

[مريم الطالبة]

اولا يا ختي لعزيزة لازم تحبي المادة....معليش حتى و نتي تكرهيها بصح حبيها علاجال الباك....انا تاني نكره العلوم و كي مانحبهاش عمري ماجبت فيها معدل بصح هي ساهلة..نفس الشيء بالنسبة للفيزياء هي ماراهيش ساهلة جداا بصح تاني ماراهيش صعيبة بزااف و الله الامر عادي و حلي التمارين خاصة تاع لكتاب المدرسي و اذا قدرتي ديري دروص خصوصية فيها بصح اتعلمي تعتمدي على نفسك اكثر...و بالتوفيق