السلام عليكم
اشتقت اليكم
في حملة تنظيف الجهاز وجدت في ارشيفي هذه الرسالة كتبتها لاحدى السائلات السنة الماضéية حول طريقة نيل علامة جيدة في الادب العربي خاصة وانها تعتبر هاجس في الباك الكل يفهموها لكن العلامات ماتتعداش 17 فيها اليكم بعض النصائح اتمنى ان تفيدكم
قبل مانبدا هادي نصيحة تسوى مليار
الحاجة يلي تخوفك روحي ليها
و افهم يا فاهم
عندكي تنسايها
الادب فيها جزاين البناءين الفكري و اللغوي
ابداي باللغوي لانو نقاطو ساهلة
لازم تعرفي قبل كل شيء انو في الباك ميش راح يخرجولك من البرنامج تاع العام مثلا لا حصلتي في كأس حاجة ماتروحيش لبعيد خليك في برنامجك فقط لكن هذا مايعنيش انك ماتشوفيش في دروس الأعوام السابقة خاصة تاع الرابعة متوسط و الأولى ثانوي طلة خفيفة برك على القواعد ضروري
لما الأستاذ في القسم يشرح الدرس لازم تكوني معاه الاخر و سجلي اي معلومة يقولها و في نفس اليوم لما تروحي ديري ملخص وحدك فيه واش فهمتي و قدما تزرقطيه افضل و افضل و اما مثلااا الأثر البلاغي الصور و المحسنات ضك نحطلكم اجابات نموذجية في مشروع حقيبتي
البناء الفكري
كيم قالت خنساء في موضوعها هاذوك هما الوحدات اللي نقراوهم
في القسم خدمتك تبغي النصوص مليح و خاصة التواصلية اللي فيها نص يحكي على هذاك العصر مثلا في باك2016 مدولهم اسم شاعر غريب مقدروش يعرفون وش من عصر رآهم يهدرو و هذاك الكاتب كان ذكر اسمو في نصوص الكتاب
اما منهجية الإجابة تبقى المادة اسمها ادب يعني كل ما تبدعين بالفاظ راقية جيد بكثير
مثلا في الشعر الثوري يقلد ما الغاية من هذه القصيدة تقولي انت لشحذ الهمم و رفع رايات الانتصار و فضح الاستعمار و كذا و كذا
و اكثري من الألفاظ الفلسفية مثلا ما العلاقة بين البيت الأول و الأخير تقولي انت هي علاقة تكامل و هي علاقة منطقية علاقة علةبمعلول سبب بنتيجتها احتواء فالبيت الأخير هو نتيجة حتمية للبيت الاول فالحرية و الكرامة لا يتحقق أن الا بالمقاومة و الكفاح المسلح فما أخذ بالقوة لا يسترد لا بالقوة
اني عطيتك مثال و هكذا لازم تكون اجابتك حتى و ماتعرفيش الأسلوب الجميل راح يغطي العيوب
و ماتتحيريش باذن الله حقيبتي تكون مميزة و فيها العديد و العديد
اما المواضيع فكنت احل المحلولة فقط لمعرفة منهجية الإجابة و كتلميذة متفوقة و حابة تتفوقي على الباقي لما الراي الإجابة متهمكش الإجابة كاجابة اللي يهمك هو الأسلوب و طريقة وصول صاحب الحل لها مثلا كيفان حتى خمم هكا و هاذو الأفكار حالهم من الابيات الأولى و لا كمل الآخر مثلا استعمل عبارات مباشرة من النص ولا لا
صدقيني أن اتقنت هاذو و العاب واش راح نحط انشاء الله في الحقيبة لن تندمي
استمتعي بمادة اسمها الادب العربي تذكري انها لغتك و ستبدعين فيها نقحي اجابتك قدر المستطاع
في الامتحان ابداي البناء اللغوي قبل لانو اجوبتو باينين مايحتاحزش قراء النص الف مرة
انا البناء الفكري انا كنت نقسم ورقة الوسخ لأربع اقسام و كل سؤال قسم و كل مانعاود نقرا القصيدة نشوف حوائج اكثر جديدة نسجلهم بسرعة في هاذيك الورقة و من بعد لما ننهي نصيف الإجابة بطريقة أدبية بحتة خالية من العلمية و اكتبها في الورقة الرسمية
هذا ماتفكرت كشما نزيد نتفكر اني نقلك
فصلي في اسىلتك اكثر لتستفيدي اكثر
( تقرير عن مشاركة سيئة )، و الموجودة أسفل كل مشاركة .
2018-08-02, 20:01
اصحاب الباك...هذا يفيدكم حتما في الادب
العرض العادي
