تشكيلة من الاطباق ..التركية والسورية ....روعةةةة

[اسمهان79]

السلام عليكم ورحمة الله وبركاته
أطباق ساهلة وغير مكلفة وفي نفس الوقت بنينة وراح تعجبكم اكيد

يلا على بركة الله نبدأ وبسم الله
الكفتة المشوية

في ميكسور نحط بصل معدنوس ودبشة سنينات ثوم وبيضة وشوية زيت ونرحي كلش مع بعض
نضيف هاذ الخليط الى اللحم المرحي اللي عندك ونزيدلو شوية شابلير( خبز جاف ومحمص ومرحي) ثم ملح فلفل اسود كسبر مرحي نعناع يابس ومرحي رطب كمية قليلة قط نخلط كلش نشكل أقراص ونبسطهم قليلاً ثم نحطهم في مول واحدة مايلة على اختها نفرغ عليهم صوص الطماطم

تحظير الصوص
خذي حبات طماطم تغسليها وتقطعيها ضيفيلها شوية طماطم مصبرة هريسة ملح فلفل اسود لفاح كمون ثوم دبشة شوية زيت وغير شوية ماء غطيتها وخليها تغلي ثم بعد ذلك ارحيها في الرحاية اليدوية
بعد ما تفرغها على أقراص الكفتة نلوحها في الفور مدة نصف ساعة او اكثر شوية نحيها ثم رابي عليها فرماج قريار ( يعطيها ذوق راااااااائع راااااائع) رجعيها للفور حولي 5 د وقدميها بالصحة

حقيقتاً ذوقها روعة وأسهل من تحظيرها ما فيش



الكرنب التركي ( الملفوف)

نفور أرواق الكرنب اكيد بعد غسلها
من جيهة نوجد الحشوة والي هو كمية من الأرز عادي ماشي طايب او مغلي كمية من اللحم المرحي بصل مقطع خشين خليط من الدبشة والمعدنوس ملح فلفل اسود كسبر مرحي ثوم مرابي او مقطع شرائح حبة او زوج حبات طماطم حب متبلة وطايبة وتكون ناشفة من الماء نتاعها نخلط كلش ثم محشي أوراق الكرنب على شكل سجائر كبار ثم نضع في قدر بقايا الكرني اي القطع الصغار اللي ما نقدروش نلفوهم ثم السجائر اللي لفيناهم

ثم شوية ملح وزيت ونزيد نغطي بالكرنب الباقي ثم نفرغ ماء سخون حتى يغطيه بعدها على النار حتى يدخلو الطياب ممكن ساعة على نار متوسطة بعد ذلك نحي الأوراق اللي من فوق وجدي شوية طماطم مصبرة

مع شوية زيت غليهم يغليو شوية على النار وأضيفي الماء اللي في الكرنب وخلطي مليح ثم فرغي على الكرنب ودعيه حتى ينشف

البنة هايلة والشكل اكثر من راااااااااائع رااااااااائع





شكشوكة المرقاز

وصفة خفيفة وبنينةةةةةةةةةةة

نقطع المرقاز ونحلو ونقليه في شوية زبدة ثم نضيف له بصل اخضر مقطع ثم فلفل اسود ثوم بودرة كسبرفلفل احمر مرحي و 1 م ك فرينة وتقلي مليح ثم كمية من الكرام فراش

ونخلط على النار وتكون ذليلة

يقدم مع بطاطا مقلية

والله لذيذة ةراااااااائئئعة

مقلوبة باضنجان



1 طيبي كمية من اللحم في مرق ابيض بصل ثوم وفلفل اسود وملح وتوابل وهريسة وزنجبيل وزيت
خليه حتى يطيب مليح ثم نحيه واحتفضي بالمرق
2 قطعي بيضانجان بالطول ثم اقليه وضعيه على ورق ماص للزيت
3 غلي كميةمن الارز وصفيه



في طنجرة غبر لاصقة او مول اللي يتفتح ضعي بيضنجان بالشكل اللي في الصورة



ثم حطي قطع اللحم الطايب ثم حبة طماطم مقطعة دوائر وبصل ايضا مقطع دوائر ثم رشي شوية ملح وفلفل اسود وثوم بودرة ثم ضعي الارز اللي غليتي وصبي المرق نتاع اللحم غير بالشوية ورجعي قطع البينجان الى الداخل ودخليه للفور او فاذا كان في طنجرة فوق نار ذليلة وغطي الطنجرة لما تحسيه طاب مش راح يطول بزاف خليه يرتاح 10 د ثم اقلبيه
زينيه باللوز المحمص ايفيلي



هنا ماكانش عندي زينت بلوز نورمال
المجدرة السورية



غلي كمية من الارز مع الملح والفلفل الاسود وشوية زيت
لما يدخلو الطياب صفيه وخلبخه بجيه
في مقلا ذبلي حبة بصل كبيرة ثم حمريها مليح
في قدر طيبي كمية من العدس مع واحدجونبو بصل ثوم ملح فلفل اسود توابل زيت لما يدخلو الطياب اضيفي الارز اللي كنتي طيبتي غي يغلي شوية اضيفي البصل اللي كنتي حمرتيه ن قبل وخلي شوية للتزيين خلطي مليح على النار



ثم قدميه مزين بالبصل المحمر
وصفة خفيفة وسهلة وغير مكلفة ساهلة للغداء ثم ثم توجد


دجاج تركي



ياعيني روعةةةةةةةة
قطعي الدجاج والأحسن صدر دجاج قطعي بالطول



وقليه مليح مليح ثم اضيفي البصل المرحي ثوم وفلفل اسود ملح زنجبيل كسبر حُمص تكوني طيبتيه من قبل او نتاع القرعة طري وبنين وزيدي الجلبانة طايبة او مصبرة وأمرقي شوية وخليه يطيب قبل ما طفي ضربي صفار بيضة وزيدي 1 م ك جبن طري 1 م ك كرام فراش



غليهم شوية وطفي
انا هنا قدمتهم مع بطاطا مقلية وصلصة الجبن



وهوما سخونين يهبلوووووووو يهبلووووووووو
في امان الله حبيباتي
ومبارك عليكم الشهر الكريم