من راى التصحيح النموذجي

[هيبارا1]

من فضلكم هل رايتم التصحيح النموذجي ام لا ؟؟؟؟؟؟؟؟؟؟؟
و هل نزلت معنوياتكم ام لا
لا اعلم هل اراه الان قبل النتائج ام لا ؟؟؟؟؟؟؟؟؟؟؟؟؟؟؟؟

[〆 بٰٰاولو 乄]

نصيحة مني

من الأحسن أنك تخليها حتى قبل النتائج

خلي مورالك طاالع

[radja1999achar]

شفتو وطاح المورآل ouaah ������

[ملكة القمر]

انا شفتو بعد ما خطوه مباشرة
الفضول غلب على تفكيري في المورال
في رأيي تشوفيه باه توجدي روحك المعدل افضل ان يكون صدمة

[alaae]

غير حطوه شفته مقديتش نصبر
ادا تقدي تصبري ما تشوفيش حتى تقرب النتيجة

[شمس الأمنيات]

انا شفت شريعة طلعلي المورال

درت للفيزياء ندمت انو شفتوااااا

نصيحة منى متشوفيش

[دروب النجاح]

الواقع رايته و يا ليتني لم اره
سقوط حر لمعنوياتي
لكن بالمقابل لو لم اره لانصدمت لاحقا

بالمختصر حبذا لو رايته قبيل اعلان النتائج
و لازال امامك شهر كاااااااااااااامل

[til-crazy basma]

شوفيه باش تكون متحضرة تنصدمي درك خير من مبعد

[طالب له هدف]

لا أنصحك بذلك ..

[صدى الأقصى]

لتفادي الصدمات اطلعي عليه
صحيح انني رأيته وندمت خاصة في الفيزياء >.< سقوط ↓↓↓حر

[hiba regalo]

اصلا ماكان حتى بروبلام عادي شوفيه خادمة ولا مش خادمة هادي حاجة ربي كون تشوفي دركا تولي تخممي في المعدل وتعبي روحك وهو مازال الحال كون ماتشوفيش رح تنشغلي بيه
انت ديجا عندك فكرة عامة على اللي خدمتيه مالا خلي كي تشوفي روحك مستعدة شوفيه وقارني خدمتك بيه
ربي يوفقك
^^

[Argismed1985]

المشاركة الأصلية كتبت بواسطة صدى الأقصى

لتفادي الصدمات اطلعي عليه
صحيح انني رأيته وندمت خاصة في الفيزياء >.< سقوط ↓↓↓حر

المشكل في الفيزياء أنه تم وضع نقاط كثيرة على الاسئلة الاخيرة في مختلف التمارين.

[yerin]

انا ما نقدرش نشوفو.. شفت شوي العلوم و نحيت
لكن الفيزياء و الرياضيات موحال خليها لربي
ان شاء الله فيها خير

[yerin]

المشاركة الأصلية كتبت بواسطة argismed1985

المشكل في الفيزياء أنه تم وضع نقاط كثيرة على الاسئلة الاخيرة في مختلف التمارين.

نقاط كبيرة في الموضوعين ؟؟

[ilyes1996]

سلام عليكم ، انصح بالاطلاع على التصحيح النموذجي لتقييم نفسك بنفسك دون الحاجة الى انتظار النتيجة النهائية ، هكذا سيخف عليك نوع من القلق وسترتاح اكثر خاصة وان نتائج الى شهر أوت ..