قوارب البيدنجال من عند ام رحاب

[x ام رحاب x]

rial"]

[COLOR="Purple"]السلام عليكم ورحمة الله وبركاته
جبتلكم اليوم وصفة اعطاتهالي بنت اختي وانا طبقتها وكي عجبتني قلت انحطهالكم نضمنلكم بلي تعجبكم جربوها واتشوفو تاني تنفع في رمضان وراه قريب اليكم المقادير [/COLOR]

[/FONT]
المقادير

البدنجال على حسب افراد العائلة
بيدنجال واللحم مفروم معدنوس والفورماج رابي والفورماج تاع القطع انسيت ماصورتوش والزيتون 200 غ والزيت نحتاجوه في البيدنجال البصل والملح فلفل اكحل قرفة وراص الحانوت

طريقة الطبخ
تقطعي البيدنجال على 2 وامبعد انشرحو مليح بصح ماتقيسيش القشرة من تحت باه ماتتقطعلكش من تحت وكي اديري شوية زيت قيس مغرفة في كل نص حبة تاع البيدنجال

وحطيهم في الفور كل مرة قلبيهم حتان يطرى البدنجال

امبعد كي اتخرجيه فرغيه مليح وماتقطعيش القشرة وكي اتفرغيه مليح عبزيه بالفرشيطة

حتان يترحى مليح في هاداك الوقت انت طيبي اللحم مرحي تاعك بالبصل والمعدنوس وتبليه بالفلفل والملح وراص الحانوت والقرفة وكي ايطيب زيدي معاه البيدنجال والزيتون الي كنتي غليتتتيه باه ايروحلو الملح وخليهم ياخدو كامل البنة وديري الفورماج قطع انا درت 8 حبات فورماج امبعد عمريهم في البيدنجال حتان ايوليو على شكل قارب وديريلهم الفورماج رابي وكي ايدوب الفورماج خرجيهم من الفرن وشهية طيبة








ان شاء الله تعجبكم ومانحكيلكمش على البنة روعة الي مايحبش البيدنجال نضمنلكم ايولو ايحبوه