انصحوني

[مشكلتي]

مشكلتي مع خطيبي عندي مدة 6 سنوات انا وهو وسنتين خطوبة وهد الصيف مقررين نديورو العرس مشكلتي معاه ديما كاره ونحسو ماخرا ديما مهملني كي كنت معاه قبل الخطوبة جامي طلبت منو حاجة كنت ديما نحشم وهو جاكي دارلي حاجة بعد الخطوبة نفس الشء يفوتو مناسبات جامي يجيبلي حاجة بحكم انو يسكن بعيد لكن جامي يقولي ادا حبيتي نبعتلك وقداه من مره انقولو ابعثلي نحسوا يتهرب ونقول معليش لكن على جالت خاوتو ودارهم يمدلهم وش يطلبو هد لمرة قتلوا لازم تبعثلي على الاقل بحدا دارنا بلي راك متفكرني كالعادة والوا يتهرب ويخلق مشاكل غير باش ميبعثش انصحوني منيش لاقية روحي وكي نقولو يلقالي الف سبة تنازلت في حوابج بزاف غير باش منديرش لمشاكل مبصح هد المرة غاضتني حسيتو بسنخصر صواردوا فيا انصحوني

[اناناسة]

اختي الخطوبة ماهي الا وعد بالزواج و ليست عقدا ...هناك من يهدي لخطيبته و لكنها ليست واجبات ...انت حسب ما فهمت تقارنين نفسك بالفتيات و بخاطبيهم و لابد تسمعين حديثهن و تظنين انه كله صحيح لذلك تشعرين بانه بخيل و بانه مستخصر فيك الهديه ....لا احكم عليك و لا عليه انت اكثر من يستطيع ان يقيم ظروفه الماديه و لكن ....سامحيني جعلت الامر يبدو و كانه حق مشروع و هو في الحقيقة غير ذلك ...اختي انتي مخطاة في تصورك للعلاقة بينكما هذه الامور تفقد معناها عندما تصبح طلب و عتاب ...و ما يزيد الامر سوءا ان هذا الامر ليس واجبا حتى . ربي يفرج عليك و سامحيني اذا لم يرق لك رايي

[sohaibdz]

4 سنوات قبل الخطوبة + سنتين خطوبة
6 سنين بزاف بلاك السيد كره منك وحاب يبدل ... كون خليتي روحك عزيزة بالحلال متوصليش للحالة لي راكي فيها .

[oum djebbar]

لا داعي للمادة وكثرة الطلب خاصة قبل الزواج سيخشى من مستقبله معك اي مشاكل المصروف
تجاهلي هذا الجانب الان فليس وقته
لاتجب عليه النفقة حقا الا بعد الزواج

[kacimo.samy]

والله يا اخت
حسب كلامك ان كان يهدي للاخواته وانتي لا هنا مشكل

يعني يملك وحارمك ؟؟

لم ارى عبد مثله

بالنسبة لي قال 4 +2 بزاف كره ؟؟
كاين شخص اعرفه حق المعريفة
بقى 18 سنة

وراهم دوكا ب 2 اولاد والحمد الله وبارك الله فيهم

اختي انتي اعرفي سبب ليبطل العجب فقط

جاربيه فقط والا عجبك كملي
لكن 6 سنوات على اقل تكوني حفظتيه

[محمد جديدي التبسي]

ست سنوات أكيد ان الملل والروتين تسرب لهذه العلاقة
ان أظهرت تذمرك ودخلت في مشاكل فالراجح أن الرجل سيفسخ ويبحث عن ضحية جديدة
هذه هي اضرار العلاقات المحرمة متعتها في اولها ثم تدخل في روتين وملل وتمحق البركة بسبب الابتعاد عن الحلال
الخطبة لا تعني ان الرجل مسؤول عليك ماذالو اغدق عليك بالهدايا الان ماذا ترك لما بعد الزواج؟؟؟
انت تحرقين المراحل كي تتزوجي ثم يكون زوجك مسؤول عليك ويجيبلك الهدايا اذا ما ملش منك في فترة الخطبة..ربي يفتح عليك

[*سندوسة*]

اختي لمرا لي تكون بنت فاميليا وماتكونش متطلبة الراجل يولي يهملها تولي حتى وادا طلبت كانش نهار مايديرلهاش قيمة
انا عندي هاد العقلية حتى زوجي اقنعني بفكرة التعدد
كي راجل يلقى المرا مهنياته ونعمة الزوجة يبقى يخمم فالأية لي تقول على التعدد

[زبدة ذايبة]

كاينة قاعدة في الحياة.

أن الرجل إذا لم ينفق عليك يطون ينفق على جهة ثانية.

بالتالي المشكلة ماراهيش مشكلة مال مفقود وغير موجود.

المشكلة مثلما ذكرت في الأعلى أنه يستخسر فيك الإنفاق.

مارانيش حابة ندخل بين الظفر واللحم ونصورلك حاجات ماشي موجودين.

أنا اعتمدت في ردي على مجموعة الملاحظات اللي كتبتيها فقط.

حاولي تتناقشي معاه بطريقة واضحة ومفهومة وصريحة.

ماتراوغيش وماتفسريش تصرفاته على حسابك انت

وتبداي تعطيلوا في المبررات.

اطرحي مشكلتك معاه وشوفي الرد تاعو.

بالإضافة إلى أنك تحاولي تعرفي مدى رغبته فيك.

الرجل لما يحب يعطي للمرأة كل مالديه.

وإذا بخلك فهذا مؤشر على أن أمورك العاطفية ليست تمام.

وبالتالي حتى الزواج سيكون متعثرا .

مانطولش عليك نفتح المجال واسع في الكلام.

ناقشيه وشوفي الجواب اللي تتحصلي عليه.

ومن خلال الرد يكون قرارك في إتمام هذ الزواج أو تأجيله أو فسخه.

رب يوفقك ويسرلك أمرك.

[abder03]

انت تمليكين ما لا يملكة الكثيرات و هن مستعدات لاخذه منك و لو بالقوة.
انت لا تعلمين كيف تحافظين على ما تملكينة.
انت ستضيعين ما بين يدك من اجل هدية يبعثها لك او .....
انت بدات في العد التنازلي للقضاء على علاقتك - فاحذري.
الحل: انسي الهدايا، قدمي استقبال جيد و اهتمال بالرجل، قدمي ابتسامة، كلمة طيبة يستريح لها هذا الرجل: كل هذا لا يكلفك فلس واحد بل بالعكس قد يزيد في العلاقة و يكسر الروتين. لن تنفعك الهدية اذا دخل الرجل بهدية و خرج بغضب. كوني ذكية: يدخل بدون هدية و يخرج باحلى هدية - لحضات سعيدة مع زوجته المستقبلية-

[أسماء أماني*]

تخلصي من اعذارك.. وحججك.. وقصص ترددك وخوفك الجاهزة،
وأطلقي لنفسك العنان.. لأكواب وأكواب من القهوة والشاي،
بصحبة ممتعة.. ودردشة خفيفة.. تخرجين منها باذن الله انسانة اخرى

ما يجب ان يكون عليه تفكيرك.. ونهج حياتك..
في ظل الاسلام.. وعلى هدي سنة نبينا محمد صلى الله عليه وسلم...

[abder03]

نصيحة في القمة ، بارك الله فيك يا أسماء أماني

[غزلانْ]

السلام عليكم

لعل طول المدة ستة سنوات تخللها الملل
و تنتظرين هدية فما نفعها ان لمست كرهه و عدم اهتمامه
بالتوفيق

[قرويجة]

المشاركة الأصلية كتبت بواسطة sohaibdz

4 سنوات قبل الخطوبة + سنتين خطوبة
6 سنين بزاف بلاك السيد كره منك وحاب يبدل ... كون خليتي روحك عزيزة بالحلال متوصليش للحالة لي راكي فيها .

يرحم الله والديك يا أخي قلتما كان في نفسي

[naamane3]

كون تزوجتو فالعام الاول راه عندكم ولد عمره 5 سنوات
مارانيش فاهم علاش راكي شادة فيه
انا من رايي شوفي باب خلاف
الا اذا وقعت في ما لاتحمد عقباه
هنا ما نقدر نقول والو
غير ان باب التوبة مفتوح
ولازم تطبقي شروطها كاملة
واتمني نكون غالط

[الداهية كيداهن]

أشاطر الآخرين الرأي في عدم إطالة فترة الخطبة، أنا شخصيا إذا ترددت في شراء شيء لا أقتنيه، فما بالك إذا تعلق الأمر بشريك الحياة، فكري جيدا و صلي الإستخارة.