كيكة البيضة الواحدة خفيفة كي القطن ما تندموش

[يسمينة البجائية]

السلام عليكم و رحمة الله و بركاته
رمضان مبارك
هاذي الكيكة و الله أروع ما يكون , درتها اليوم و بعثت شوية لعجوزتي و شيخي اللي ما عندوش سنان
هي خفيفة و هشيشة و ليست جافة يعني ما لازمهاش سيرو ..
رائعة المذاق تقولو راكم تاكلو في البرووين
و هي اقتصادية مئة بالمئة . رائعة للقهوة نتاع السحور







الوصفة



1 بيضة

250 ملل ماء

3 ملاعق كبار كاكاو

5 ملاعق كبار زبدة ذائبة

170 غ سكر قلاصي

250 غ فرينة

2 ساشيات خميرة كميائية

الكلاصاج حسب الرغبة معجون مشمش مع نواة كوكو او شكلاطة بيضاء تسخنوها مع شوية حليب و تزينو باللوز المقشور او الكوكاو بودرة

الطريقة

نغلط البيض مع السكر جيدا حوالي 4 دقائق

نزيد الماء ثم الزبدة الذائبة و نواصل الخلط

ثم نزيد الكاكاو و الفرينة و ثنان باكي خميرة كميائية و نخلط من الداخل الى الفوق

يطيب في الفرن 180 د رجة لمدة 15 دقيقة