بتي فور كيما نتاع برا هايل

sisi 26 · 2012-04-03, 17:14

اليوم جبتلكم هذه الوصفة أيضا من عند أستاذي
المقادير
500 غ مارغري لابال + 650 غ سكر قلاصي + 5 بيض + كيلو و 200غ فرينة + لفاني + عطر القارص
ذوبي المارغرين بيدك ضيفلها السكر و خلطي بالباتور حتى يمتزج الخليط مليح ثم ضفي البيض بالحبة و خلطي بالباتور ثم الحبة الاخرى و خلطي و هكذا حتى تكملي البيض كامل ثم حطيلهم خليط الفرينة و لفاني و خلطي بيدك حتى يولي عجينة طرية شوية ثم سخني الفور و خرجي ب لابوش أدوي الشكل اللي تحبيه طويل أو التاج و دخليه للفور تحبي طيبيه أبيض و إذا حبيتي حمريه شوية و لصقي بالكونفيتور أو لاجولي زوج زوج
إذا حبيتي شكولا نقص مقدار من الفرينة و عوضيه بالكاكاو ( المقدار اللي تنحيه من الفرينة نفسه عوضيه كاكاو )
أسرار نجاح هذه الوصفة :
ضفي في الأول كيلو فرينة برك و طيبي حبة واحدة برك إذا بقى الشكل كيما دخلتيه كي كان عجينة أي بقاو الخطوط أعرفي بلي يكفي الفرينة و إذا تخسر زدي الفرينة
* الصينية لا تدهن و لا ترش
* سخني الفور كي تكوني قريب تكملي خلطه و طيبيه ثم ثم
* لا تضعي الخميرة
تقدري جربي نصف الكمية اقسمي كلش على زوج ( البيض ديري 2 و نص حبة مضربة)

شهية طيبة جربوه ماتندموش
المرة الجاية نحطلكم طريقة أخرى نتاعو أيضا

wafa.wafa · 2012-04-03, 17:29

حلوة رائعة سلمت يداك سؤال فقط لازم نستعملو مرغرين لبال ولا نقدرو نغيروها

linat · 2012-04-03, 17:29

بارك الله فيك

*أم كوثر* · 2012-04-03, 17:29

بارك الله فيك اختي هبلنا هد البوتي فوغ
جربت شحال من وصفة جي مليحة مي مش كما اللي ينباع
نجربونردلك لاني قبل جربت الاكلير تاعك وخرجو هايلين
بارك الله فيك وفي استادك

sisi 26 · 2012-04-03, 17:42

اقتباس:

المشاركة الأصلية كتبت بواسطة wafa.wafa

حلوة رائعة سلمت يداك سؤال فقط لازم نستعملو مرغرين لبال ولا نقدرو نغيروها

شكرا لك قالنا الأستاذ من الأحسن لابال خير منهم كامل لاخاطر مدلنا وصفة أخرى بمارغرين اسمها أوبلين نتاع الميزان ماشي كيفكيف المقادير

sisi 26 · 2012-04-03, 17:43

اقتباس:

المشاركة الأصلية كتبت بواسطة linat

بارك الله فيك

و فيك بركة شكرا لمرورك

sisi 26 · 2012-04-03, 17:45

اقتباس:

المشاركة الأصلية كتبت بواسطة *أم كوثر*

بارك الله فيك اختي هبلنا هد البوتي فوغ
جربت شحال من وصفة جي مليحة مي مش كما اللي ينباع
نجربونردلك لاني قبل جربت الاكلير تاعك وخرجو هايلين
بارك الله فيك وفي استادك

جربيه والله ماتندمي هو عندو حانوت حلويات على هذيك يجي كيما نتاع برا
وصفاتو كلها هايلة كي نقعد نحط وصفاتو اللي علمهالنا و شكرا على تطبيقك