gâteau basque أو فطيرة فرنسية أو تارتولات بالمعجون

[cilia]

السلام عليكم
هاذي تارت بالمعجون هايلة و خفيفة خاصة مع العصير ممممم و هي وصفة فرنسية يقولولها gateau basque
المقادير : 200 غ زبدة طرية
180 غ سكر
لفاني + واحدة خمارة كيميائية
حبة بيض كاملة + 02 صفار
400 غ فرينة
الحشو :
معجون الفراز بصح ماشي مطحون لازم حب
التزيين :
سكر رطب
طريقة التحضير :
نخلط الزبدة مع السكر مليح كالبوماد و نضيف البيض و لفاني و نخلط و نزيد الفرينة مع الخمارة 300غ بصح الا منشفتش العجينة زيديلها شوية لخاطرش مرات الفرينة تشرب بزاف عينيك ميزانك و من بعد نخلي العجينة ترتاح في الثلاجة نصف ساعة و من بعد نخرجها من الثلاجة و نقسمها الى نصفين و نبسط العجينة كل جزء لوحده ، نأخذ الجزء الأول و نضعه في بلا دائري و نحاول نطلع الجوانب الفوق كيما لتارتولات و نضيف الحشو في الوسط اللي هو معجون الفراز و نعاود نغطي المعجون بالعجينة اللي بسطناها اي الجزء الثاني و ندهنها بالصفار من فوق و نشكل خطوط بالفرشيطة كيما موضح في الصورة و نطيبها حتى يولي اللون نتاعها ذهبي و نزينها بالسكر الرطب
[IMG][/IMG]

[IMG][/IMG]
و هذا تطبيق نتاع اختي و هي اللي اعطاتني الوصفة
[IMG][/IMG]

[تالا تسنيم]

الله يبارك تشهي يعطيك الصحة ساهلة ماهلة
بوركتي

[RIMA.87]

و عليكم السلام و رحمة الله وبركاته
ما شاء الله ،راهي تشهي و خاصة بمعجون الفراولة ،
ربي يحفظك انت و اختك و ربي يبارك فيك اختي سيليا

[cilia]

المشاركة الأصلية كتبت بواسطة تالا تسنيم

الله يبارك تشهي يعطيك الصحة ساهلة ماهلة
بوركتي

الله يبارك فيك اختي و شفتي كي ساهلة هههه

[cilia]

[quote=rima.87;3996806799]و عليكم السلام و رحمة الله وبركاته
ما شاء الله ،راهي تشهي و خاصة بمعجون الفراولة ،
ربي يحفظك انت و اختك و ربي يبارك فيك اختي سيليا[/

أمين يا رب ، و شكرا على المرور

[سحابة باردة]

يعطيك الصحة اختي سيليا وشكرا لاختك ايضا
جاتك روعة انا كنت نخدمها بزاف بكري ولاكن العجينةالثانية نحطها على شكل شرائط

[zokhrofa]

هايلة سيليا اختي ما شاء الله

[أمنية غفران]

تبارك الله عليك سوسو هايلة عجبتني ان شاء الله نجربها في أقرب فرصة

ما تنسايش تحطي اسمك في الصور

تفضلي الصور عاودي حطيهم في الموضوع

[حياة نور الدين]

بارك الله فيك سيليا انت واختك التارت تحفة احلى تقييم

[روعة الصحراء]

بارك الله فيك على الوصفة الهايلة ربي يحفظك

[om najib]

و عليكم السلام يعطيك الصحة اختي جاتك هاااايلة ان شاء الله نجربها في اقرب فرصة

[الفجر القادم]

تارت روعة، كتبتها و راح نجربها باذن الله بوركت اخيتي.

[دنيا الامل 18]

رووووووووووووعة شكرا

[ام خيرو]

ربي يحفظك
وصفة رائعة ماشاء الله

[fati13]

بارك الله فيك اختي على الوصفة