مساؤكنّ سعيد حبيباتي. الموضوع واضح من عنوانه. وكالعادة في أغلب مواضيعي أتأسف عن انعدام الصور. ومتى سمح الوقت أعدكنّ بها. فقط اتبعن الطريقة كما ذكرت وسوف تتحصلن على بريوش خفيف كالريشة.
المقادير.
3 حبات بيض ( احتفظي بصفار واحد.)
كاس سكر. أنا كيلت بكأس اينوكس الكبير.
كأس زيت
3 كؤوس حليب دافئ.
1 ملعقة كبيرة خميرة الخبز
1 خميرة نوارة. الفرينة + زاست اللّيمون + الفاني.
الطريقة
نكسر البيض داخل صحن كبير خاص ، أنا استعملت بسينة اصغيرة خاصّة بالبريوش . عندها الغطاء. ونخلط بواسطة خلاّط كهربائي. ثم نضيف السّكر ونواصل الخلط، ثم نضيف الحليب ونواصل الخلص. نجمع الكل بالفرينة التّي أضفنا إليها خميرة نوارة وخميرة الخبز والفاني. حتّى نتحصّل على عجينة لينة. ملازمش أتكون يابسة لازم أتكون ناقصة اشويا فرينة . على خاطر لما ترتاح رايح اتشد روحها. نأتي إلى الزيت نضيف للعجينة الزيت قليلا قليلا وكل مرّة نعجن حتّى أنكمل الكأس. بصّح لازم أنخلي منو غير قيس ملعقة زيت باش نستعملها لدهن الصينيات والعجينة لما نعمل كريات.
أنخلي العجينة ترتاح في مكان دافئ. رانا في وقت السخانة . ايّ مكان أتحطيها فيها رايح تخمر.
لما تخمر خذي قليلا من المارغرين في يدك وكسري بيها العجينة . وخليها تخمر . العملية أتعاوديها 2 مرات. يعني في المجموع 3 مرات . وكلّ مرة أتكسري فيها العجينة استعملي المارغرين.
ثمّ شكلي الأشكال ألي أتحبيها. أنا أنشكل دوائر فقط. . خليها تخمر. ثمّ خذي الصفار واضيفي إليه نيسكافي أو الكاكاو وزيني من الفوق بالسكر أو الجلجلال. أنا نعمل جزء بالسّكر وجزء بالجلجلال.
ملاحظة 1 : تقدري تحشيهم من الداخل بالشيكولاطة.
ملاحظة 2: لازم تشعلي الفور وتسخنيه أمليح. وترفدي الصينيّة للرف الأعلى . والفرن على درجة 180. بصّح لازم اتراقبيهم مرة على مرّة لأنّ كلّ أخت والفرن أنتاعها.
إلى هنا أتي إلى نهاية الوصفة. دعوة خير لأولادي تكفيني غالياتي. وربّي ايوفقنا . وصحّ فطورك. وإذا مافهمتوش أيّ شيء. اسالنّ . قبل مانروح .
ملاحظة3: السّر ألي ايخلي البريوش أخفيف كالريشة هو الزيت ألي أضفناها في النهاية واعجنا بها العجينة.
ملاحظة 4: بالنسبة للصفار الذّي نزين به البريوش، نتركه حتّى تخمر حبات البريوش، يعني إذا درتي 3 صنيات بريوش، لما يخمروا وتجي اتطيبيهم ديري الصفار فقط للصينية التّي ستضعينها داخل الفرن . أما الصينيتين المتبقيتين لما ايجي دور كلّ واحدة أعمليلها الصفار.
( تقرير عن مشاركة سيئة )، و الموجودة أسفل كل مشاركة .
2015-06-28, 15:16
لعاشقات البريوش. . بريوش أخفيف كالريشة
العرض العادي
