مدربل البدنجان والبطاطا

[حياة نور الدين]

السلام عليكم
اليوم فكرت في طبق المدربل او لبعض يسموها البرانية

كان عندي نصف دجاجة وبقيت نخمم واش نديرها حبيت حاجة بنينة وسخووونة هههعع منطولش غليكم تفضلوا واش درت

ديسوسيت الدجاج وحطيت العظم بجهة باش منبعد نستعملوا



تبلتوا بالثوم رابي والبصل رابي وجبن قطع ومعدنوس مقطع رقيق نملح وندير الفلفل الاسود و رشة كمون
نروليه ونلفوا بورق بلاستيك وورق المنيوم وندخلوا الفرن في صينية بها الماء ونخليه يطيب مدة نصف ساعة







نحضر الصوص نحط في طنجرة زيت والعظام تاع الدجاج وحمص وملح وفلفل اسود وفلفل احمر وكروية
صدقوني ملعقة كروية صغيرة تمدلك دوق رووووووعة نضيف الثوم ونقلي شوية بعد ما تتقلى نضيف كاس ماء وملعقة طماطم مصبرة ونخليها تطيب

بعد ها ننظف البطاطا والبدنجان نقطعوهم دائري ونقلوهم بشوية ملح البطاطا الاولى ثم البدنجان

نحكم بول bol صغير نحط في الجوانب تاعو دائرة بطاطا ثم دائرة بدنحان حتى نكمنل محيط البول وفي الوسط نعمر بالبطاطا والبدنحان اللي شكل تاعها صغير او فيها ديفو ههه يعني لي شوووت chute الملاح نخلوهم للجوانب



التقديم

ناخد صحن نقلب فيم البول ونقطع الدجاج ناعنا ونحط قطع في الصحن ثم نسقيه بالصوص ونزينوا بالمعدنوس مقطع رقيق







ان شاء الله يعجبكم الموضوع دعوة ربي يبفرج عليا بسكن ان شاء الله