صبيعات الخضر وروعة تقدم كمقبلة او طبق رئيسي

[حياة نور الدين]

السلام عليكن

اهلااا خياتي اليوم حرت في العشا وبقيت ندور لقيت وشوية لحم مرحي مالا خممت ندير دولمة قرنون مي اللحم المرحي قليل مالا جاتني فكرة وهي انه نضيفلوا الخضر ونزكيه وكانت النتيجة رووووعة

المقادير للاصابع

لحم مرحي
حبة بطاطا
حبة قرعة
حبة بدنجان
حبة بصل
ثوم
زيت
ملح، فلفل اسود، راس الحانوت ط
بيض
معدنوس
شاابلوغ او خبز يابس



التحضير

نقي الخضر ونرابيها
نحط في مقلة الزيت والبصل ونخليه يتقلى كي يتغير لونه نضيف الخضر مرابية ونخليها طيب على نار قليلة حتى تنشف من الماء
بعد ما توجد الخضرة نضيفها للحم المرحي وحبة بيض ومعدنوس وملح وفلفل اسود و2 مغارف كبار خبز يابس ونعجنها نشكلها اصابع نرمدها في الفرينة ونقليها في زيت غازر ونحطها على جهة







هنا بعد ما طابت





هنا التقديم اختياري تحبي تاكليها هكاك كمقبلة او نعملولها صوضس حمراء
او طبق رئيسي كما عملت انا ودرت طرف دجاج والجلبانة والبيصل تقلاو مع الملح والفلفل الاسود والقرفة بعد ما تقلى كلشي مليح مرقت وخليتها طيب كي قريب طيب الجلبانة ضفت بطاطا مقطعة على 4 ورميت كي طيب البطاطا وتنقص المرق نضيف الاصابع تاعنا دقيقتين ونطفي وتقدم





ملاحظة
تقدري تضيفي خضر كالجزر او قرنون مرابيين