عاونوني خاوتي

[فافا مينوشة]

صباح الخير جماعة حابة منكم اجابة واستشارة
انا متزوجة في بيت عايلة كلهم ضدي شربت المرار من سلافات وعجوزة ولواسات خلاص وصلت بيا درجة حتى اعصابي انهارت وليت نضارب وتشابك بالايدي يعني اقصى مشاكل ممكن تتصوروها مهم ..زوجي نهار الخطوبة كانت عندو سكن تساهمي نتاعو نهار خطب قال بلي سكنتي وكلشي وانا تاني جهزت على حساب بيتي وحدي
مهم نهار تزوجت ومشاكل وكلش مابغيتش ندخل اهلي وكل منقول نحكيلهم نسقسيه على سكنة يقولي حتى ترضا عليا يما نسكت ونقول الصبر مفتاح الفرج ونولي نسايسها وهي مش حاملتني خلاص لاهي لا الحلفاء لي معاها مهم
يوم من الأيام ناضت دبزة انا كنت في السطح ننشر راني بلحمل تاني ضاقت نفس فيا طلعت كي حبطت قابلتني لعجوزة وش طلعتي دير ومنا يا المسريكا يا لي بني لقطك من زنقا ( لاني عاملة) مافهمتش والو قتلها يما وشبيك بضحكة قتلها ادا راكي تتومي عليا غير جيبيها تتشبهلي وضحكت جيت خارجا من كوزينة ولات تخبط فلمواعن على الارض وجابلي (.....) عفوا كلام سوقي وهكا وتلمو زعما العرايس وبدا العياط هزيت تليفون وانا نتوجع عيطت لبابا قتلو يابابا كرهت ومليت بابا بعت 03 خاوتي واحد كبير وزاوج جوندارم اما الصغير فهو تخرج سنة من جاميعا غير دخل خويا جا ليه راجلي يجري وش كاين خويا قالو فسهرة نحكو حكايات رجال وطبعو جات عجوزتي قالت لخويا واين مديها خويا قالها مدينا للرجال مشي للنسا هزلي قشي وحبطوني كنت في حااالة وحكمني سطر حتى ظنيت راحة نولد مهم جاو فسهرة وتلمو رجال وناضت دبزة بين خويا وراجلي وعاودو ولاو اليوم التاني للصلح فيه راجلي صارح بابا قالو دار كتبتها باسم يما وراحة تزوج فيها خويا ومنا بابا عتبرها تكليخا وناضت مناوشات وبابا قالو بنتي متخرجش منا حتى تضمنلها الهنا قالو منكلفش وليدي ولكن بنتي متوليش للجحيم ولا شرع بيناتنا وبنتي راها عندي معندو ميخصها مرت الايام وراجلي كل مرة يعيط يسقسي عليا حتى لولبارح لحقت ورقة من محكمة بلي لازم المثول يوم ثلاثاء على 9:00 انا وبابا راحو سقساو قالو بلي عجوزتي شكات بابا وخاوتي قالت بلي خرجوني بلا اذن زوجي وخاوتي دخلو يسبو وبلا حرمة وكدبت كدب باين حبت خاوتي يروحو فيها كي عيطت راجلي قالي زعاف دارلها هكداك درك نخليها تتنازل وش هاد الكدب ومنا ودرك عندو يومين مبانش وراني خايفا على خاوتي فقط نضيف بلي عام وانا مزوجة شربت المرار والله العظيم غير جحيم فوق متتصورو
درك عندي مرت لوسي الكبير قاتلي انا نشهد بلي هي كدابة بيسك راجلها امام وبابا قالي نطلع ونقابل معنديش علاش نخاف دافعت على بنتي
خاااوتي تعيشو تقدر تتنازل هاد العجوزة على شكوى ضد خاوتي وبابا ولالا؟
راجلي راه معيطش ولحق الوقت ادعولي في ظهر الغيب

[kacimo.samy]

هذه ام ولا واش
والله يحيرو واش دخلها في ولدها الا حابتلو لهنا تخليه يا سبحان الله
هو تزوجك هو خيرك يا سبحان الله

الحل هو راجلكك الا كان راجل يقول للامه تتنازال هذا افتراء و كذب و الا حاب ربي وحاب امه
يقولها تتنازل راه يبانلهم شئ هين و هو عند الله العظيم
وكل واحد قبل ما يتزوج راه راجل موش صغير تبقا تسمع في راي نسا الغالط
هي امك لكن موش تردك طفل خمم شويا

يخممو في رضاية الوالدين على حساب روح شخص اخر منين خرجتوها هذي؟؟
ربي عطاك عقل خدموا ارضي والديك بعيد عن زوجتك
رضاية الوالدين في تدخلها في شؤني مليحة هاذي
المهم حلك هو زوجك يتدخل و يتكمل مع امه
ويخبرها ان لم تتنازال هي سبب في ضياع بنت صغيرة
وزوجة (تفريق شمل) ياخي امه ويعرف كيفاه يضغط عليها
وحتى انتي خممي مع روحك بلاك نتي زودتيها
زواج وعلاقة باه تطول
كيما خيط شعرة
طرف عندك واخر عند زوجك
مرة تشدي هو يرخي و هو كي يشد انتي ارخي
باه ما يتقطعش

وسلام على الحبيب

[بيان 5]

ان شاء الله ربي يفرجها عليك يا اختي والله مانسيتك وديما ندعيلك

[ام البنوتة]

اختي ماتستغربيش كاين الام لي شعلت فتنة بين اولادها حتى قريب دخلت واحد للقبر وواحد للحبس .
زواج مبني على الخداع عندو تساهمي بصح بايم امه و هي رايحة تزوج فيه خوه!!!!؟؟؟...لا حول و لا قوة الا بالله

[محمد جديدي التبسي]

ربي يكون في عونك
لا خوف على والدك ولا على إخوتك ماعندها ما تقضيلهم ما تقلقيش روحك
والدك لم يرتكب جريمة ليدخل السجن هو مجرد شجار وتلاسن بالفم لا أكثر
ما تقلقيش روحك وفكري في حملك وتحاوري مع زوجك أكيد هو بين المطرقة والسندان ربي يفتح عليك

[dounia el amani]

ربي يفرج عليك