تحطمت معنوياتي

[مريم المتفائلة]

السلالالام عليكم

ارجو ان يككون الجميع بخيررر واتمنى انكم خدمتموا فالاختبارات


اليوم كان اخر اختبار فيزياء (الطامة الكبرى ) واثناء اجراااءءء الامتحان اصبت بتعب كثيررر وسببه انني لم انام اليلة الماضية وايضا لعدم اخذ دوائي بسبب المذاكرة فطلبت من احدى الزميلات ان تفتح النافذة حتى نشوف فالاستاذة جايا سنياتلي وايضاااااااااااااااا ودراتلي 0 فانهارت دموعي ولم استطيع اكمال الاختبار لم اجب على التمرين الثالث والثاني يعني لن اتحصل حتى على 5

ماذا افعل وكيف اتصرف مع الاستاذة


فارجواااا منكم الدعاء لي لانني في وضعية كارثية كنت حابة نخدم فيها باهه نعوض المات

[Aminzaim]

لالا اختي هده حقا كارثة
ماتخافيش وايلا استادة الفيزياء نتاعك تعرفك ماهيش رايحة تبالي باللي دارتو الاستادة لخرا و تانيك راكي معدورة ايلا ماخدمتيش ومرة خلاف ماتزيديش تعاودي مدي لجسمك وقت للراحة واشربي دواك اختي لعزيزة

[مريم المتفائلة]

merciiiiiiiii rabi ykhàlik mon frr

[Aminzaim]

المشاركة الأصلية كتبت بواسطة nasira12

merciiiiiiiii rabi ykhàlik mon frr

بلا مزية اختي

[سارة بسمة نادية]

اه يا مريومة متتقلقيش مي كون غير لخير أن شاء الله
بالنسبة الأستاذة احكي معاها وقوليلها فهميها وادا محبتش تفهمك جيبيلها والدك او أخوك يفهمها وماكيش رايحة 0 واذا كانت مليحة تقدر حتى تعاودلك م انت اعرفي كيفاش تهدري معاها فقط
وبالنسبة للمراجعة راكي تقولي تعبت وامبعد مخدمتش هدا قضاء وقدر وانا تاني بقيت قاعدة زعما قلت نعوض في لفيزيك وقيلا رقدت ساعة فقط ومبعد .....00
المهم رانا نتعلمو من اخطائنا والصح في الباك لي سونسيال انت راكي فاهمة الدروس وهداك هو الاهم ومزال الفصل الثالث ...تفائلي ^^
وبالتوفيق عزيزتي

[سہندسہ]

شووف اسيدي فتحتي التاقة سينياتلك

اووه سي grave حاولي تتكلمي مع الاستاذة وتشرحيلها الامور ورانها ندعوولك

[إينَاس]

ربي يهديها على هذي الحقرة !!!!

ماتخافيش أختي كيما قالو الأعضاء إن شاء الله أستاذتك رح تتفهم و رح تعاودلك الاختبار
و حتى إذا كان قلبها ميت و ترضى بالظلم
قالله معك و اعتبارك تديه في الباك إن شاء الله

[مريم المتفائلة]

nchlhhh ya rabi rabi ykhalikom khayatiii wlhhh ghi rakom f mkamm khti

[إينَاس]

و الله يعلم أنك بمثابة أختي
و قد بحثت في أمرك هذا
فوجدت ما يواسيك في مصيبتك و لله الحمد

في الحديث الصحيح : ( إنَّ عِظم الجزاء مع عظم البلاء ، وإنَّ الله عز وجل إذا أحب قوماً ابتلاهم ، فمن رضي فله الرضا ، ومن سخط فله السخط )

وقال الحسن البصري رحمه الله : لا تكرهوا البلايا الواقعة ، والنقمات الحادثة ، فَلَرُبَّ أمرٍ تكرهه فيه نجاتك ، ولَرُبَّ أمرٍ تؤثره فيه عطبك – أي : هلاكك - .

لتتذكري قول الرسول صلى الله عليه وسلم : ( عَجَبًا لأَمْرِ الْمُؤْمِنِ إِنَّ أَمْرَهُ كُلَّهُ خَيْرٌ ، وَلَيْسَ ذَاكَ لأَحَدٍ إِلا لِلْمُؤْمِنِ ، إِنْ أَصَابَتْهُ سَرَّاءُ شَكَرَ فَكَانَ خَيْرًا لَهُ ، وَإِنْ أَصَابَتْهُ ضَرَّاءُ صَبَرَ فَكَانَ خَيْرًا لَهُ ) رواه مسلم

قال الله تعالى : ( وَبَشِّرْ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُوْلَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُوْلَئِكَ هُمْ الْمُهْتَدُونَ )

فيا أختي امسحي دموعك و استغفري الله و صل على رسوله
ثم توضئي و صلي ركعتين يعينانك على الصبر و ينسيانك ما بلاك الله بك

[djihan jojo]

السلام عليكم
حرام عليها دير هاك
ماشي عدل قاع ..نورمال تفتحي النافذة
ربي يهديها وروحي لاستاذتك احكي معاها
وحاولي كيفاش تهدري معاها لان ملقاتككش تغشي
ربي معاك واكثري من الاستغفار
وان شاءالله تنحل
المهم متقلقيش روحك
تهلي في روحك اختي الغالية
بالتوفيق^^

[مريم المتفائلة]

سمحيلي جيهان اختي تعبتك معايا البارح ووالله ما ننسى خيرك مرسي ربي يخليك

[djihan jojo]

المشاركة الأصلية كتبت بواسطة nasira12

سمحيلي جيهان اختي تعبتك معايا البارح ووالله ما ننسى خيرك مرسي ربي يخليك

امين يارب ويحفظك انت ثاني
لا تعب ولا شيء اختي
اي شيء اطلبيه باذن الله اندير اللي نقدر عليها
المهم دركا متقلقيش روحك
مدبيا نشوفك متفائلة ووباذن الله مننساكش في الدعاء
الاستغفار والاستغفار والاستغفار
متنسيهش حبيبتي
وفقك الله وسدد خطاك

[الدرر البهية]

مريم شكون هاد الاستادة
؟؟؟؟حليتي غير التعريف

[طيف الملاك¤اماني¤]

علابالك اختي مريم كون جيت في بلاصتك نهدر معاها مش من حقها ديرلك كيما هكا لازمك تهدري على حقك

[رؤى roki]

انا تاني مخدمتش في المات
والفيزياء الصباح حطمتني قاع
مديري والو في بالك وربي معاك