فلانة Clashو فلان clash

[smile10]

فلانة Clashو فلان clash

السلام عليكم ورحمة الله تعالى وبركاته
واش حوالكم
إن شاء الله بخير والصحة تمام

اليوم حبيت نشارك معاكم بوحد الموضوع
راه واجعني صراحة وهو من المواضيع اللي مع الأسف دارت حالة في صفحات الأنترنت
وين ما نروحو نصادفوه في التويتر الفيس بوك اليوتوب الإنستجرام وغيرها من مواقع التواصل الإجتماعي ألا وهو القصف أو ما يعرف بالكلاش
واللي هي عبارة عن مجموعة من الفيديوهات الصور أو العبارات الجارحة اللي كل واحد يرسلها للآخر من خلال الأنترنت وكاين بالزاف منهم وخاصة بين المغنيين مقدمي البرامج التلفزيونية
ولا حتى مجرد أشخاص عاديين تلقاهم يديرو واش يقدرو عليه باش يبينو الآخر في أقبح صورة ممكنة وبدوره الشخص الآخر أكيد يرد بما هو أقبح وأبشع والسؤال المطروح هو كيفاش وصلنا إلى هاد الدرجة من الإنحطاط والتدهور في الأخلاق؟ ولينا اللي يبهدل ويطيح ويجرجر ويخلط في الكلام كتر هو الرابح وهو موح الرجلة كيما يقولو ولا اللي ما تخلي ما تهدر من الكلام المتدني هي اللي يقولولها برافو عليك نتيا مرا ونص واللي توجع كتر هي أنو تلقا كتر من 100

j’aime وألف تعليق
لا حول ولا قوة إلا بالله العلي العظيم
بلادنا راحت وفي كل مرة يزيد القلب يوجع كتر وكتر كي نشوفو مظاهر كيما هادو حسبنا الله ونعم الوكيل في كل واحد يحرض على الرذيلة والفساد بين الناس
ونقول لهاد الناس خافو ربي والله يهديكم
توبو لله قبل فوات الأوان وين تولو تقولو
((يا ليتني قدمت لحياتي ))

ربي يهدينا أجمعين
ودمتم سالمين