اردت مساعدتكم

melissa73 · 2009-10-20, 12:55

السلام عليكم

بصراحة انا عانيت من حب الشباب (الحالة المتوسطة ) وآثار حب الشباب ،، وتخلصت منه الحمد لله والشكر له ..

قبل كلشي لازم تحطين في بالك ترى حب الشباب مش بذاك الشي المقزز في عيون الناس ، طبعا اتكلم عن الحالة المتوسطة ،، حتى مرات دايما اقول حق اختي تعبت من حب الشباب واثاره احس وجهي كريه ، اتقولي بالعكس هو صح فيك حب الشباب بس مش مشوه الوجه انتي تشوفينه جذي لان كل شوي ترزين وجهك قدام المرآة

الموفيييييييييييييييييييد..

انا جريت كلشي خلطات وكريمات وادويه ،، بس ابدا مش راضية هذا الوجه ما حبش يتعدل .. عاد في مرة رحت حق دكتور جلدية واعطاني يمكن 5 أدوية انا خذيت منهم 2 بس ما في فايدة ،

...

اما الحين عنايتي هي كالتالي :

1. غسول شجرة الشاي الأخضر من ذي بودي شوب ( روووووعه يعجبني بزااااف ).. احسه ينظف ويخلي البشرة تتنفس .. استخدمه تقريبا 3 مرات باليوم ..

2. زيت شجرة الشاي الأخضر من ذي بودي شوب ( هذا صغييير بحجمه لكن مفعوله وااااااااااااو تصدقون من ثاني يوم أزال الطبقة الي تكون فوق أثار حب الشباب ) أستخدمه في الليل قبل النوم احطه تقريبا نص ساعة..

3. استخدمت اصبع ذي بودي شوي بشجرة الشاي كمان .. (احطه على الحبه والاثار ، ممكن تاخذيه معك ممكن تطلعه وتحطي عالحبوب والاثار ، يعني تقريبا باليوم 5 مرات ، يخفف من الحبوب ).

4. دكتور الجلدية اعطاني مقشر خفيف اسمه ديفرين كلكم اتعرفونه (احطه يوم وترك ، حلو واحسه يورد الويه ، اذا ما تبين تتغربلين مع التقشير حطي لج مرطب يناسبج، مع ان تقشيره كلش خفيف وما يبين ، مثلا انا استخدم الفازلين مع ان بشرتي دهنية بس ما احس الفازلين يطلع لي حب شباب بالعكس احسه يخفف من الآثار )..

5. كريم تبييض من دكتور الجلدية ( احسه خفيف وتتشربه البشره بسرعه وتحطين شوي بس عالاثار ، وما يقشر ، احطه باليوم مرتين ، بس امانه يبي له صبر ما تظهر النتيجه الا بعد 3 اسابيع )..

في إنتــــــظار ردودكم