كيكة البرتقال يميييييييييييييييي

[ايمان يمن]

صباح الخير يا عسولات واش صبحتو.ان شاء الله لاباس.
اليوم جبتلكم كيكة البرتقال لمحبي البرتقال.جات بنينة تهبل.
المقادير مع طريقة التحضير:
اول حاجة تبداي بيها طيبي الشاربات ليراح تسقي بيها الكيكة.
كاس سكر+كاس ماء+عصير نص حبة قارص وقشور البرتقال.خليهم يغليو10د وطفي عليه.
ثاني حاجة اخدمي الكرمال: ديري نص كاس سكر يذوب حتي يولي كرمال وفرغيه في المول نتاع الكيكة كيما الي في الصورة.
وستفي فوقو البرتقال المقطع شرائح.
الحاجة الثالثة : بالباتور خلطي 3حبات بيض مع نص كاس سكر حتي يتضاعف حجم البيض+مبشور البرتقال+فرصة ملح+نص كاس زيت+نص كاس حليب+كاس فرينة+معرفة نشاء مع شكارة خميرة وفرغي الخليط في المول.
مدة الطهي:20د متحليش الفور ومبعد راقبيها بالكوردون ولا الموس اذا طابت حمريها من الفوق.
قلبيها مباشرة كيطيب سينون متتقلبلكش.
شهية طيبة.