كرهت الناس

[مشكلتي]

السلام عليكم اخوتي اخواتي
واش راح نقولكم راني في حالة اللا شعور قلبي راه يوجع فيا بزاف تشوكيت من الناس اللي معايا، انا نمشي معاهم بنيتي و هوما يا سبحان الله هذاك الخبث اللي فيهم ، حابة نبعد من هنا حابة نخرج من هاذ الوسط اللي راني عايشة فيه ، انا نتمنالهم الخير وهوما يتمناولي الشر ،حابة نقطع علاقتي بيهم ، و مانزيدش نشوف حتى في وحدة فيهم كرهتهم بزاااف جرحوني بالكلام مي انا لالا ماحبيتش نجرحهم وكلت ربي و خليتهم قلبي راه يوجع فيا بزاف حطموني تع الصح انصحوني واش ندير عندي لي كونرول وماقريتش

[جنى الجنتين]

سلام صراتلي كيفك انا بالنية و هوما الحيلة و راني فاهماتك شوفي نحيهم من بالك تصبيهم فالطريق بدلي الطريق و متسلميش عليهم و متعطيهمش الفرصة

وكلي ربي هو يخلص

1- خرجي بدلي الجو باش نفسيتك ترتاح و تنجمي تحفظي

2- قلبك راه يوجع حبيتي تفرحي صومي مكاش سعادة و فرحة كيما تاع الصيام عند الافطار و زيد مستجابة ادعي ربي و كثري

الله يهنيك

[جنى الجنتين]

سلام صراتلي كيفك انا بالنية و هوما الحيلة و راني فاهماتك شوفي نحيهم من بالك تصبيهم فالطريق بدلي الطريق و متسلميش عليهم و متعطيهمش الفرصة

وكلي ربي هو يخلص

1- خرجي بدلي الجو باش نفسيتك ترتاح و تنجمي تحفظي

2- قلبك راه يوجع حبيتي تفرحي صومي مكاش سعادة و فرحة كيما تاع الصيام عند الافطار و زيد مستجابة ادعي ربي و كثري

الله يهنيك

[حبيبة اولادي]

ربي يكون فالعون راه فات علي هاد الشي ما يخلوكش في نيتك وسيرتو ادا كانو من الاقارب ربي يكبر البال كل واحد وعقليتو وتربية تاعو مل واحد يخدم باصلو ولوجه الله وعمرو مول الحيلة ما يربح

[nouri.tg]

يجب أن تفرحي لأنها دروس تعلمتي منها في المستقبل راح تكون ليك مثل التطعيم ضد المرض

[زبدة ذايبة]

اجرحيهم مايزيدوش يجرحوك

الناس العديمة الأخلاق تجرب سكينها في اللحم الطري

اللي يلقاوها ساكتة وتحشم وعاقلة يطمعوا يجربوا السكاكين فيها

ماتبدلي الناس ماوالو

هذ المرة انت اللي تجرحي لازم يعرفوا أنك عندك نفس الصفات اللي عندهم لكن أخلاقا منك ماتستعمليهاش

وحدة ماتهمك

اللي يجرحك ومايحشمش منك ، انت اجرحيه وماتحشميش منو

لو كان تكملي هكذا مكان مارايحة تبقاي فيه

الناس كامل كيفكيف.

ربي يوفقك

[فاطمة شلف]

السلام عليكم ورحمة الله وبركاته
والله موضوع رائع انا مثلك صراتلي لي نصدقها وندير فيها الخير دور عليا وتريدو خراب بيتي
والله شحال من وحدة ربي وكيلهم
انصحك اقرائي القران او احفظيه ديري في الانترنات كاش خياطة او كيفية الطبخ او ثقفي
نفسك بالانترنات ولا تصادقي اي احد والله انا راني غاية الغاية عندما تركت هذه الصداقة
تزيدي على روحك الكلام ويدخلوك في امور اخى
ربي يكون معاك
سلام