افيدوني يا عباد الله 2

[مشكلتي]

السلام عليكم

خاوتي حبيت نشكركم كااااااامل

والله نصائحكم عاونتني بزاف

كنت مستنية تزيدو عليا بقساوتكم وتحكموني من اليد اللي تضر كيما يقولو ،، ولهاذ الشي كنت نتجنب ندخل للمنتدى هاد الفترة

لكن والله ارتحت وانا نقرى في رودوكم عليا ،، ربي يجزيكم كل الخير

علابالي غلطت ،، وبزااااااااف،، ونعترف قدامكم وقدام ربي

مي والله راني منيش مرتاحة كااامل وانا نعصي في ربي

ليوم راني غير نضت من الرقاد وانا حاسة قلبي ضرني،، نصلي في الصبح ونبكي وندعي في ربي

يارب خرجني ، يارب انتشلني من هذا كله

خاااوتي ،، اليوم تخلص باذن الله ،، اليوم ونشهد ربي على هذا قذامكم

لكن نحتاج نصائح من جديد

نحتاج تقولولي كيفاه نحبسها

نبغي كلام يفهمو عقل الرجل،، كلام يخليه يفهم بلي راني حابة رضاية ربي ،، ويخليه مام منبعد مايتقلبش عليا ويضرني في حياتي

عيشكم عاونوني

خاصة الرجال


نتمنى من المشرفين يعجلولي بالموضوع،، خاطر محتاجة نصيحة في اقرب وقت

[المهاجرة لربها]

السلام عليكم و رحمة الله و بركاته

قرات موضوعك الثاني لنفس مسكلتك و اعجبني انك استفدت من النصائح التي قدمت لك اختي و انك باذن الله عازمة على تغيير نفسك و انك ستقطعين ما بداته و انت تتمسكين بحبل حلال الله و رضوانه ادعو لك بالتوفيق من الله و من كل قلبي احسنت التصرف

بخصوص طلبك بمساعدة ان نقدم لك نصائح اعلمي اختي انك اولا لست مخطأة تماما مما قد تصلحين به الامر و تصلحين نفسك و ان كنت حقا اتخذت قرارا بانسحابك و رجوعك الى الله بكل سهولة اوصلي رسالة انك تتقين الله فيما تفعلينه و انك ستطيعين الله قبل ان تطيعي قلبك و برغبتك ان تكون تجربتك في الحياة شرعية و بحلال لانك ان تواصلتي بهذا النوع من العلاقات انت تتجاوزين حدود الله و تخونين اهلك الذين وضعوا كامل ثقتهم و رموها على عاتقكك و انك قد تضرين نفسك اولا حيث تأخذك الايام الى مصير مجهول و الرجوع و التراجع حينها لا فائدة منه و بكل عفوية انك كنت اردت حلا لهذه المشكلة كحل الزواج و تبين ان حلا كهذا هو الاخر طريق صعب في مثل هذه الظروف فلا بيدك الحيلة و لا بيدك حل الا الصبر و ارتداء لباس التقوى و العفاف و الانتظار لامر الله

كما انك استودعت هذا الامر الى الله اعلمي ان الله لن يخيب عبدا اتقاه و ظن به خيرا واطمئن لقضائه بخيره و شره

اتمنى لك التوفيق اختي فيما يحبه و يرضاه
اسعدك الله و رزقك و سدد خطاك و انار دربك
وفقك الله ان شاء الله

[زبدة ذايبة]

علاه حتى ديري حكاية باه تخلصي الموضوع هذا

زوج كلمات واقطعي العلاقة

قوليلوا : إذا راك ناوي لحلال تجي للدار

واقطعي العلاقة

وماتبدايش دوري

هاو دخل للصفحة تاعي

راه يحوس عليا

راه بعتلي

راه قالي

راه


راه


راه


راه


وإذا بديتي تبعي في هذي ( راه ) ماراكيش رايحة تخرجي من الشيء اللي راكي فيه

ونزيدلك حاجة

هو لوكان تجيه الطكوكة يدور ظهرو والله مايحوس عليك

كان هنا وراح

بالتالي

ديري قيمة لعمرك وماتذليش روحك وماتعصيش ربي

نتمنالك التوفيق

[Amouna.DZ]

شوفي كاين آية من القرآن الكريم تقول" ومن يتق الله يجعل له مخرجا و يرزقه من حيث لا يحتسب" هذي الاية كافية و وافية أنها تخليك شجاعة و قوية على إتخاذ هذا القرار و أبشري بالخير و كل الخير من عند الله سبحانه

[alialilo]

السلام عليكم عندما قراءت الموضوع ١ اعجبني تدخل العضو زبدة ذايبة ما عدها ما خلات عطتك الحل ١٠٠ب١٠٠ يخص طبقي برك

[sarraamina]

ربي يكون في عونك

[محمد والأمل]

لا تقلقي أخي إن الله يغقر الذنوب جميعا