و علاش تكتبوا 40 سطر في الوضعية ادماجية و بدون معنى . ادخلو ا

imi rabah · 2016-12-17, 17:15

السلام عليكم ورحمة الله تعاالى وبركـــآتههه
كيفاركم ؟؟ صافا؟
مع الأول قولولي joyeux anniversaire بويسك ليوم عيد ميلادي
وليت 14 سنة راني كبيرة
المهم ندخلو في الموضوع.. كاين بزاف منا يلي يدو 4 و لا 3 على التعبير من اصل 8 أو 7 و يقولوا حنا ديجا كتبنا 4 صفحات علاه دينا هكذا؟؟؟ درك نقولكم علاه و نقولك وش لازم اديري باش تدي 7 و لا 7.5 من أصل 8 في التعبير أو حتى العلامة كاملة!!
و هاد الكلام يلي رح نكتبو ماشي انا برك يلي قلتو بزاف الأساتدة يهدروا في هاد الكلام و كيما انا نستفيد لا زم نفيد
علابالي رانا مقبلين على ش ت م و كل 0.25 في التعبير ديرلنا فرق كبير !!
ندخلوا في الموضوع و راني رح نطول شوية بصح ركزوا معايا...
نبدوا ,, بسم الله الرحمن الرحيم
في الأول نشوفو الموضوع تاع التعبير عليمن يحكي {العمل, الدراسة, الكتاب,,, إلخ}
و تبداو تحطي عليه أسئلةة بويسك هوما يلي يجيبو لكلام ,, ماهو معنى العمل؟ لماذا العمل؟ ما فوائد و أهمية العمل؟ .... و هاذي الأسئلة هي يلي تجيبلك الافكــآر ,, مش تقعدوا تقوليوا يجب على الإنسان و يجب على الشباب و يجب على الشعب و المصحح ماهوش عارف انتو بتتكلموا على ايه ؟! و تقعدوا تعاودوا في الهدرة و تزيدوا فيها و تطولوا ههههه انا حاسة بيكم... ~~
نكتبوا موضوع من 5 اسطر و تقعدوا ربع ساعة تخمم كيفاش تكتبو ل 5 لخرين !!
لالا حنا راح نبداو من الأسئلة و نكتبوا مثلا السؤال الأول ماهو معنى العمل ؟ و نكتبوا عليه 3 اسطر و السؤال الثاني لماذا العمل ؟ و نكتبوا عليه 3 اسطر و هي رايحةة حتى نكملوا التعبيرة تاعنا بسهولة ... و
حذاري حذاري حذاري من أنكم تكتبوا فقرة و نتوما ماركمش مكملين يلي قبلها ...
و كي نكملوا نكتبوا خاتمةة ,, يعني في آخر الكلام نديروا تلخيص للفقرة تقولو ا:وأرى ان ....... / اقتــرح أن ...... ،، و تكتبوا دعاء صغير يليق مع الموضوع مثلا موضوع عن الأقتصاد تقولوا "اللهــم بــاركـ لنــاآ فى اوقــاتنــا وأقواتــناآ ".. حتى المصحح يحس بلي كاين عاطفةة في الموضوع مشي غير هدرة × هدرةة.... { في لمواضيع الأدبية طبعا}
من المفترض أن نفعل:
_مانكتبوش الموضوع مع بعض يعني من الأفضل نديروه فقرات كيما الفرونسي
_و أكيد ماننساوش البياض ,,يعني نخلوا اسباس صغيرة في بداية التعبير في السطر الأول
_و ماننساوش علامات الترقيم و ماتقولوليش مانعرفوش نديروها... لالا ساهلة بزاف ديروا فاصلة عند نهاية الجملة أو الفكرة و نقطة عن نهاية الفقرة .. بالاك المصحح ماهوش راح ينتبه ليها مي لا زم نديروها و كلمة "لأن" نديروا موراها فاصلة منقوطة "؛" و معناها بلي كاين تعليل و ثاني كلمة قال نديروا موراها ":"
_ و ماننساوش التنويع و هو الصح في التعبير يعنــى مثــلآ اكتــبوا مــا أجــمــل ! .. مــا أعظــم ! و مــآ تنساوش علآمــة التعجــب ,,و لو استفهمتوا مثلاا ... فهل العمل هو أساس الحياة ؟! ديروا علامة استفهام و موراها علامة تعجب .. كي شغل مزيج اسلوب انشائي و المصححين راهم حابين يشوفوا منا هكذا
ç و اذا كنا راح نديروا آية و لا حديث نديروا هكذا,, مثلا,,,
قــال -تعــالــى- : " قــل اعمــلوا فســيرى الله عمــلــكم والمؤمنــون " ما تنساوش علامات التنصيص {"..."} دايما أي آية و لا حديث ديروا علامات التنصيص و ماتنساوش تحطوا كلمة "تعالى " بين شرطتين بويسك كلمة اعتراضية و في الحديث أيضـآ
قــاآل رســول الله -صلــى الله عليه وسلــم- "الديــن معــاملة"....
_ و لازم لاازم لازم الخط يكون شباب قد ماتقدروا اكتبوا بالعقل باش الخط يكون شباب ..
_ و أوسي الحاجة الشابة كي نديروا تنويع بين الأساليب ...الأساليب الإنشائية مثلا... يعني بدل ما تقول يجب أن نفعل ,, قولي فهل نفعل؟ هلا فعلنا ؟ ما أجمل أن نفعل ! { أسلوب تعجب} .. هل أولى أن نفعل ؟ {أسلوب تفضيل} و هي رايحةةة ...
_ و الإستعارة ,, أهم حاجة في المواضيع تكون الإستعارة أو الكناية مثلا ... في بلاصة مانقول الذين يقتلون ,, نقولوا الذين يحصدهم الموت كل يوم... شبهتوا المووت كأنه فلآح يحصد الزرع كــما هم يحصدون رقــاب النــاس ...و الله غير مهمين هادو الحوايج بزاااف
و يلي ما يعرفش وش معنى الكناية يدخل لهاذ الموضوع:
https://www.djelfa.info/vb/showthread.php?t=1848754
_ و ماتنساوش تستخدموا آية أو حديث أو حتى بيت شعر .. تقولولي ماشي حافظين.. لازم تحفظوا الأشعار بويسك يستعملو بزااااف مثلا كمــا قــال الشااعر احمد شــوقــى :
ومــانيــل المطــالب بالتمنــى ولكــن تُؤخذ الدنــيا غلآبــاً
يعني لحل المشكلة يجب عليك اجتهاد و غلابة يعني تنافش و صراع
...... و هنا خلاص الموضوع ديزولي راني طولت عليكم بزااااااااااااف و باي باي

imi rabah · 2016-12-17, 17:20

اسفة لكن اليوم ليس عيد ميلاددي كي نسختها بسكو ليقتها نسيت باش نمحي هاديك مقدمة

imi rabah · 2016-12-17, 18:17

16مشاهدة و لا رد

موعاد · 2016-12-17, 19:05

أنا من الممتازين في التعبير
لانني من صغري كان ابي و جدي الله يرحمو عندهم ثقافة لغوية جدي يملك حوالي 40 كتاب في مجال اللغة العربية و الاسلام
انا كنت نسمع الحديث تاعهم و مرة على مرة نسقسي الاب تاعي ما معنا هذه الكلمة هو يجاوبني و انا نهز في راسي و الحمد لله
راني ندي في التعبير تاع اللغة العربية و نقول انو يجب على التلميد ان يطالع و يبحث في كل المجالات ربما يصادف دك المجال ما جاءه في التعبير
وكذا للتعبير نقاط
منها السلامة اللغوية و نضافة الورقة و الوجاهة والابداع والتقيد بالمطلوب كعدد السطور و الموضوع المهم هذا التعبير و تاني الاعراب ان مهمين جذا عليكم الاعتناء بها و شكرا.. للاخت الفاضلة

imi rabah · 2016-12-17, 19:10

ممكن تنصجني باي كتاب قرأته لاطالعه او كتب اخرى

موعاد · 2016-12-17, 19:15

اقتباس:

المشاركة الأصلية كتبت بواسطة imi rabah

ممكن تنصجني باي كتاب قرأته لاطالعه او كتب اخرى

انا قريت وحد 2 كتب برك هادوك اللي مازالو فوق المستوى
قريت كتاب بعنوان قوة التفكير للدكتور ابراهيم الفقي يمكنكي تحميله

المتـــواضــعة · 2016-12-17, 19:24

شكرا شكراا شكرااا شكراااا انا وحدة من الناس اعلا علامة عندي في التعبير هي 6

imi rabah · 2016-12-17, 19:58

العفو اختــــــــــــــــــــــــــــــــى