عجينة اكثر من راااااااااااااائعة للحلو و المالح

[oum ibrahim]

بسم الله الرحمن الرحيم
السلام عليكم و رحمة اله تعالى و بركاته
اليوم رايحة نقدملكم عجينة اكثر من رائعة تصلح للمعجنات الحلوة و المالحة كنت حطيتها من قبل في كوزينة واش طيبتي اليوم وقلت لازم نديرها موضوع لتكون الفائدة للجميع
تفضلو المقادير لكن للاسف ماصورتش مراحل التحضير
كاس حليب دافىء وتقدري ديريه باللبن لكن بالحليب افضل
كاس ماء دافىء
2مغارف سكر
2 مغارف خميرة خبز اذا كان الكاس نتاعك صغير ديري مغرف و نص
2كيسان فرينة
تخلطي هذي المقادير تتحصلي على عجينة سائلة غطيها و خليها تخمر مليح حوالي ربع ساعة الى 20 دقيقة
من بعد زيديلها نص كاس زيت و الفرينة حوالي 2 كيسان ممكن تزيدي 2 ملاعق حسب نوع الفرينة وحجم الكاس الي كيلتي بيه انا نكيل بكاس نتاع 250 ملل يعني في المجموع 4 كيسان فرينة و شوية ومغرف ملح و اعجنيها مليح تتحصلي على عجينة طرية غطيها و خليها تخمر راهي ماطولش لانها خمرت بعد المرة الاولى
من بعد اقسميها كويرات و احشيها بالشيىء الي حبيتي مثلا صوص طماطم دجاج مفتت او تون او لحم مرحي طايب جبن طري و مبشور بيض مغلي مفتت انت و ذوقك
حللي كل كرية دائرة و حطي الحشو في الطرف و لفي عليه و اغلقي مليح باه ما يتفتحش في الطياب و ادهنيهم بالبيض مع شوية قهوة و زيت و رشي الجلجلان و خليهم يزيدو يخمرو شوية و طيبيهم في فرن ساخن مسبقا حتي تشوفيهم تحمرو
بالنسبة للحلو ممكن تحشيهم بالنوتيلا او شكول مبشورة او معجون و ممكن تزيدي السكر في العجينة انا درت عجينة وحدة و قسمتها و بعد ما طابو رشيت الحلو بالسكر قلاصي او ادهنيهم بلاجولي و الف صحة و هناء







نتمنى يكون الشرح كافي ووافي


وهذه بعض المعجنات الي درتها بهذه العجينة
هذي خبزة بالسلق كنت رايحة نديرها شكل مظفور من فوق كي جيت نهزها فسد الشكل



وهذا بريوش رولي حليت العجينة دهنتها بالمعجون و رشيت حبيبات الشكولا و روليت قطعت قطع بعرض 2 سم و حطيتها في مول الكاب كيك و طيبتهم



وهذي ظفيرة بالخضار و الدجاج







وهذا بتي بان قسمت نصف العجينة الى 4 كرات حللتهم شوية و دهنت بينهم بزبدة التوريق ذايبة وحللتهم على شكل مربع ودرت في الحافة فرميسال شكولا او نوتيلا او حبيبات شكولا او شكولا رابي و لفيت مرة و نص و نقطع و نغلق مليح و الفتحة تكون من تحت و ندهن بالبيض و نطيبو







وهذي تاني ظفيرة بالسلق و النص الثاني بريوش بالشكولا




و الحمد لله حمدا كثيرا طيبا مباركا فيه
و الي عندها استفسار تتفضل
اذا عجبكم الموضوع دعوة خير تكفيني و لكن بالمثل
في امان الله و رعايته
اللهم صل على محمد و على ال محمد كما صليت على ابراهيم و على ال ابراهيم في العالمين انك حميد مجيد

[ام محمد 05]

واااااااااااااااااااااااع انا الاولى لي شفتك ههههههه والله اني احبك فالله واعشق حلوياتك ومعجناتك ما شاء الله كل صبع بصنعة ونغتنم الفرصة باه نشكرك على نصائحك القيمة اللي ديما متبخلينيش بيها حبيبتي ربي يوسع في رزقك ويحفظلك اولادك وزوجك يارب

[حياة نور الدين]

بارك الله فيك يا شيف والله تحفة تحخسبي فانوازغي اتع باتيسيي محترف ربي يخليك ويحخفظك لوليداتك ولينا طبعاااااا شكرااااا والف تحية

[فايزة1207]

ما شاء الله عليك ياملكة الباتيسري وزيدي ضرك فنانة المعجنات
ربي يحفظك اختي ويحفظ العائلة الكريمة

[lyzzabel]

آه هدا وين نجمت ندخل لموضوعك الرااائع ،، تسسسلم ايديييك العجييينة تبان روووعة رووووعة و طريقة التحضير ما تحتاجش صور شرحك وااافي و كاااافي ،، ربي يسخرلك زوجك و يصلحلك في وليدااتك و يجازيك خير الجزاء على مجهودك يا عسلللل و أحلى تقيييم مني لييييك

[*سماح 94*]

راااااااااائع اختي يعطيك الصحة من طريقتها باينة قطن نجربها ان شاء الله

[karimazaki]

فنانة تاع صح يعطيك الصحة حبيبتي

[ام هدول]

4444444444444444444444444444
يعطيك الصحة وسلمت يداك

[القناعة كنز]

ام برهوم بارك الله فيك
المفروض نتوجوك ملكة المعجنات

[sabrina206]

تحفةةةةةةةةةةة و تسلم الأيادي عزيزتي
ما شاء الله مبدعةةةةةة و هذا ماشي جديد عليك يا أحلى فنانة ربي يباركلك في صحتك و في عائلتك و يجازيك خير جزاء على مجهوداتك
مشكووووررررة

[أم شيماءْ]

يا سلام عليك كشرودة تحف تحف وراني ندير فيه ضك واحلى تقيم لعيونك الحلوين

[Dhikra12]

بارك الله فيك خرجتلك هايلة نطبقها قريب ان شاء الله

[ام عبدو و ملاك]

الله يبارك ام ابراهيم والله كل وصفاتك رائعة بارك الله فيك وجعلها الله في ميزان حسناتك

[chez biba]

روووووعة ما شاء الله ام ابراهيم كي العادة دايما اطباقك مميزة الله يبارك
وال عجينة جاتك هاااايلة يعطيك الف صحة وأحلى تقييم

[أم شيماءْ]

ام برهوم راني جربتو وخرج اروع من الروعة والله مالقيت ما نقلك غير ربي يعطيك ما تتمناي حبوبة