ممكن سؤال

[قلم محترق]

السلام عليكم أحبتي في الله
اريد الإستفسار عن كيفية موازنة معادلات فيزيائية ...

[نور<3]

اهلا

انا تاني حد الان مفهمتهاش مع انوا وحدة هنا في منتدى فهمتني بصح مدخلتش قاع راسي لانو قالتنا استاذة معادلات نستحقوهم في 4 متوسط وركزوا عيهم



الموازنة هي انو دائما تكون عدد الذرات المتفاعلات ( المواد الابتدائية في التجربة ) يساوي عدد ذرات النواتج (المواد المتحصل عليها بعد التجربة )

ودائما في التجربة تبداي توازني الكربون تشوفي قداه كاين وتضربي الجهة التانية حيت تكون نتيجة الدرات في الجهتين متوازنة وهكد ا مع الذرات الاخرى ...




مثال هاذي المعادلة ماهيش موازنة نحاولوا نوازنها

C3H8 + O2 --------- CO2 + H2O
)) نواتج ) ( متفاعلات )


شوفي في النواتج عندنا 1 ذرة كربون (C) وفي النواتج كاينة 3 ذرات من الكربون اذن رايحة تضربي النواتج الكربون تاعهم في 3 لانوا 1 ضرب 3 تساوي 3 باه نعادلو الكريون ومادامك تضربي الكربوون يلي في النواتج * 3 رايحة تضرببي الجزيء كامل تسما CO2 تضربيها في 3 تكتب

C3H8+O2----------------- 3CO2+H2O

وتعتبر ولات عندك C3O6 لانو مادامك ضربتي الكربون حتضربي الاوكسجين ; 3*2 --- 6


سما الكربون توازن ولات عند 3 كربون في النواتج و 3 كربون في المتفاعلات دركا نوليو للهيدروجين h وكيما راكي تشوفي في المتفاعلات كاين 8 والنواتج كاين غير 2 اذن نضربوها في 4 باه تولي 8 ومادامك تضربي الهيدروجين لازمك تضربي الجزيء وتكتب

C3H8+O2----------------- 3CO2+ 4H2O وتعتبر ولات عندك 8هيدروجين و 4 اوكسجين لانو كان عندك واحد اوكسين ضربناه في 4 يولي 4 ودركا تحسبي الاجمالي تاعك كداه ذرة كاينة في المتفاعلات وكداه كاين في النواتج نبداو النواتج عند ك :

8 هيدروجين و الاوكسجين 10لانو في الجزيء هادا كاين 4 ولوخر 6 نجمع تساوي 10 والكربون 3 ذرات




هذا بالنسبة للنواتج الان المتفاعلات عندنا



3 كربون 8 هيدروجين و 2 اوكسجين


كيما راكي تلاحي توازن الكربون والهيدروجين اما الاوكسجين عندك في المتفاعلات 2 والنواتج 10 بمعنى لازم نضربوا المتفاعلات في 5 لاه تصبح عندك 10لانو 2 ضرب 5 تساوي 10


وتصبح المعادبة كما يلي :

C3H8 + 5 O2 -------------------- 3 CO2 + 4 H2O وتعتبر موازنة اي كل طرف يساوي الطرف الاخر

نتمنى تكوني فهمتي واي استفسار لاتتترددي اختي ولاه تفهمي مليح حاكي ادخلي هنايا كابن مجموعة معادلات حليهم على حسب واش فهمتي وكي تخلثي كدام كل معادلة كاين تصحيح https://www.pc1.free.fr/equilibrage.htm

نتمنى انو نكون افدتك