استفسار حول الاعفاء بسبب طبي

[مسلم أمره لله]

انا مواليد 93

ما لحقني اي استدعاء وكي رحت سقسيت عليها عندنا قالولي مكانش
وقتها قالولي صحابي راك منسي بصحتك خليت عليها وما رحتش للفحص الطبي

وكي طلعت للجامعة خدمت السورسي بدون اي استدعاءوكي طلبوه قلتهم مالحقنيش وخدمولي السورسي عادي
وبقيت نعاود فيه حتى تخرجت ماستر العام الي فات

بعدها شاركت في مسابقة الاساتذة ونجحت الحمد لله واعطاوني سورسي تاع 6 اشهر

انا الكبير في الدار لكن قالولي لما كنت ندير السورسي اني منقدرش ندير الكفالة لاني ما رحتش للفحص
وعننيا ناقصين بصح شوية برك

الدوسي تاع الاعفاء لسبب طبي وش يكون فيه ؟
+ قداه لازم يكون ناقص من عينيه باه يعطوه الاعفاء؟ لاني ناقص بصح مش ياسر

[rafikwood]

أخي لا تستطيع تقديم ملف طبي لأنك لم تجتز الفحص في سن 18 سنة حل الوحيد هو دفع الملف في ثكنة

[القرايري الجميل]

روح لاريجو و ادي معاك الدوسي تااع الكفالة + تاع الطبي طبيب عيون بلير راك ناقص فالنظر

و رايحين يعطولك الاعفاء انشاء الله = سبب طبي

[رياض32]

كيف يعطوه اعفاء في المركز و هو لم يجتاز الفحص الطبي ?انا ذهبت لتقديم ملف طبي و رفضوا النظر اليه بحجة اني لم اجتز الفحص كيف افعل ?