هدايا لأهل العريس أو كما يعرف بالتكبيرة *للنقاش*

[أثيلة]

السلام عليكم و رحمة الله و بركاته
إخوتي و أخواتي أردت ان اتطرق معكم اليوم إلى موضوع مهم للغاية و أرجوا ان القى تفاعل من طرفكم و إجابات على تسائلاتي القليلة
من المتعارف في المجتمعات الجزائرية ان العرىسة لما تتزوج تأخد معها هدايا لاهل العريس (والدته و ولده و اخواته و اعمامه و خالاته ...) و ليس هدا فقط بل الهدايا اصبحت تعد الملايين تصديرة لوالدته و لباس لكل اخوته و و و و ، و ادا ماحصل و لو تحضر معها العروس كما هائلا من الهجايا او ماتسمى بالتكبيرة فانها تبغض و تسمع كلاما كثيرا
حتى ان هدا الموضوع اصبح يشغل بال العرائس اكثر من جهازهن الخاص و يهتممن به اكثر من نفسهن يشترون مختلف انواع العكور و قطع القماش و الصابون و اووو
طبعا انا كنت اظن أن الأمر ليس مهم لتلك الدرجة ولكن قبل ايام تزوجت إحدى صديقاتي و اخدت مايكفي لتكبير او تقديم هدايا ل 20 امراة و 20 رجل و تفاجئت بأم العريس تقول لها هل هذا فقط ما أحضرته معك؟؟ و المهم بالعامية بهدلتها و ماخلاتلهاش و راحت ام العريس شرات العديد من الهدايا الاخرى ووزعتها كي لايقال عنها كلام غير لائق كما زعمت
و الاسئلة التي اريد توجيهها :
في رأيكم هل يجب على العروس فعل كل هدا و أليست هي من يجب ان يقدموا لها كل هؤلاء هدايا؟
هل يجب ان تستمر هده العادة للأبد؟
مالسبيل لتغييرها؟
و للفتاة اقول هل تستطيعين العدول عن هدا التقليد؟
الشباب هل تستطيع ان تطلب من زوجتك ان لا تحضر التكابير و تكتفي بالضروريات فقط؟
هدا هو كل ماأردت مناقشته اليوم
تقبلوا مواضيعي
أختكم في الله
رشا

[المهاجرة لربها]

السلام عليكم و رحمة الله و بركاته

انه لمحزن جداااااااا اختاه ان تسيطر علينا العادات و التقاليد لحد ان تجاوزه يجعل منا مجرمين فيقام الحد على كل من تجرأ ان خالف قوانين و عادات اقامها اناس اثرياء قد عاشوا في بذخ لانهم تعودوا ان يحكموا على المظاهر و على النفوذ لا على طيبة الشخص و ان تسرهم الهدايا و الالماس على مسرتهم لرؤية شخص بخير و اعتادوا على ان يسالوا عن ثمن الاشياء الباهضة و يساومونها على ان يسألوا عن حال احبائهم و حال اخوانهم المسلمين و حتى قد نسوا ان يسألوا عن حال انفسهم التي صارت تجيد فقط الانطواء و العيش في مغريات الحياة المستدامة بالنسبة لهم دون ان يتذكروا ان كل من عليها فاني و يبقى وجه ربك ذو الجلال و الاكرام

هذه العادات يا اختي لم تكن هكذا من قبل في عصر امهاتنا و جداتنا انما تغيرت الان كليا و هذا بالنسبة للوقت الراهن جد صعب

انا ارفض تماما ان اسرف في هذا الموضوع فوق طاقتي و فوق جهدي لكل منا ظروفه الخاصة و الدخل الذي يعتمد عليه في العيش هذا من الناحية المادية
اما من الناحية الدينية هذا اسراف و سنسال عليه عند الله لست ضد تقديم الهدايا بالعكس ففي تقديم الهدايا او منح هبة تقريب و محبة تدوم بين الناس فتكسب مودتهم و احترامهم شرط ان لا تكون فوق استطاعة كل واحد منا اي قدر المستطاع و لمن استطاع

فالله و عبادته اولى من كل شيء و قال لعباده عن الحج (لمن استطاع اليه سبيلا) الحج فرض من الفرائض لكن الله ارحم بعباده لم يحملهم فوق طاقتهم
و كذلك قال عز و جل (لا يكلف الله نفسا الا وسعها لها ما كسبت و عليها ما اكتسبت) هذا رب العباد و خالق الكون عز وجل

فما بالك اختي بعباد الله انا صراحة لا اكترث لهذا الامر لانه ليس من اولويات الاسلام و لا ديننا يحث عليه
تقديم الهدايا من العروس لاهل العريس فقط يكون على ما استطاعت به و لا تكلف نفسها ما لا تتحمله

فقط اتمنى من المجتمع الجزائري ان يتفهموا ظروف اخوتهم في الله و في الاسلام و ان يخافوا الله و يتقوا الله في انفسهم
اسئلوا عن التربية و الاخلاق و الطباع و الصفات الحميدة و السعادة هذه الاشياء ستدوم بدوام عيشكم مع عروستكم اما الاشياء الزائلة فلا دوام لها

اختموا كلامي هذا بكلمات من ذهب _____ نعيب زماننا و العيب فينا و ما لزماننا عيب سوانا

غفر الله لنا و لكم و حفظنا و اياكم و رحمنا و رحمكم و جمعنا و جمعكم في ساعات الخير و السعادة و الهناء

مشكورة اختي على الموضوع بارك الله فيك و سدد خطاك

[نواعم]

السلام اختي حنا عندنا الهدايا غير لاهل الزوج والكباراا لا تتجاوز عشرة اشخاص بالمعقول

[rose de sable s]

و يقلك راكم تطلب مهر غالي لدلك كثرة عنوسة
لكن مشكل في عادات واهل زوج لي مهما اخدت معها عروس لن تعجبهم ويقلك مجبت والو ووو

[sasou2013]

لوكان عر فت نديلهم قنبلة نطرطق جدهم قاع دربة وحدة ديتلهم و هوما كانو يبنيولي في البنيات حسبي الله و نعم الوكيل في الليا و في النهار

[كاميلا]

فكرتيني بواش صرالي جبتلهم هدايا من الجزاير ومن الترك ومعجبهمش الحال
اسبوع اللي قضيناه في تركيا صدرنا 15 مليون بالريق الناشف نقودي ونقوده وهوما حسبالهم صوارد ولدهم فقط اخته العزيزة قاتله جيبلي معطف ب 50 اورو مع تحديد الثمن يا سلام زوج عرسان رايحين يحوسوا بعد عرسهم والا يروحوا يبحثوا على معطف اخته وب 50 اورو كي جبنالهم الهدايا انا شريتلها جيلي تاع صوف بالاظافة الى الهدايا اللي شريتهم من الجزاير والله يا حبيبتي معجبهاش الحال مع العلم راهي متزوجة ووجها تبدل يستناو فييا نجيبلهم الترك معايا مع انه راجلي استعغرب وقالي ياك ديريلي انا هدية انا اللي كنت نجيبلك ههههههههههههههههههههه وهدا هو الواقع لاني لم اتلق اي هدية من اهله معليش اسيدي انا اعتبرتها تعبير عن نيتي الصافية تجاههم بصح هوما واحد حاب يكسيله ولاده وحدة نكسيوها هي معليش كون جات هاد السفرة ورا 5 سنين زواج بصح حرت كيفاش عرسان يطلبوا منهم يكسيوهم الطمع
وانا وش درت لعجوزتي قماش تاع قندورة والله من المغرب ومعاه صباط وخيمار وريحة وشال وصاك معجبهاش الحال تستنى فيا نشريلها قطيفة فرقاني محروجة هههههههههههههه
والله يا اختي كرهونا

[كاميلا]

وحكاية الشورة انا عايرتني باللي مجبتش معايا الة غسيل وكدبت باللي بنتها جابتها معاها في شورتها وزوجي قالي داروهالها كادو يعني خالته اكي تشوفي المستوى وش متدني يعني ميهمش انها تكذب المهم تجرح وتعفس العروسة

[anfal10]

لعروسة تدي هدايا غي لاهل الزوج برك ادا كاين بزاف لافامي خالات عمات تشري لي شال خمارات حاجة سامبوليك
يعني لازم فاليزة غير ليهم كل واحد او مقدوروا حنا ما ندوش للفاميليا كاملين مي حنا العادات ماشي مليحة تصيبي في الدار معمرة بعماتوا خالاتوا بنات العم و الخال ووووو تحصلي بمن تمدي لمن تخلي تفاهموا على هاد النقطة شكون اكون في الدار باسكو حشومة تاني اكونوا كبارات في الدار او ما تمديلهم والوا مشكل

[riheb razane]

والله يا اختي ساسو عندك الحق لوكان مجباش خير بلاك انولو ملاح ولا بونبا تطرطق على راسهم انشاء الله وجوه الشر ربي بصاني بيهم المهم شوفي اختي خبي دراهمك هما يهدو كيما الرجال ي لواسك اشريهم السرابت راهم يتراماو في السوق هذزك تاع الصين وقيلات 150 دج للوحدة ونساهم قرع تع الديودغون الرخيسة كامل ومشوار وصابون لوكس هذاك وخسارة فيهم وديرلها كل وحدة وساشية تاعها تندبي عليهم واما عجوزتك اشريلها جبة وشال وشيخك اشريلو عباية وصلايا ولواساتك الزينين لي كما تواعي اشريلهم بيجامات تع 500 يا والله غير خسارة فيهم نوصيك اشري لراجلك ولروحك لاخطر هذو قع زيادة واحد مايقولك صحة انا خالتي عروستها جابتها سنسلة تع الذهب ومدهلها في الصبوحي قاتلها هكي يما هذي متسواش قدام واش اعطيتني زعمة على وليدها الزين تتصوري قدام العائلة واهلها قاتلها علاه سلامت دراهم وليدي لي خليتيه انتي ومواليك رشيتولو العضم مسكين ومنتوما جيب جيب مالي خطبك وهو افورني التروسو كامل لي جبتيه من لحيتو بخرلو عنبالك راني راقدة على وذنيا حتى صرى دواس بينها وبين يمات العروسة وهي مسكينة تحلف غير اشرتها من دراهمها

[كاميلا]

المشاركة الأصلية كتبت بواسطة riheb razane

والله يا اختي ساسو عندك الحق لوكان مجباش خير بلاك انولو ملاح ولا بونبا تطرطق على راسهم انشاء الله وجوه الشر ربي بصاني بيهم المهم شوفي اختي خبي دراهمك هما يهدو كيما الرجال ي لواسك اشريهم السرابت راهم يتراماو في السوق هذزك تاع الصين وقيلات 150 دج للوحدة ونساهم قرع تع الديودغون الرخيسة كامل ومشوار وصابون لوكس هذاك وخسارة فيهم وديرلها كل وحدة وساشية تاعها تندبي عليهم واما عجوزتك اشريلها جبة وشال وشيخك اشريلو عباية وصلايا ولواساتك الزينين لي كما تواعي اشريلهم بيجامات تع 500 يا والله غير خسارة فيهم نوصيك اشري لراجلك ولروحك لاخطر هذو قع زيادة واحد مايقولك صحة انا خالتي عروستها جابتها سنسلة تع الذهب ومدهلها في الصبوحي قاتلها هكي يما هذي متسواش قدام واش اعطيتني زعمة على وليدها الزين تتصوري قدام العائلة واهلها قاتلها علاه سلامت دراهم وليدي لي خليتيه انتي ومواليك رشيتولو العضم مسكين ومنتوما جيب جيب مالي خطبك وهو افورني التروسو كامل لي جبتيه من لحيتو بخرلو عنبالك راني راقدة على وذنيا حتى صرى دواس بينها وبين يمات العروسة وهي مسكينة تحلف غير اشرتها من دراهمها

شوكيتيني ههههه مالا مش غير انا انا وش فقت بيهم يا حبيبتي كي كان يجيبو وش شرالي راجلي للعيد في العيد الاول من نيتي درت لعجوزتي قفطان من المغرب صح من كازا ولخته ملابس نوم تاع النسا غاليين والغالي ربي تشوكيت حبة صابون معطاوهاليش وثاني عيد زادوا تعفرتوا هو راجلي يعطيهم 3000 دح يمدوهالي لكل وحدة هههه ثاني عيد عطاهم بش يمدولي هههه امالا حبية حطوهم في كرشهم هههههههههههههههه وكيفاش فقت ورا الزواج هدرا تجبد هدرة حتى قالي راجلي وفقتلهم وسكت في بلاصتهم خشمت من وش داروا وورا العرس درتلهم هدايا من هنا ومن الخارج زادوا تعفرتوا عليا

[*أم سجى*]

والله كنت نخمم بزاف في هذالموضوع وبعدما قريت ردود العضوات قررت نمد أبسط وارخص الهدايا والسلام

[كاميلا]

المشاركة الأصلية كتبت بواسطة أمل 95

والله كنت نخمم بزاف في هذالموضوع وبعدما قريت ردود العضوات قررت نمد أبسط وارخص الهدايا والسلام

ادا شفتيهم عايلته منهدرش على الحواشي مكرمين ويكرموك والعجوزة متستخسرش فيك ديريلهم يا اختي اما ادا باخلينك حتى بولدهم ديري هدايا رمزية كيما قالها راجلي علاش هدا كل كون درتي خيمار وقلب يشيح هههههه غاضته عمره يظل يشريلي قالي انا اللي لازم تجيبيلي حوايج بزاف هههه

[riheb razane]

المشاركة الأصلية كتبت بواسطة كاميلا

ادا شفتيهم عايلته منهدرش على الحواشي مكرمين ويكرموك والعجوزة متستخسرش فيك ديريلهم يا اختي اما ادا باخلينك حتى بولدهم ديري هدايا رمزية كيما قالها راجلي علاش هدا كل كون درتي خيمار وقلب يشيح هههههه غاضته عمره يظل يشريلي قالي انا اللي لازم تجيبيلي حوايج بزاف هههه

عندو الحق الصح فيه هو حنونتي راني قوتلك كو كان علابلي بلي يصرالي هكذا انجيبلهم السم على قلبهم ولا هذوك الحوايج تع المارشي هذوك وخسارة فيهم حسبي الله ونعم الوكيل فيهم ضروني بزااااف ياك اقولك الحجرة منعد الحبيب تفاحة املا مكالها اتكلفي روحك بزاف يابرنسيسة

[أثيلة]

شكرا جزيلا لمروركن بنات و لرايكن
لم تجيبو علئ اسئلتي اخواتي
و ايضا لم اجد شبابا هنا لما تفادو الرد!!!

[طيور الجنان]

يا اختي هاذو العادات ان شاء الله يروحو غير الزيادة في المصاريف بالتسبة ليا اديت لاهل زوجي اخواتو وازواجهم و خالاتو وعجوزتي و شيخي و اخوتو و زوجاتهم والحق ماقالو والو و اذا قالو ماسمعتش هههههه المهم و انازوجة اخي جابتلنا هدايا رمزية بصح قلنالها خليهم ليك و عن طيب خاطر على خاطر علابالنا بللي مسكينة ماجات تشريهم نقصتهم من روحها بصح هي ماحبتش لازم نتفهمو بعضانا والعروسة ياربي تلحق على شورتها تكملها حتى يزيدولها همهم.
وفي معظم الاحيان الرجل مايكونش علابالو بللي كاينة هاذ التكبيرة .