استفسار فيما يخص مقهى أنترنت في الجزائر

[amine19s]

السلام عليكم

اريد راي فيما يخص مقهى أنترنت


هل هدا المشروع ناجح و فيه فوائد

شكرا

[ramzi-alaae]

انا تاني راني حاب ندير مي معرفتش كيفاه نسيروا

[younes bissou]

المشروع هدا نقصت الخدما نتاعو بزاف

[zifou]

wallah machroo3 hayal

[yilmaz]

لن تعطيني لا ناقة ولا جمل لهذا انصحك لوجه الله ، ابتعد عنه بسبب قلة فوائده او اقترب انعدامها ظرك ب 30 دج تكونيكتي 24 ساعة فايس بوك والى اخره من امتيازات الانترنت الجديدة انا ننصحك تبتعد على المشروع نهائيا واذا راك شاد فيه صحيح لازم تفتح قدام اقامة جامعية او الجامعة في حد ذاتها وفقط لا يوجد ولا مكان اخر فلا تسالني الاماكن التي تستطيع ان تدخل منها فائدة هي الجامعة او اقامة الجامعة فقط الرزق على الله اكيد لكن الاسباب لازمة وراني نصحتك وانت حر ،،،،،،،،،،،، ملاحظة اخرى اي حاجة ديرها اوقف عليها انت حتى لو ماتفهمش في المجال نورمال دير خدام يفهم بصح تكون معاه انت هو القابض في المال تنجح اما الباقي يتعلمولك السرقة برك

[ahmed_com]

انا كنت فاتح سيبار كافي وكانت الخدمة ماشاء الله اما الان غلقتو على خاطر الخدمة تاع السيبار حبست سرالها كيما الطاكسيفون بكري

[mrmilano1984]

ياحسراه السيبار ههه كان في وقتو زد فيه تكسار الراس بزاف لازم توقف وتسهر والشعب مريض اغلبو يكسرلك ماتيرال واحد يتفرج مواقع عيانة واخر يتقيا واخر يسرق وامور كثيرة تخدم سيبار مع شعب كما هدا والفايدة في الاخير علي ربي

[citizen]

مشروع غير مجدي

[MaNni Aks]

الحمد لله انا راني خدام فقط في مقهى انترنت بتدفق 40 ميغا في مدينة العلمة و العمل ما شاء الله ماشي و الارباح الحمد لله مع الاعلم انني فقط عامل عند صاحب المحل و الفائدة التي تساعدك ايضا هيا الاعمال الخارجية مثلا ادخال التطبيقات و فتح الايميلات و الخدمات الالكترونية مع الاضافة الى العمل الرئيسي
كما قلت لك انا الان انصحك من مقهى الانترنت الذي اعمل فيه
لاكن مكان المحل يلعب دورا كبير و شكرا

[yacinou 32]

نصيحة لوجه الله اخطيك خويا راك تشوف اليوم ماكانش الي معندوش كونكسيو فدار و زيد خدمة الجيل الثالث يعني دوكا راه صرالها كيما تاكسي فون

[Mostafa Archi]

دير استخارة و اتوكل على الله
و ربي يوفقك