حول غسل الصوف

[binary girl]

السلام عليكم
ارجو أن تفيدوني بأحسن طريقة غسل الصوف
و ركززلي على طريقة تجفيفه ، و كم المدة التي يأخذها ليجف في هذا الجو و ربي يحفظكم

[جهينة اليقين]

اسمحي لي هذا وين شفت استفسارك اولا الصوف شرشميها الماء المغلي استعيني ببدون اوطاسة حديدية باش تتحلل الاوحال والاوساخ وخليها تبرد شوي وابداي ترفدي بالشوية وتعصري ثم عاودي بالماء دافي تقدري تستحمليه هذا الرة بيديك كذلك افتحي بالشوية والماء يكون كثير في بسينة كبيرة ثم عاودي العملية عدة مرات حتى يخرج الماء صافي ثم في بسينة ديري اي نوع من الصابون الساءل او اومو ذو راءحة جميلة وكاين الي يزيدو الجافيل باش تبياض وابقاي تفتحي بالكمية صغيرة وتنقي في نفس الوقت وارميها تتشلل في ماء غزير يستحسن يتعاونو عليها الانها تاخذ الوقت ثم ديريها تقطر في سلة نهار كامل او طول الليل ومين تنشف انشريها في بلكونة او الحوش واذا قدرت اضربيها بخشبة اويد المكنسة راهي تنحل مليح وخليها فالشمس وفالليل دخليها وهكذا حتى تيبس تماما لميها نتمنى نكون افدتك

[ميمي2012]

السلام عليكم ورحمة الله وبركاته


انا نعطيلك طريقة نتاعي هايلة ومتعبكش كثير .


نأخد كوب ليس مملوء نضاف نتاع لافيونس وندير الصوف في باسينة وعليها ماء السخون ونزيد نضاف ونحرك بليد نتاع المكناسة أكرمكم الله ونخليها 3ساعات، ومن بعد نحيها وتلقي كمل هداك الوسخ أكرمكم الله تحل وراح نشللها مليح ونعود نحطها في صابون أريال أو أومو ونخليها فيه من بعد نشللها ونعود شوية نتاع صابون وقليل من الجافل ونششلل مليح مليح ونديرها في مخدة فارغة ونحطها في ألة الغاسيل نشفها قليلا مشي كثير ونخرجها نفضها بلمطرق مليح مليح وننشرها تخرج كيما القطن وإدا راكي حابة تعمري بيها المخايد لزم متحليهاش مليح مليح بعد ماتنشف لكي تبق محافضة على حجمها.اي متحبطش المخدة تمتم.
ملاحظة : نضاف نتاع لافايونس يساعد في إزالاة الأوساخ بسهولة وزيد لما تكوني تنفضي فيها أوتغسلي فيه متوجعكش في أصابعك و كأنه يطريها وتتحل في الماء بسهولة .ومتخافيش منه مادرلي والو في يديا ممكن إلا خفتي تستعملي قفاز في الأول .
نتمنى نكون أفدتكم __________________

[crono]

https://www.djelfa.info/vb/showthread.php?t=1126661